الاثنين، 3 نوفمبر 2008

ايامنا الحلوه


نغمه تفتقدها منذ فتره تخبرها بأن هاتفها الذى أوشكت ان تنساه قد استقبل لتوه رساله
كعادتها دائما يتملكها الرعب حين تستقبل رساله تردد بداخلها
استر يارب ترى مالذى حدث
تخشى دائما ان يكون احدهم قد اصابه مكروه
تمسك هاتفها وتبدا فى قراءه الرساله
وحشتينى اوى ياحره ووحشتنى ايامنا الحلوه مع بعض ياترى فاكراها ولا نسيتى لما بعدتى ياريت لو نتقابل كلنا قريب
يااااااه  صديقتى العزيزه
جميل ان يظل مكانك فى قلوب الاخرين محفوظ رغم البعد
انا ايضا افتقدك كثيرا وافتقد احلى ايامى بينكم رغم قصرها
الحنين دائما يحملنى اليكم
اتذكرك عزيزتى واتذكر حقيبه يدك المملوءه بالبنبونى والشكولاته وبعض المسكنات والشاى ابو فتله والسكر بجانب حافظه نقودك وموبيلك والكثير الكثير من الاشياء
كثيرا ماضحكنا وتعجبنا من تلك الشنطه المحبوبه من الجميع دى ولا شنطه واحده صينيه بتاعت هاجات هلوه
الكثير من الذكريات والضحكات والدموع والحكايات احملها لكم داخل قلبى
thanks vodafone
فلولا عرضك تك تك وتررن تررن ما اتيحت لى تلك الفرصه كى اعرف بمكانى المحفور داخل قلوب الكثير من احبائى 
يكفينى انى كنت ممن اختاروهم كى يحملوك رساله لى مفادها
بنحبك وحشتينا

30 التعليقات:

وميض ابتسامة يقول...

اجمل شئ فى الدنيا حب الناس وحبهم لنا
وهذا لايأتى من فراغ ..
اما عن الصداقة والذكريات الجميلة فهى لاتنسى على مر السنين
واعتقد انك تستاهلى هذا الود وتلك الصداقة

تحياتى

romansy يقول...

الصداقه اجمل شئ فى الدنيا
واجمل لو صديق عزيز فاكرك بالرغم من البعد

يارب يدوم الصداقه دايما

وعيد حب سعيد

Happy valentine day

mona@asr elgnoon يقول...

احسن شى فى الدنيا الصحابات

ربنا يدوم عليكى السعاده انتى وصحاباتك يا حره

blackcairorose يقول...

ربنا يجمعك دايما بحبايبك ولا يفرقكم

على فكرة دى دعاية لفودافون ولا ايه لول

esraa يقول...

الصداقه الحقيقه من النعم الجميله اللي ربنا بيختص بيها ناس معينين بس
(:

مـجـنـووون يقول...

كل واحد بيعمل باصله في ناس تعرفيها سنين وأول ما تبعدي شويه ولا كانهم يعرفوكي
وفي ناس تانيه ممكن تعرفيهم في وقت قصير ولو غبتي سنين تلاقيهم بيسالوا عليكي وبيطمنوا عليكي

ربنا يجمعكم ببعض يا رب ويديم بينكم المعروف والشنطة الي مليانه حاجات زي مغارة علي بابا هههههههههههه

تقبلي مروري
مجنووون

SemSem يقول...

من اجمل الحاجات فى الدنيا
هى وجود الحب بين الصديق والصديق
وياسلام لما يغيبوا عن بعض فترة
ويأتى يوم التواصل مرة اخرى
بتبقى حاجه روعة

تحياتى لك بكل ود

عمر يقول...

هههههههه

لذيذة أوي "سانكس فودافون"

موضوع الشنطة ده فكرني بشنطتي اللي دايما كنت شايلها على ضهري وأحط فيها كل حاجة ممكن إن حد يتخيلها ..

أوقات البعاد بيقربنا أكتر

ويشوقنا أكتر

(أم البنين) يقول...

عندك حق يا حرة
في ناس تغيبي عنهم ولا تسألي وتجدينهم يتفقدونك
وعندها تشعرين أن لك فيمه
وأنهم يقدرون معرفتهم بك
إنهم الرائعون
وفعلا أجمل فرع من فروع المعرفة والتعارف(المحبة في الله)..وعن نفسي هناك فعلا أشخاص تذكرني أصواتهم وأشكالهم وأسماءهم ((بالله))...وأسأل الله أن يجمعني معهم تحت ظل عرشه يوم لا ظل إلا ظله
وأنا وأنت وكل المسلمين والمسلمات
تحياتي وتقديري
أسال الله أن تكون كل أيامك حلوة

Selfmeaning يقول...

الله احلى رسالة ممكن تيجى و انتى لوحدك فى اوضة ظلمة حاسة انى ديه خلاص النهاية و تبدأ الدموع تنزل من عينيك و اكيد لما شوفتيها حسيتى انك عايزة تقومى ترقصى و تغنى الدنيا ربيع و الحياة لسه لونها فوشيا

بجد ربنا يباركلك فى صحبتك و يرزقنى باصحاب زيها هو بصراحة انا عندى بس
i need more

mahasen saber يقول...

بغض النظر عن فودافون فعلا من اكتر الاشياء اليى بتديكى دفعه لمواصلة الحياه هما الاصدقاء وبالذات القدامى منهم
يعنى بيبقى مخزون الذكريات والحميميه جميل ودافئ قوى
......
ربنا يقربك دايما ممن تحبين
واسفه على الغيبه يا ام اسمع بحبه بكل ما فيا
انا اعشق الحريه

اقصوصه يقول...

ما في احلى من ذكرياتنا الجميله

هي ارثنا الذي سيبقى لنا في الحياه

سعدت بقراءة التدوينه:)

سمير مصباح يقول...

يا سلااااااااااام

ممكن تدى نمرة تليفونى لصحابك دول علشان نفسى فى رسالة زى دى

انا حره يقول...

وميض ابتسامه

كنت دايما عارفه ان الايام اللى انهارده مش طايقاها وكارهاها بكره هتمنى لحظه منها ودا اللى حصل دلوقتى بتمنى ساعه واحده من ايام الطوارىء

بس يالا اكيد برده انهارده حلو

اشكرك على كلامك الجميل وعلى مرورك

وسامحنى لتقصيرى

انا حره يقول...

رومانسى

والاحلى انها مش صديقه دى مجرد شهور بسيطه اللى عرفتها فيهم بس ليها ذكريات جميله معايا

كل سنه وانت طيب يارومنسى

انا حره يقول...

منى واسر

يارب ياقمر

ميرسى اوى

انا حره يقول...

بلاك كايرو روز

دى اول مره فودافون دا يعمل حاجه كويسه فحياته معايا والله

كل عروضه قبل كدا ولا كان ليها لازمه اساسا

تحياتى

انا حره يقول...

اسراء

اتمنى اكون واحده منهم

انا حره يقول...

مجنون

عندك حق طبعا بس بردو التمس للاخيك سبعين عذرا

محدش عارف ظروف الناس ايه

بس اكيد مدام فى معروف بينكو اكيد بيفتكروك ويحنو للايام الحلوه زيك بالظبط

نورتنى

انا حره يقول...

سمسم

اه والله ياسمسم كانت لحظه حلوه فرحتنى بجد

نورتنى

انا حره يقول...

عمر

انت كمان معاك شنطه فيها هاجات هلوه

بحب انا افعتش اوى فالشنط دى

تحياتى ياباشا

انا حره يقول...

ام البنين

بجد كلامك حلو اوى

ربنا يجمعنا كلنا على خير يارب

ويديم الحب والمعروف بين الصحاب والحبايب

الذكرى الحلوه والسيره الطيبه هيا اللى بتفضل للبنى ادم فالاخر

تحياتى ليكى

انا حره يقول...

سلف ميننج

و انتى لوحدك فى اوضة ظلمة حاسة انى ديه خلاص النهاية ؟؟؟؟؟؟؟؟

تاتاتاااااا

ايه يانهى انا مكونتش بحتضر والله العظيم هههههههههههههه

حسيت انى كنت قاعده مستنيه عزرائي وهب جت المسج والنور نور وقمت ارقص بقى هييييييييه

لا نتكلم جد بقى

احساس حلو والله وبيفرح

وبعدين هوا انا مش من صحابك ولا ايه ياهانم

انا حره يقول...

محاسن صابر

حمد الله عالسلامه

يارب تكونى دلوقتى احسن وتكون مامتك بخير والمشاكل التانيه فى طريقها للحل

ربنا كبير وعلى اد الابتلاء بيكون حب ربنا للانسان اصبرى واحتسبى كل دا عند ربنا واكيد هيعوضك خير

كلامك فرحنى اوى بجد ومرورك ومتابعتك بتفرحنى اكتر

انا حره يقول...

اقصوصه

بالظبط هيا اللى باقيالنا

وانا سعدت اكتر بمرورك

انا حره يقول...

سمير مصباح

اكتبها انت بس هنا وهتشوف

نورتنى

كـــيــــــــارا يقول...

ياااااااااااااه

انتي كمان انا بقي قلبت في اوراقي القديمه

وقعدت اقرا الذكريات كنت هطير من السعاده

جميل اوي انك تلاقي حد بيحبك

انا حره يقول...

كيارا

مش عارفه ليه كتير احاسيسى انا وانتى بتتشابه

حمد الله عالسلامه ياسكره

سمكه وحده يقول...

من اجمل واصدق واحلي العلاقات
علاقه الصداقه ومش اي صداقه
بس الذكريات علي اد ما بتبقي حلوه علي اد ما بتوجع خاصا لما بتفتكريها وانتي لوحد وتشتاقي لايام زمااااااان
وتقولي ياريت يوم من ايامها
ياله فكرتينا بالذي مضي
بس هي الدنيا كده
تحياتي ليكي
سمكه

انا حره يقول...

سمكه واحده

اهو انا محتاجه يوم منها دلوقتى

 
template by suckmylolly.com flower brushes by gvalkyrie.deviantart.com