الأربعاء، 31 ديسمبر 2008

......

سنه جديده..

الجمعة، 26 ديسمبر 2008

خايفه منك وعليكى


سامحينى

والله دا انتى أغلى الناس عندى

نصى التانى

توأمى وحته منى

والله ماقصدى ولاعشت ولا كنت يوم مااكون سبب للحظه وجع او حزن ليكى

بس كان لازم تفهى

وتفوقى

يمكن ربنا اختار ان ايدى هيا اللى تجرحك لانها اكيد هتكون أحن وأرحم من اى أيد تانيه

ويارب يجى اليوم اللى تقدرى فيه دا ومتزعليش منى

الأربعاء، 24 ديسمبر 2008

my heart


عارف

.

قلبى البردان قرب ينسى طعم الدفا

الاثنين، 22 ديسمبر 2008

شكر واجب

اسكندرانى فالغربه
أحمد سوووو
ايهاب شنكوتى
الصباغ
اسامه عبد العال
محمود بطوط حبوب
نهى سلف ميننج حبيبه قلبى
وقبل الكل طبعا بشكر ربنا
وأسفه بجد انى مقدرتش ارد على اتصالاتكو بس اكيد انتو مقدرين

الثلاثاء، 16 ديسمبر 2008

2009


باقيلها كام خطوه وتدق الباب

أكيد هنفتحلك 

ها ؟

جبتيلنا ايه فشنطتك؟

شويه أفراح ؟

ماشى كتر خيرك

شويه أحزان؟

 امممممم متعودين عليهم ياما شفنا من اللى قبلك بس متكتريش وحياه أبوكى

ها ايه كمان

خبرات هتعلمها.. 

صحاب جداد..

شغل جديد ..

كام دمعه وكام ضحكه..

يوم حلو ويوم مر..

ماشى

أأأأأه بصحيح استنى 

هتنسينى أسالك

جبتى حلم عمرى معاكى ولا نسيتى زى اللى قبلك

؟

؟

الأحد، 14 ديسمبر 2008

love؟


بتعمل ايه الكلمه دى؟

بتلغى العقل؟

بتعمى العيون؟

بتزيف الحقيقه؟

طيب ليه وعشان ايه

ما اللى يجرحك أو يكون سبب فى وجع ليك اقطع صفحته وطبقها بين ايديك وارميها وراك وكمل مشوارك

هيحصل ايه ؟

ولاحاجه

عادى يعنى

الاثنين، 8 ديسمبر 2008

missing u




اليك وحدك

رسائلى اليوميه الخاصه جدا

اصبحت على طريقتى 

بطعم الحلوى وألوانها

الورديه تعنى انى أفتقدك

الصفراء تسألك الا تعبث بغيرتى

اما تلك التى تذوب فى فمك فهى مثلى تماما فمازلت احلم بذوبانى فى دمك

مازلت انتظرك فى مكان ما 

رغم البعد والجفوه والملل

لم اتخلى عن رسالتى الابديه

تلك التى خططتها على اوراقى واحتفظت بها على هاتفى وهمست بها الى اصدقائى

اخترت لها تلك القطعه ذات اللون الاحمر

تذكر جيدا

يوم ان تستشعر حلاوه تلك القطعه فى فمك ستخبرك انى ببساطه

أعشقك

الجمعة، 5 ديسمبر 2008

العيد فرحه



اول مناسبه حلوه فمدونتى الجديده

كل سنه وانتم بخير وطيبين

اسكندرانى فالغربه . احمد سوووو . الصباغ . مها ميهو. محاسن صابر . كيارا. فاتيما . ايهاب شنكوتى . خيخه . . مكسوفه . محمد فوزى . اسامه عبد العال . زوجه وجوزها احمد . كوشيا . بطوط . اسراء . نهى . هنودا فى غربتها . رومانسى . صبرنى يارب . اوفر فورتى . روز. وميض ابتسامه . منى وعصر الجنون . كراكيب عادل . شفقه هانم وجوزها احسان بيه . ام البنين . ابيتاف . عمر اللى راح يحج . حزينه . عاشقه وغلبانه . ادم المصرى .هبنولا . رحاب . اميره . ميويا

كل سنه وانتم جميعا بخير عارفه انى اكيد نسيت ناس غاليين اوى بس معلش اوعو تزعلو

كل سنه وكل اهلى طيبين وربنا يخليهم ليا يارب

وكل سنه وانت كمان طيب فالمكان اللى انت فيه واللى انا معرفهوش

وربنا يعيده علينا جميعا بالخير

وطبعا متنسونيش من صالح دعائكم يوم عرفه

سلام

الأربعاء، 3 ديسمبر 2008

عن العشق والهوى

طالما استوقفنى فيلم عن العشق والهوى انصت جيدا لكل جمله واتأمل تعبيرات وجوه الممثلين أحس وقع أوجاعهم على قلبى واشاركهم دموعهم جميعا يبدو ان الفراغ قد اتاح لى فرصه تأمل الاخرين ورصد انفعالاتهم والاحساس والتجاوب معها فأصبحت الى حد ما اجيد قرائتها..

يخبرنى احدهم عن عشقه الابدى لفتاه تبعد عنه الالاف الكيلو مترات تختلف عنه فالديانه وقضت من سنوات عمرها 17 سنه فقط لاغير .. فجأه انصب نفسى حاكما واقضى بالاعدام على هذا الهراء او عفوا كما يسمونه لعب عيال اقضى باستحاله اكمال الطريق سويا فحتما لابد لهذه العلاقه البريئه ان تنتهى وحتما سوف تنسى وتختار لك الايام من هى انسب واقرب .. ستحبها كثيرا وتتزوجا وتتقاسما الليالى والايام والاحزان والافراح ... يوم ما ستتذكر تلك المحبوبه وتبتسم ابتسامه ساخره وتاخذ نفسا عميقا ترحما على ايام البراءه والصبى....

هكذا علمتنا الايام وهكذا ألفنا افلامنا العربيه فلكل انسان حب اول برىء لقلب ابيض طفولى ولابد لهذا الحب ان ينتهى لسبب وحيد معروف للجميع انه ببساطه مش هينفع الموضوع دا يكمل . وقتها تذكرت الفيلم واخذت اسرد على المحب الصغير احداثه هل شاهدت بكاء البطل عندما كان يقوم بمسح صور محبوبته .. كان يعشقها ولكن كانت الايام كفيله بأن تقضى على وجودها بداخله فقط كل ماكان يحتاج اليه القليل من الاراده والرغبه فالنسيان لا اكثر

اسأل نفسى لماذا لم اقف الى جواره واتخذت نفس موقف الاخرين تجاه علاقته ؟؟؟ اجد الاجابه واضحه فقد تغيرت كثيرا كما اخبرنى صديقى العزيز فقدت ايمانى بالحب وبالمحبين وكيف لا وقد قضيت الليالى والشهور والسنين استجديه واستعطفه دون رد او تلويح بأمل الاقتراب ولكن لا بأس من يدرى ماتحمله الايام فى جعبتها ربما الاتى افضل ...

بعد الكثير والكثير من التفكير لم أصل لشيىء ولم استطع التكهن بما قد يحدث لعلاقته البريئه او لحالتى المستعصيه وجدتنى اردد بداخلى جمله البطل الشهيره ماهو كداب ابن كلب اللى يقولك انه فاهمه...

السبت، 29 نوفمبر 2008

يمكن مكافأه؟؟ ليه لا


اخيرا بالونات وعصافير

ليله حلوه ودافيه

مش بتتكرر كتير

صحيح محصلش اى حاجه جديده

بس كفايه انى مبسوطه 

مسلسل وكام اغنيه ورقصه مع كبايه شاى مظبوطه

كفايه

الجمعة، 28 نوفمبر 2008

باخد ب ايدى


رقصه شهيه هيا الحياه

بالعشوقيه والمعشقه

مره فمره حلمك هواه

يملى الدنيا بالزقزقه

ويبقى الحلم صوره وصوت

لو بطلنا نحلم نموت

حبه صبر 

حبه حماس

يبقى الحلم صوره وصوت

الخميس، 27 نوفمبر 2008

shh....


حاجات كتير عاوزه اكتب عليها بس مش عارفه ليه مش لاقيه كلام اكتبه

ميت موضوع 

حاجات خانقانى وحاجات مفرحانى

حاجات بعملها وراضيه عنها بس فنفس الوقت مش عاجبه الناس

ناس دايما بتحاول تطلعك غلطان وبتحقر من اللى انت عملته وتحرق دمك عالمسا

هوا انا ليه بدون اساسا ؟؟؟  

طيب ايه لازمه وجود الناس فحياتنا ؟؟؟

ليه دايما بنفتكر الانتقادات الوحشه وبننسى  الانطباعات الكويسه ؟؟؟

ليه بحب مسلسل sex and the city رغم انى مبحبش التليفزيون وليه كل سؤال كارى بتساله لنفسها بطبقه على نفسى ؟؟

هوا ينفع اقعد لوحدى فتره طويله فهدوء تام محدش يكلمنى مع نفسى كدا بس ساعتها مش هلاقى غير الافكار تصدع دماغى وانا دماغى مش مستحمله؟؟؟

من يومين عماله افكر فى انطبعاتى عن السنه اللى هتخلص وبفتكر ايه اللى حصل فيها كام مره فرحت وكام مره عيطت كام مره جاتلى لطشه حب مين الناس اللى عرفتهم للاول مره ومين اللى بقو مجرد ماضى؟؟؟

ياترى السنه الجديده هتبقى عامله ازاى ؟؟؟

بفكر اعمل مدونه محدش يعرف عنها حاجه ولاحد يزورها واقعد اهيس فيها واكلم نفسى 

هوا ليه المدير بتاعى غتت وقليل الذوق كدا كل يوم يعمل فيا مقلب ويقصد يهينى ويحرجنى 

اصلا انا بكره الشغل وعند اول فرصه هاخد اجازه واقعد فالبيت 

ينفع اعمل ريستارت لكل حاجه؟  ولا الاحسن نعمل شت دوان ونخلص ؟

هيا ليه الحياه مبتمشيش شويه زى مااحنا عاوزين؟؟؟

معرفش اجابه ولا سؤال من دول انا هقوم انام احسن

الأحد، 23 نوفمبر 2008

شويه عنى


ينزعج رئيسى فالعمل عندما اخبره عن وجود صديق عزيز جدا على قلبى وقريب منه ايضا يمكننى ان ابوح له عن كل مايؤرقنى او يتعبنى دون ان اخجل منه او اخفى عنه شيئا .. يخبرنى ونبرات صوته وابتسامته توحى بأنه يقصد الانقاص من تربيتى انه لم يكن ليسمح لاخته ان تفعل فعلتى الشنعاء وينصحنى الا اخبر احدا بالجرم الذى افعله لانه ببساطه لاتوجد صداقه حقيقيه بين شاب وفتاه فالشيطان لابد ان يتدخل ليلعب بعقل احدهما خصوصا الشاب ويوحى له بافكار وخيالات قليله الادب.... فى سرى اوبخ نفسى واقول تصدق انا غلطانه ان انا قلتلك حاجه من الاساس

.................

الحمد لله اخيرا استطعت ان اتشافى من نوبه الحب التى اصابتنى مؤخرا دون حدوث اى مضاعفات لقلبى لم اعد افكر فيه ولا اتخلس النظر اليه من خلف الشباك ... لا ادرى ماهو السبب وراء هذا الشفاء المفاجىء ولكنى على اى حال سعيده به ..  وها انا ذا مره اخرى مع نفسى راضيه بها الى جوارى دون دموع ولاقلب متعب ولافكر شارد ..  يبدو انها كانت مجرد لطشه حب وراحت لحالها

................

علاقتى بربى مازالت تجرى على نحو لاارضى عنه مجرد محافظه على الصلاه وبعض الادعيه القليله ولكنى بداخلى لازلت اجتفظ بتلك النفس اللوامه المتعبه التى تؤنبنى وتعنفنى كلما ارتكبت خطئا واحمد الله عليها .. أظن انه سوف يأتى اليوم الذى اعود فيه لعلاقتى الحقيقه بربى فقط احتاج لطاقه من النور او من الممكن ان اكتفى ببصيص منه ينير لى الطريق ويعطينى الطاقه والدفعه كى انفض عن قلبى ذلك اليأس الذى يسكنه منذ فتره

.................

بقالى كام مره كل لما اكتب بوست اتفاجىء انى كتباه فى يوم فردى 13 او 17 او 19 وانا بكره الارقام الفرديه جدااا معرفش ليه صحيح بتغاظ بس هيا بتيجى كدا بقى

...............

بس خلاص

الأربعاء، 19 نوفمبر 2008

سوووسه


سوووسه .. سوسه .. سوسه

سووووسه كف عروسه

سوسه واللى يصقف يستاهل منى بوسه

يستاهل منى بووووسه

احرف  وكلمات ولحن يحملنى من مكانى لعالم اخر بعيد.. بعيد جدا لاادرى كيف استطاع مؤلفها ان يطعمها بكل هذا القدر من الحنان والحب العفوى الربانى

يعلم كل من حولى حبى الفطرى للاطفال وعشقى اللامحدود للاطفالى الصغار الذين مازالو فى علم الله حتى الان 

مشاكل وهموم واحزان قد تصل حد الاكتئاب احيانا اتناسها تماما و الى الابد بمجرد سماعى لهذا الصوت الدافىء ينشد تلك الكلمات التى احسبها تخرج من قلبى انا لا من قلب المؤلف

سوووسه خبط خبط

طبطب ياابو كف مبطبط

ولا تغلط ولا تتلخبط دا مفيش اسهل من سوسه

سقف خلى الضحكه ترف وارقصلى ولف ولفلف

رقص قلبى المتلهف على تسقيفه ننوسه

على تسقيفه ننوووسه

اغمض عينى ..اجدنى جالسه بجوار صغيرى .. عشقى الحقيقى النائم .. اتأمل ملامحه وامسك بكفه الصغيره المنمنه الناعمه الاحظ حركه مقلتيه واتسائل ترى بم تحلم هل تطير مع الملائكه فى سماء زرقاء ام تلعب معهم على عشب اخضر فى مكان فسيح  ام تطارد فراشه رقيقه مثلك وتحاول ان تمسك بها؟؟؟  متى ستفتح عينيك كى تضىء سماء قلبى الذى استوحشك كثيرا؟؟؟

دقدق دقدق بكفوفك

بكفوفك دشدش خوفك

نفسى تكبرلى واشوفك ماسك بيها الشموسه

بكفوفك دقدق دقدق عصفوره قلبى تزقزق 

يسلملى كفه محندق وضوافرينه فسفوسه

وضوافرينه فسفوووسه

لالا لا اطيق انتظار استيقاظه دعنى احلم بمكان اخر وليكن الريسبشن نجلس سويا على الارض المزيد والمزيد من قطع المكعبات الملونه تتناثر يمينا ويسارا تمسكها بكفك الصغير وتلقى بها بعيدا تضحك كثيرا عندما اجرى خلفها كى احضرها لك ايها الشقى الصغير اقبلك واحتضنك والف بك سريعا اعرفك جيدا تفرحك تلك الحركه الجنونيه التى تشعرنى انا وانت بالدوار للحظات

سقفلى وعلى تسقيفك تمشى الدنيا على كيفك

بابا هنا ف اوضتك ضيفك سقف هاتله بسبوسه

سقف دا انا على تسقيفتك بحنان قلبى لفلفتك

ياسلاملم على مزيكتك 

نونو اوى انما محسوسه

نونو اوى انما محسووووووسه

حان وقت النوم تضع راسك على صدرى بينما احوطك انا بذراعى كعادتك لا تنام الا على صوتى وانا اهمس لك بحدوتك المفضله

(( كان ياماكان ياسعد يااكرام كان فى ولد عسول خالص مالص اسمه بيدو كان بيحب مامى ومامى كمان كانت بتعشقه بس هوا كان شقى خالص وعفريت ومكانش ينام الا لما مامى تحكيله حدوته الفراشه الصغنططه ام بلوزه منقطه......))

ملحوظه على جنب: يارب يارب ومن جوا قلبى يرزق كل واحده محرومه من الاطفال ويرجع كل طفل غايب لحضن امه ويشفى كل طفل مريض يارب

الاثنين، 17 نوفمبر 2008

سوء تفاهم

ممكن تقبل اعتذارى

خانتنى كلماتى 

انا متلخبطه

بص

انا هلف وارجع تانى

هرجع للشط قبل مالموجه تشدنى اكتر

اصلى للاسف الشديد

مبعرفش أعوم

....

الجمعة، 14 نوفمبر 2008

وقت الحصاد

اللهم انى أمتك .. بنت عبدك .. بنت أمتك
ناصيتى بيدك
ماض فيا حكمك
عدل فيا قضاؤك
عدل فيا قضاؤك
عدل فيا قضاؤك
الظاهر جه الوقت اللى هتجنى فيه اللى زرعتيه
بس ياترى هتبقى راضيه
و من جواكى مقتنعه ب ان دا نتيجه طبيعيه
ورد منطقى
وعقاب عادل
ولابرده لسه هتقاوحى
وتعملى بريئه ومسكينه ومظلومه
واجهى نفسك بقى
رتبى اوراقك
ارجعى للطريق
واستعدى لوقت الحصاد

الأربعاء، 12 نوفمبر 2008

شكرا سيدى

نظرته
فتحت شبابيك قلبى
وزرعت جواه ورد
وركبتنى مرجيحه طلعتنى فوووق
وسكنتنى فوق سحابه كبيره ناعمه
جنب القمر



الاثنين، 10 نوفمبر 2008

فضفضه



ليله طويله قضتها بين استعطاف للنوم انه يريحنى وبكاء هيستيرى من غير اى سبب جديد واضح

بكيت كما لم ابك من قبل

لوحدى من غير صوت

اقنعت نفسى انى بكره هرجع من الشغل اترمى فحضن أمى واعيط واقولها انى تعبانه

روحى بتوجعنى ومش مبسوطه

اخيرا حن النوم عليا ورحمنى من البكاء بس سابنى فريسه للكوابيس

الصبح

عنين متورمه ورغبه شديده فالنوم

اخيرا قمت لبست وخرجت من غير اى الوان ولا ميك اب

مليش نفس اصلا

انا بس عاوزه اعيط

صحبتى الانتيم هيا كمان نفسها تعيط لسبب ابسط بكتير منى

فالعربيه

نفسى اشكيلها واقولها اللى فيا

الكلام على طرف لسانى

لسه هبدا احكى

لسانى اتلجم

ليه تحكيلها

هتعملك ايه

هتطبطب عليكى وتقولك معلش استحملى بكره احسن

وبعدين

ايه هيتغير

كل اللى هيتغير انك هتتعرى قدامها

هتبانى ضعيفه ومسكينه ومكسوره وبس

اسكت

ابتسم

اقولها احكيلى

مالك

فضفضيلى ياحبيبتى

تبكى

احضنها

اقولها معلش بكره احسن ..اصبرى ..واطبطب عليها

اما انا

هحضن قلبى بنفسى

مش محتاجه طبطبه من حد

الخميس، 6 نوفمبر 2008

تخاريف


لعبه بازل

تستمتع وانت بترص قطعها جنب بعض

مستنى لوحه حلوه صنعتها ب ايديك

وفجاه

تكتشف ان اهم قطعه مش موجوده

ضايعه

وان لوحتك خلاص ملهاش قيمه ولا لازمه

هكذا هي أحلامها دائما

ولكن لابد لها ان تبتسم وتمضى فى طريقها

الاثنين، 3 نوفمبر 2008

ايامنا الحلوه


نغمه تفتقدها منذ فتره تخبرها بأن هاتفها الذى أوشكت ان تنساه قد استقبل لتوه رساله
كعادتها دائما يتملكها الرعب حين تستقبل رساله تردد بداخلها
استر يارب ترى مالذى حدث
تخشى دائما ان يكون احدهم قد اصابه مكروه
تمسك هاتفها وتبدا فى قراءه الرساله
وحشتينى اوى ياحره ووحشتنى ايامنا الحلوه مع بعض ياترى فاكراها ولا نسيتى لما بعدتى ياريت لو نتقابل كلنا قريب
يااااااه  صديقتى العزيزه
جميل ان يظل مكانك فى قلوب الاخرين محفوظ رغم البعد
انا ايضا افتقدك كثيرا وافتقد احلى ايامى بينكم رغم قصرها
الحنين دائما يحملنى اليكم
اتذكرك عزيزتى واتذكر حقيبه يدك المملوءه بالبنبونى والشكولاته وبعض المسكنات والشاى ابو فتله والسكر بجانب حافظه نقودك وموبيلك والكثير الكثير من الاشياء
كثيرا ماضحكنا وتعجبنا من تلك الشنطه المحبوبه من الجميع دى ولا شنطه واحده صينيه بتاعت هاجات هلوه
الكثير من الذكريات والضحكات والدموع والحكايات احملها لكم داخل قلبى
thanks vodafone
فلولا عرضك تك تك وتررن تررن ما اتيحت لى تلك الفرصه كى اعرف بمكانى المحفور داخل قلوب الكثير من احبائى 
يكفينى انى كنت ممن اختاروهم كى يحملوك رساله لى مفادها
بنحبك وحشتينا

الأحد، 2 نوفمبر 2008

لولولىىىىىى


لولولولولىىىىىىىىىىىىىىى

عقبال عندكو ياحبايب 

عقبال ولادك ياام  سيد

والله وعملوها الرجاله 

بابا وماما وخالى والاستاذ جارنا والمدرس بتاع اختى الصغيره والمدرسين بتوعى اللى من عهد الفراعنه وقربو يطلعو معاش

كلهم كلهم نجحو الحمد لله

وجابو مجاميع تشرف 

وان شاء الله هيدخلو كليه الطب ويبقو اساتذه دكاتره باشمهندزين لو يحبو كمان

وبهذه المناسبه العظيمه بهديلهم اغنيه الناجح يرفع ايده هيييييييه

سامحينى


من الغباء انك تعيش زى الملاك بين البشر

لست ملاكا ولكنهم بأفعالهم  يجبروننى على التلون والحذر

يقتلون عفويتى  بسوء نيتهم ويسربون النفاق تدريجيا الى دمى 

 اكتشفت أنه كى استطيع التأقلم مع عالمى الجديد لابد وان اصبح جزءا منه

ان اصبح مثل ساكنيه

بشرا

الخميس، 30 أكتوبر 2008

وصيه


كالعاده كل يوم بتابع الموضوعات الجديده اللى صحابى المدونين بينزلوها وكنت فمدونه العزيز الصباغ توقفت عند جمله فالجنب كدا بتقول مدونون فى ذمه الله  لا اراديا كدا لقيتنى بدخل كل مدونه فيهم أشوف صحابها كانو عاملين ازاى

لقيت مدونات مليانه بالفرحه احيانا والحزن احيانا واليأس والنجاح والفشل ...لحظات من حياتهم سجلوها فراشات ملونه بتطير البنات صاحبات المدونات منهم اللى لسه يادوب بتحط رجلها على طريق مستقبلها وفجاه مرض مباغت ..مستشفى ..موت

الموت...الكلمه دى بترعبنى بجد مجرد التفكير فيها بيخلينى ابكى غصب عنى بخاف منه بخاف يفاجئنى وياخد حد عزيز عليا وقتها مش عارفه ازاى هستحمل واذا كنت هقدر اكمل حياتى ولا هتبقى مجرد تقضيه ايام.. ايام ملهاش طعم ولا فيها روح بارده وقاسيه 

بخاف ياخدنى انا مش عشان حاجه بس بيصعب عليا فراق اهلى وصحابى بيصعب عليا حزنهم ودموعهم بتخيل حياه ماما وبابا ولا اخواتى نصى التانى هيبقو ازاى ياترى هيقدرو يفرحو بعد كدا هينسونى ويكملو حياتهم ولا هفضل جواهم للاخر العمر

أحمد سوووو فى مدونته كاتب وصيته لو لاقدر الله جراله حاجه انا كمان عاوزه اوصيكو لما تسمعو فيوم عن خبر موتى تبقو تقرولى الفاتحه وتدعولى ربنا يغفرلى ويرحمنى ويتجاوز عن سيئاتى واذا كنت ف يوم زعلت حد منى يبقى يسامحنى ارجوكو

ماما وبابا واخواتى متبقوش تنسونى ارجوكو اكيد هتكملو حياتكو عايزاكو تفرحو بكل لحظه حلوه وتعيشوها وتفتكرونى معاكو لانى بجد بحبكم اوى اوى

بوست كئيب وحزين انا عارفه بس كان لازم اكتبه..سامحونى

الاثنين، 27 أكتوبر 2008

دقيقتين ب أيام من عمرها


دقيقتين بس

ردت فيهم على كلام مسمعتهوش

اديها بترتعش

كلامها مش منظم

الناس فعالم وهيا فعالم تانى

فاقت على صوت البنت اللى بتبيع

ياأنسه انتى نسيتى اللى اشتريتيه

هه  اه  طيب 

بيجى فدماغها سؤال واحد بس كل لما بتشوفه

هوا انت من اهل الارض ولا جاى من الجنه؟؟؟

السبت، 25 أكتوبر 2008

اليه


عيناك ليال صيفيه ورؤا وقصائد ورديه

ورسائل حب هاربة من كتب الشوق المنسيه

من أنت؟؟؟

من أنت زرعت بنقر خطاك الدرب ورود جوريه

من انت؟؟؟

كالضوء مررت كخفق العطر كهزج اغان شعبيه

ومضيت شراعا يحملنى كقصيده شمس بحريه

لوعود راحت ترسمها احلام فتاة شرقيه

عيناك ليال صيفيه ورؤا وقصائد ورديه

من أنت؟؟؟

من انت وسحر فى عينيك يزف العمر لآمنيه

لكأنك من قمر تأتى من نجمه صبح ذهبيه

من ارض فيها شمس الحب تعانق وجه الحريه

وانا فالعمر مسافره ومعى عيناك وأغنيه

عيناك ليال صيفيه ورؤا وقصائد ورديه

الجمعة، 24 أكتوبر 2008

شتاء أخر


جاء من جديد ليدق الابواب.... ذلك الضيف العجوز الحزين 
منذ ان كنت طفله وانا اكره فصل الشتاء للاسباب ارتبطت معى بالدراسه والاستيقاظ المبكر الذى ابغضه اشعر فيه بالكأبه نهاره مغيم رمادى اللون حزين وليله طويل بارد
الحسنه الوحيده التى يحملها بجعبته هى تلك الامطار التى اشعر وكانها منحه من الله كى احتمل هذا الفصل ف انا اعشق رائحه المطر تماما مثلما اعشق نسمه الهواء البارد فى نهار صيفى حار 
كوب من النسكافيه البلاك او الكاكاو باللبن واغطيه ثقيله وكوفيه والكثير من الملابس والمئات من الافكار والاحلام الشارده هى كل مااحتاجه يوميا كى اتغلب على ليله الطويل الوحيد
لا انسى بالفعل ان اتذكرك وكيف لا وانت مركز احلامى ومصدر دفئى استطيع ان احادثك فى خيالاتى اعاتبك على تاخرك وتركى بمفردى فريسه لهذا البرد اتمنى لو كنت الى جوارى تحيطنى بذراعيك تخبئنى داخلك نتحادث كثيرا كثيرا
تحكى لى وانت ممسك بيديى عن ايام طفولتك واول مره شعرت فيها بخفقان قلبك واضطرابه تخبرنى انه لم يكن يوما حبا لان حبى هو الحقيقه الوحيده فحياتك وبانك قد ملكتنى عرش قلبك... ابتسم واختبىء اكثر بداخلك اهمس لك انى احبك وانه لولاك ماحلى لي طول ليل الشتاء الذى طالما قضيته وانا احلم بك وبتلك اللحظات التى تجمعنا سويا
ولكن هاهو شتاء جديد يطرق باب قلبى ليجده على حاله تماما مثلما تركه وحيدا باردا ينتظرك كى تشعل بداخله النيران...
نيران حبك الدافئه

الأحد، 19 أكتوبر 2008

انت شمسى


كثيره هى المرات التى اقنعت نفسى ب أنى اصبحت الان ناضجه

ناضجه حد التخلص من رباطات الشعر الورديه التى ترسخ بداخلى ذاك الاحساس الطفولى الممتع

اجبرت نفسى مرات ومرات  كى تستيقظ من احلام يقظتها التى تغط فيها تاركه ورائها واقع مؤلم بالانتظار

واخذت اكرر بداخلى انك لم تكن ولن تكون يوما سبيلى الوحيد للسعاده 

وان شمس ايامى لابد لها ان تشرق بدونك ولابد للالوان  ان تشق طريقها لقلبى

فلقد مللت الانتظار الذى اصبحت احترفه

مللت اللون الرمادى الذى يغلف قلبى ويحيطنى من كل جانب

مللت الابتسامه المصطنعه على شفاه بارده وقلب متعب

مللتك انت ايها الفارس الغائب صاحب القلب الميت والمشاعر المتحجره

ولكن فى لحظات ضعفى وانكسارى امام ايامى وامام نفسى 

اجد ان كل قناعاتى كانت مجرد اوهام اسكن بها جرحى وامضى بها ساعاتى الطويله

واشعر بالحنين الجارف لتلك الطفله بكل ماتحمله من احلام ورباطات ورديه وضحكه صافيه

انزع عنى قناعاتى وارتمى بين ذراعى طيفك كى يخبئنى فى قلبك

اخبرك بانك مصدر الدفىء الوحيد فى حياتى

انت احلامى

وانت شمسى

الثلاثاء، 14 أكتوبر 2008

لم يحن وقت النهار


قلبى الحبيب

اشعر بك تتثائب وتريد ان تنفض عنك غطاءك وتنهض من نومك العميق 

منذ ان رايته وانا احس بدبيب من الروح يسرى بداخلك

تتمنى لو ترى شمس النهار على يديه

ولكن عزيزى أنسيت ماتعاهدنا عليه 

ألم اخبرك ان روحى لم تعد تتحمل المزيد من الجراح والهموم

يكفيها ماتعانيه فى صمت 

فلا تحملها مالا طاقه لها به 

ارجوك صغيرى اغمض عينك انها مجرد احلام

اوهام 

كوابيس 

فارجع الى مكانك وانسى ماتحلم به 

فالليل مازال يسرى 

والنهار اظنه لم يحن موعده بعد

الاثنين، 13 أكتوبر 2008

هيحصل ايه


ياسلام ياسلام

لما الايام

تدينا معاد تتحقق فيه كل الاحلام

السبت، 11 أكتوبر 2008

نفسى


أيتها الصغيره

ياصاحبه الروح المرحه

والقلب الابيض

والاحلام الملونه

أفتقدك كثيرا

الجمعة، 10 أكتوبر 2008

من جديد


ب اديكى انتى اكتبى بدايتك

بدايه من غيرهم كلهم

من غير الم ولا حزن ولا مشاكل

بدايه على صفحه جديده 

 
template by suckmylolly.com flower brushes by gvalkyrie.deviantart.com