الثلاثاء، 14 أكتوبر، 2008

لم يحن وقت النهار


قلبى الحبيب

اشعر بك تتثائب وتريد ان تنفض عنك غطاءك وتنهض من نومك العميق 

منذ ان رايته وانا احس بدبيب من الروح يسرى بداخلك

تتمنى لو ترى شمس النهار على يديه

ولكن عزيزى أنسيت ماتعاهدنا عليه 

ألم اخبرك ان روحى لم تعد تتحمل المزيد من الجراح والهموم

يكفيها ماتعانيه فى صمت 

فلا تحملها مالا طاقه لها به 

ارجوك صغيرى اغمض عينك انها مجرد احلام

اوهام 

كوابيس 

فارجع الى مكانك وانسى ماتحلم به 

فالليل مازال يسرى 

والنهار اظنه لم يحن موعده بعد

68 التعليقات:

كيارا يقول...

اوووووووووووول تعليق

كيارا يقول...

مش عارفه اقولك ايه كلامك بيدور جوايا ويمكن دايما بيكون في صراع بين رغبه الاستمرار والخوف من الجراح والعذاب

انا حره يقول...

كيارا

عارفه ياكيارا لما قلبك كدا تحسى بنغمشه جواه وتفكير فالبنى ادم دا ونفسك تدى نفسك الامل بس عارفه اخرتها

ماهى عمرها مافرحتك دايما بتجرحك اشمعنى هتظبط المره دى

تقومى تقولى لا موتى الفرحه دى من اولها كدا احسن

romansy يقول...

سياتى يوما النهار لا محاله
ولكن استمتعى بكل لحظه من لحظات الليل كى يحبك ويمر عليكى سريعا

mohamed ghalia يقول...

كلامك يدل على إحساس عالى قوى
ربنا يزيدك
تقبلى إحساسى وإعجابى

esraa يقول...

مين عارف؟

مش يمكن وقته جه وهي بس اللي مش اخده بالها؟

safa7_karmooz يقول...

انظر يا قلبى الى هذا القلب الحنون ..

وضعته صاحبته فى صندوق...

ومنعت عنه الحب الصدوق

واقنعته انه يرى مجرد كوابيس

ولكنها تناست قليلا...ان هناك نواميس

من الصعب ان ندعوها بالكوابيس

فسيأتى يوما ....مكتوبا فى الورق

قلبك سوف يرق ...

الى قلب اخر منتظرا...

وحبا اخرا مكتملا

لسعادة فى حياة دائما

---------------

بصى هوا مافيش سجع...ولا تشبيهات ولا اى حاجه..

بس عجبتنى جدا جدا جدا ...

كلماتك فلقيت نفسى كتبت اللى كتبته..:)

حاسوباتيه يقول...

جميله ورقيقه قوي

انا حره يقول...

رومانسى

الليل طول اوى زى ماتكون ليله شتويه بارده والكهربا مقطوعه ومش راضيه تخلص

انا حره يقول...

محمد غاليا

اشكرك على زوقك

انا حره يقول...

اسراء

الله اعلم بس هيا اتعودت متحلمش ولا تفرح باى حاجه تعتبرها فرصه او طاقه نور بتتفتح عشان كل مابتقرب عشان تلمسها بتلسعها وتنطفى

انا حره يقول...

سفاح كرموز

كلامك محتاج يتعمل بوست لوحده

اشكرك على رايك

انا حره يقول...

حاسوباتيه

ميرسى اوى ليكى

كباريه يقول...

الحب جميل فعلا

Shereif يقول...

كلامـ جميل ومؤثر...

Sometimes يقول...

جايز ما تكونش احلام وكوابيس ويكون النهار طلع فعلا

جميل واحساسك رائع احييكى عليه بجد

سمو الأميرة سارة يقول...

اممممممممممممم .. طب ما يمكن دا الوقت الوحيد اللي النهار جاي فيه .. واللي راح ما بيرجعش .. على فكرة كلماتك ومدونتك واسمك كلهم على بعضهم رووووووووووووووووووعة تسلم ايدك ياقمر

انا حره يقول...

كباريه

الله العلم

مقدرش احكم لانى مجربتش

تحياتى

انا حره يقول...

شريف

اشكرك ونورتنى

انا حره يقول...

صم تايمز

يمكن الله اعلم بس افضل انى متعلقش بحاجه ممكن متحصلش

لما تبقى تحصل والنهار فعلا يطلع واشوف الشمس بعنيا وقتها بس اقدر احكم ان دا نهار

انا حره يقول...

سمو الاميره ساره

لو دا النهار الوحيد ومكتوبلى اشوفه وافرح بيه هشوفه واللى بيروح جايز يكون فى احلى منه جاى

انا بكلمك دلوقتى وانا مودى كويس ومتفائله هههههههه جايز لو رديت على نفس التعليق فوقت تانى ارد بطريقه تانيه خالص

ربنا يستر وميرسى اوى لذوقك

Soooo يقول...

دايما النهار موجود
بس المهم .. ان الامل يكون جوانا له وجود
وعيشي واحلمي براحتك
من غير حدود


وانتي ازيك كده؟؟؟
ياشيييييييييخه
طب فل قوي
انا ماشي بقى




سلامووووووووووووووووز

No Fear يقول...

السلام عليكم
ياريت الحب بالعقل
الحب بيجي لوحده
انا معرفش سنك قد أية؟
لو أنت لسه صغيرة يبقي اللي بتقوليه صح لو كبيرة أقصد بكبيرة قادرة علي الإرتباط يبقي تحبي طبعا
بس بحدود و قيود علي نفسك علشان متتجرحيش و متتسرعيش في الحكم علي نفسك
و الأفضل فعلا قلبك ينام أحسن علشان هو سهر جامد
:)

Lady E يقول...

السلام عليكم

اول زيارة لمدونتك الجميلة وتعرفي احساسي بالضبط اللي كتبتيه في البوست
انا كاتبة كلام قريب جدا من كلامك في الاجندة بتاعتي

بجد تسلم ايدك و ان شاء الله يحن و قت النهار قريب

الشنكوتي الكبير يقول...

وليه يا قلبها يا عبيط
عمال تنط لفوق تكونش عايز تطير
اسكت بقى واسمعلها
دي هي ناصحه وفهمها على قدها
قال ايه تقولك اتلهي
واسكت كده ومعرفش ايه
قال ايه يا اخويا بتقتله وتدفنه
وايه السبب
خايفه عليه
هو انت يعني لما يا قلبها تندفن راح تتحفظ
هو كده يعني الأمان
تموت جبان
لا مش كده
اصرخ يا واد
رفس لها
وزعق لها
وقولها
اه هانجرح
اه هاتظلم
لكن هاعيش
اما ان طاوعتك حضرتك
ودفنت نفسي وفرحتي
ونسيت حياتي ودنيتي
يبقى هاموت
والأنتحار طبعا حرام
انا راح اخوض المعركه
واهجم عليها
ويا اما قلبه هاخطفه
يا اما ياخدوني اللومان
مش اندفن
ويقولي عارفه المصلحه
دي عبيطه دي ولا ايه بقى


سلااااااااااااااااااااااااااام
سعيد بزيارة مدونتك

Bannoura يقول...

لم يحن...وقت النهار

إلى الآن

: )
تحياتي

blue-wave يقول...

ولكن سيأتى موعدة قريبا
تحياتى

انا حره يقول...

نو فير

ايوووون اهو دا اللى عاوزه اسمعه من قلب لسه جرحه جديد وبينزف

بذمتك مش عندى حق وخليه نايم انشالله يموت حتى

فيها ايه لما يموت مش هيجرى حاجه اهو يرتاح

لو عالسن فاانا كبيره اطمن مش كلام بنوته لسه احلامها صغيره

انا حره يقول...

سوووو

الباشا الكبير حقك عليا اتخطيتك

وقت مالنهار يطلع مش هغمض عنيا ولا اتعب قلبى معايا وهسيبه يفرح براحته بس لما نتاكد انه نهار

وانت عامل اااااه ياابو اسماعين مش كلو تمام بردددك

انا حره يقول...

ليدى اى

سعيده بمرورك وسعيده اكتر ان البوست عجبك ياقمر

انا حره يقول...

الشنكوتى الكبير

سيدى ياسيدى عالكلام الجامد بقى انا عبييييطه عاااااااااا ربنا يسامحك

بس يارب تكون بقيت احسن دلوقتى وعرفت ان الخيره فيما اختاره الله

سلالالالام

انا حره يقول...

بنوره

ماانا بقول كدا بردو ياقمر

نورتينى

انا حره يقول...

بلو ويف

ربنا يسمع منك يادكتور

تحياتى

elsha3er يقول...

لكنه قال لقد حان وقت النهار قد حان وقت النهار


دمتى مبدعة

احمد الشاعر

ريمان يقول...

ما شاء الله

جميل اوى الحوار ده اللى بينك وبين قلبك

رائع بجد وكلمات جميله

مع تحياتى

عازف الناى الحزين يقول...

حاسس بيكى بجد
أحيانا يفضل المرء ترك السعادة مؤثرا السلامة على أن يعيش حياة سعيدة و هو خائف من زوالها
بوست رائع
و مدونة محترمة بجد
تقبلى مرورى

كـــيــــــــارا يقول...

تقومى تقولى لا موتى الفرحه دى من اولها كدا احسن

----------

عارفه اني بعملها كتير اوي عشان ماحلمش واطلع لفوق لفوق واقع واحس بالانكسار واتعذب عشان اقف من تاني

وعشان كده اي فرحه بقتلها من اولها ويمكن قتلها مش سهل

وبيعذبنا اكتر ونقول ليه ماتحلمي وهتنجحي وهتبقي الدنيا احلي لكن برده بتخافي لتنكسري والانكسار بيبقي وحش اوي

Amr Fekry يقول...

واو .. مدونة صغيرة بس لذيذة

ادم المصري يقول...

كم صعبة هي لحظات الانتظار
والاصعب عندما يرفض ان يذهب من ننتظر ذهابة ويستعصي علي المجيء من يرد لنا مجيئه الحياة
دعي قلبك يثور عله يجد ضالته
.
.
لك تحياتي والسلام

Desert cat يقول...

فكرتينى بقولة كنت ارددها دائما لما كنت امر بنفس مرحلتك بالاحاسيس
قلبى انت يا سبب شقائى ومذلتى
مودتى يا قمراية

اقصوصه يقول...

فجاه..بدون مقدمات..تحص بعض الاشياء

التي لم تكن بالحسبان!!

barbie girl يقول...

متحبسيش نفسك جوه جراح قديمة.. الدنيا منتهتش

انا حره يقول...

الشاعر

لا ياسيدى انت بتضحك عليا اكمن قلبى لسه صغير وميعرفش حاجه

لسه النهار مطلعش انا مسمعتش صوت الديك ولا العصافير

انا حره يقول...

ريمان

اشكرك

دمتى بكل خير

انا حره يقول...

عازف الناى الحزين

اهو انت قلت المقصود من البوست ومن احساسى بالخوف

اشكرك على رايى

وتحياتى ليك

انا حره يقول...

كيارا

لما تبقى مجربك حظك مع الدنيا فالموضوع دا ياكيارا وعارفه ان دايما بتطمعك من بعيد وتعشمك وتقرب منك اوى واول ماتيجى تمسكى وتطبقى على حلمك فجاه تسحبه وتطلعلك لسانها

لما تتعودى على كدا تحسى ان حتى الحلم مش من حقك لان اخرتها معروفه

انا حره يقول...

عمرو فكرى
متغلاش عليك اتفضلها

نورتنى

انا حره يقول...

ادم المصرى

الخوف والرضا بالمقسوم بيحرمك من انك تنطلق وتحلم زى مابتقول

انا حره يقول...

قطه الصحراء

مبقتش لسه صغيره بااحلام ثانوى او اول الجامعه عشان اسمح لقلبى يذلنى لحد

واذا كان فالحب مذله يبقى قلته احسن

نورتينى للاول مره ياقمر

انا حره يقول...

اقصوصه

اموت انا فالمفاجات الحلوه

نورتى

انا حره يقول...

باربى جيرل

نصيحه غاليه هحاول اعمل بيها

تحياتى

كـــيــــــــارا يقول...

كلامك وجعني اوي يمكن محستش بنفسي الا وانا دموعي بتنزل

اوقات بنتوهم اشياء وهي في الاخر سراب

بس برغم كووول ده

ربنا موجود

والامل موجود

وربنا مش هيسبنا ابدا

بس ندعيله من قلبنا

ربنا كبير ومعين

أسوور يقول...

عيشى ايامك وماتخافيش من الجراح
لأن الجراح بتسبب الألم
والألم هيبقى موجود لو مجربتيش الحياة
جربى وافرحى واحزنى وارتاحى واتعبى علشان فى يوم تحكى حكاياتك لولادك اللى ممكن يكونوا فاكرين ان همة بس اللى عارفين و فاهمين زى ما احنا بنفكر فى اهالينا
على الأقل يبقى عندك ذكريات .. حلوة او .. اليمة .. مش احسن من اللى مالهوش ذكريات؟؟؟
تحياتى

GiGi يقول...

انا مبسوطه قوي بمرورك عندي بجد والله
انا اعرفك من قبل مااعمل مدونه
انتى حلوه قوي
بجد موضوعك ده بيثير اكبر مشكله فى حياتنا اننا بنخاف نجرب لاننا مفيش عندنا مناعه ومش بنبقى مهييئين لاى شئ غير اللى احنا عايزينه
تحياتى

صفا يقول...

اكيد النهار هييجى وقته :)
الخوف من الجراح يجعلنا نتوقف عن اشياء ولكن يجب الحرص

وده مش اعلان عن مدونتى ولا حاجة
بس انا عاوزة اعرف السبب

تقبلى مرورى

صفا يقول...

مممممممممم شوفى يا ستى العبقرية من وجهة نظرى انا مش بافرض رأيى على حد انا شفته عبقرى لانه قدر يبهرنى بالبوست ده لانى باحب البوستات الغريبه والمبهمة عبقريتة فى انه قدر يشدنى للبوست ده بجد كونه انه حرك عقلى وشغل الفضول عندى ده فى حد ذاته عبقرية من وجهة نظرى والاختلاف فى الرأيى لا يفسد لاى حاجة قضيه انا بس اللى زعلنى انك اتهمتينى بانى باعمل اعلان عن مدونتى وخلاص وانا مش كده خالص والله ده بجد زعلنى اوى ان حد يظن فيا وحش من غير ميعرفنى ده يزعلنى جدا انا لو عاوزة اعمل اعلان ممكن وسهل جدا انا اعرف مدونات كتيييير جدا بس مش باسيب تعليقات لمجرد انى اسيب تعليق تعليقى بيكون على حاجة معينة

واسفة لو طولت عليكى يا جميل
:) بس بردو عاوزة اعرف السبب

انا حره يقول...

كيارا

لا ياقمر متعيطيش ولا حاجه زى ماانتى قلتى كله على الله واللى مكتوب هنشوفه

انا حره يقول...

اسوور

والله احيانا بفكر بالمنطق دا بس برجع اخاف وبطلع جبانه فالاخر

عالعموم نورتينى وياريت اعرف اسوور يعنى ايه بقى

انا حره يقول...

جيجى

مين

فين

ازاى

انا لسه عامله المدونه اول الشهر ازاى تعرفينى من قبلها ؟؟؟؟؟؟؟

اكيد حصل لبس او قلع الله اعلم المهم انى فى حاجه غلط

بس على كل حال اتشرفت بزيارتك ونورتينى

انا حره يقول...

صفا

عندك حق ياجميل وهحاول اطبق المنطق دا فالفتره الجايه

انا حره يقول...

صفا تانى

معلش ياجميل جت فيكى بقى كنت متغاظه من موقف وداخله اقرا عشان افك شويه الاقيه بيقولى طيف فوزيه دمى اتحرق بصراحه

قلت اعلق لقيتك اول تعليق وحسيت الدم ضرب فدماغى فجت فيكى بقى

المهم ياستى احنا اخوات وحصل بينا سوء تفاهم مفيهاش حاجه يعنى

ومامحبه الا بعد سوء تفاهم

تحياتى

صفا يقول...

محصلش اى حاجة يا جميل خلاص حصل خير
المهم اون وصلتلك وجهة نظرى
بس بردو انتى مقولتيش ليا السبب ايه
:D

انا حره يقول...

صفا

سبب ايه مش فاهمه قصدك بجد؟

صفا يقول...

بعد زيارتى هنا عرفت ليه طيف فوزيه رائع بس مش هقولك السبب

السبب ده اللى بسأل عليه اللى قولتى عليه فى ردك عندى

انا حره يقول...

اه
انك يعنى بتغيبى كتير عن مدونتك وكدا وجايز عايزه تفكرى صحابك

كمان ان سنك صغير عسوله يعنى مش زى حالاتى

وبعدين خلاص بقى المسامح كريم ياقمر

خدى بوسه مواااااااااه

GiGi يقول...

سوري معلش التبس عليا الامر
بس لان كان فى بطوط حبوب
مش مشكله المهم انا اسفه
وسعيده بعرفتك حقيقى
تحياتي

dandana يقول...

تعرفى إنى مؤمنة بأن الإنسان ممكن يتحكم ف مشاعره أحيانا
ويقدر يمسك قلبه عن الشعور بيها أو الإستسلام ليها
يمكن تقدرى تعملى كدا فعلا
Good luck

dandana يقول...

وكمان إفتكرت حاجة لسا سامعاها دلوقت
عارفة أغنية فيلم قص ولزق..أسمها"خوف"

لاعمره خلى القلب يفرح فرحة بجد
ولا عمره خلى حد يطمن لحد

ولاعمره خلى حد يطمن لحد

 
template by suckmylolly.com flower brushes by gvalkyrie.deviantart.com