الاثنين، 10 نوفمبر، 2008

فضفضه



ليله طويله قضتها بين استعطاف للنوم انه يريحنى وبكاء هيستيرى من غير اى سبب جديد واضح

بكيت كما لم ابك من قبل

لوحدى من غير صوت

اقنعت نفسى انى بكره هرجع من الشغل اترمى فحضن أمى واعيط واقولها انى تعبانه

روحى بتوجعنى ومش مبسوطه

اخيرا حن النوم عليا ورحمنى من البكاء بس سابنى فريسه للكوابيس

الصبح

عنين متورمه ورغبه شديده فالنوم

اخيرا قمت لبست وخرجت من غير اى الوان ولا ميك اب

مليش نفس اصلا

انا بس عاوزه اعيط

صحبتى الانتيم هيا كمان نفسها تعيط لسبب ابسط بكتير منى

فالعربيه

نفسى اشكيلها واقولها اللى فيا

الكلام على طرف لسانى

لسه هبدا احكى

لسانى اتلجم

ليه تحكيلها

هتعملك ايه

هتطبطب عليكى وتقولك معلش استحملى بكره احسن

وبعدين

ايه هيتغير

كل اللى هيتغير انك هتتعرى قدامها

هتبانى ضعيفه ومسكينه ومكسوره وبس

اسكت

ابتسم

اقولها احكيلى

مالك

فضفضيلى ياحبيبتى

تبكى

احضنها

اقولها معلش بكره احسن ..اصبرى ..واطبطب عليها

اما انا

هحضن قلبى بنفسى

مش محتاجه طبطبه من حد

36 التعليقات:

وميض ابتسامة يقول...

اولا البكاء يريح القلب ويغسل الروح فأذا رغبتى فى البكاء فلا تترددى ... فسوف تشعرين بالراحة بعدها

ثانيا لاانصحك بكتم متاعبك بداخلك فهذا شئ متعب للغاية .. فالكلام مع المقربين سوف يزيح عنك عبء ما بداخلك ايا كان ..فاليد التى تحنو عليك هى يد صديقة .. ولامجال للخوف من اظهار ضعفك هنا . فالمشاركة فى الالم تخففه عنك !!

ثالثا استعينى بالله اذا قررت الاحتفاظ بمتاعبك بداخلك .. وصلى كثيرا وسترى النتيجة..

تمنياتى بأجتيازك هذه المرحلة فى اسرع وقت ...تحياتى

سمكه وحده يقول...

علي فكره سعات بتبقي فكره حلوه انك متحكيش لحد والبكاء بيريح كتير


بس سعات تانيه بتحتاجي تفضفضي يا اما تنفجري بس بجد لو حد بتحبيه بتستريحيله ومش اي حد لازم تجكي مش ضعف


انا اليومين دول ياريت اعرف انام بردو المشكله ان في ارق فظيع واتقلب اني انام ابدا مش عارفه ليه ملقيش عندك حبايه اسبرين يا اختي هههه بهزر
ربنا يفك كربك يارب وكرب المسلمين
ومن هناك يودي علي الطريق السريع
تحياتي يارب اجي المره الجايه الاقي مسحتي دموعك وفضفضتي ويارب انا كمان اعرف انام بقي بقالي كام يوم ارق فظيع هتجنن
سلام

A.SAMIR يقول...

ساعات كتير بنبقى محتاجين نعيط
بس ساعتها لازم نعيط
تحياااتي

max.adams يقول...

شئ كويس أن الواحد يراعي قلبه بنفسه بس في أوقات الواحد بيحتاج فعلا ايد بارده و حضن دافي يرمي عليه شوية هموم وياخد ابتسامه تمد أمله كمان يوم

أسلوبك جميل و ستايل المدونه رائع

romansy يقول...

يعنى مش عاوزه تبانى ضعيفه قدام اقرب الناس
طيب هى ارتاحت لك ليه بقى وبانت قدامك ضعيفه
بس البكاء دا اوقات بيريح
ممكن اكون مضايق من حاجه لا شعوريه ولا ذنب انا عملته
مش عارف بيه
البكاء يغفر الذنوب

شاعر سبيل يقول...

أغبطك على هذا البكاء
هذا البكاء نعمة كبيرة
ابكي كمان بس قولي بارب
إنما أشكو بثي وحزني إلى الله
اليكاء معناه ضمير حي وقلب رقيق ومشاعر فياضة وإحساس عالي
واللي يروح منه كل ده ميبقاش إنسان

اسامه عبدالعال يقول...

لا تعليق
لانى بصراحه مش لاقي حل للمشكله دى

chaos يقول...

whne you feel like crying
just cry.....but
not on front of anyone
trust me you will loose more than you gain
cry when you are alone
stand like a rock
it will make you stronger
only on front of your lover
just the one you love and you are sure you will not be despized on front off
only him will make you stronger and give you the security and peace you need
keep it up
have a good one

mona@asr elgnoon يقول...

مش عارفه اكتب تعليق ....

لان الكلام ده كله بيحصلى .. وبكتفى بالبكاء وحدى ... بس بعدين بيبقى ليه عواقب سيئه جدا على نفسى

دا غير الشعور بالوحده

ربنا ما يحكم على حد بيها

safa7_karmooz يقول...

هى دى مدونتى ولا مدونتك؟؟؟

عشان ده اللى بقيت اعمله مع كل الناس

وللاسف حتى مع اقربهم ليا ...

مبقتش احكى

بسكت وبسمع وبس ...

وتلك الابتسامة معى..:)











انا مش زعلت البوست اللى فات...مش تقلقى..:)

زهرة الياسمين يقول...

مش صح اننا نكتم جوانا
مش صح اننا نراكم الهموم لحد ما نوصل لمرحله الإنفجار
لازم نفضفض و لازم نلاقى طبطبة من حد قريب مننا
و ساعات بنحتاج حضن يعتذرلنا عن كل اللى بتعمله فينا الدنيا
ساعتها بس هنحش بالراحه حتى لو كان عندنا جبال من المشاكل

emey يقول...

فعلا محدش بينفع حد فى هذة الدنيا اْقولك على طريقة اْنا نفسى بعملها اْحسن من الكلام مع حد اْكتبى كل اللى مزعلك اوعدك اْنك هتستريحى جدا فعلا المشكلة مش هتتحل لكن اْنتى نفسيتك هترتاح وهتعرفى بعد كدة تفكرى كويس فى الحل ومتكونيش قولتى اْسرارك لحد محدش فى الدنيا يتاْمن وقوليلى على النتيجة وربنا ما يجيب مشاكل

كـــيــــــــارا يقول...

وفين ربنا اتكلمي معه هو الوحيد اللي هيخفف عنك ويزيل همك

EmY يقول...

كويس انك قدرتي تخبي دموعك احيانآ بيكون مستحيل نتحكم فيها و بتفضحنا قدام اي حد و تبين ضعف احنا مش عايزين حد يشوفه

بس قوليلي بقي ايه الي مزعلك

Hannoda يقول...

طيب و ليه القسوة ده

ده قسوة على نفسك
وقسوة على صاحبتك

تعرفي؟
كل لحظة ضعف و بكا قدام قلب حاسك بيقربك منه خطوة كبيرة قوي
وبكده بتتبني الصداقة اللي بيتقال عليها صحبة عمر

بالبكاء و حضن شبه الحضن ده

ابكي قدامها و اغسلي قبك
وقربي الخطوة
حاتسعدك و تسعدها كمان

كراكيب عادل يقول...

هحضن قلبى بنفسى

مش محتاجه طبطبه من حد


مهو الحل واضح فعلا احنا لازم نريح نفسنا بنفسنا

كباريه يقول...

أنا كمان بقي لي 3 ايام في نفس حالتك وموش قادره أبوح لحد لأن مافيش حد حايفهمني

وزي ما انت قلتي موش محتاجه طبطبه من حد زي اغنية أنغام

انا حره يقول...

وميض ابتسامه

دايما كدا اول تعليق

بجد بشكر متابعتك وبتمنى تنزل بوست جديد بقى

كله على الله انا دلوقتى احسن بكتير فتره وعدت الحمد لله

انا حره يقول...

سمكه واحده

ماانا ياما فضفضت

الناس بقت بتتخنق ومش ناقصه ويقولو دايما مكتئبه كدا

محدش بقى بيستحمل يبقى علي ايه انا اولى بنفسى بقى

لو عالنوم اشربى حاجه دافيه قبل ماتنامى او اتعبى طول اليوم لحد ماتترمى مقتوله من التعب

منورانى

انا حره يقول...

احمد سمير

يااااه انا متوصاش اول مابحتاج اعيط بفتح مش بسكت يعنى

تحياتى

انا حره يقول...

ماكس ادامز

للاسف افتقد لهذه اليد البارده والحضن الدافىء

انا حره يقول...

رومنسى

ارتاحتلى لان سبب حزنها مؤقت ومش بيبنها ضعيفه بالعكس

لكن انا لا

انا حره يقول...

شاعر سبيل

الدموع هيا اللى حيلتى ممعايش غيرها

انا حره يقول...

اسامه عبد العال

يكفينى شعورك وتواصلك

انا حره يقول...

شاوس

only him will make you stronger and give you the security and peace you need

للاسف معنديش الانسان دا

مش موجود فحياتى

عشان كدا لازم اكون زى الصخره قصاد اى حد

انا حره يقول...

منى واسر

معلش اذا كنا انهارده بنبكى لوحدنا اكيد هيجى اليوم اللى نلاقى حد يستاهل نشاركه حزننا وفرحنا

بس الصبر

الكلام دا ليا قبل منك

انا حره يقول...

سفاح كرموز

مدونتى ومدونتك .....مش فقارقه

المهم ان الاحساس واحد

خلى دايما الكلمتين دول فبالك....انا لو بنكسر من جوايا مش عاوز فنظر الناس اتهد

انا حره يقول...

زهره الياسمين

معاكى ان الفضفضه بتريح

بس كمان بتكسر

ايه يخلينى ابان ضعيفه قصاد حد قوى

وايه يخلينى اعرف حد نقطه ضعفى

هستفاد ايه

تعاطفه وطبطبته مش هتحل مشكلتى

انا حره يقول...

ايمى 1

انا فعلا يكتب اللى مزعلنى وبفضفض معاكو هنا

صحيح مش بقول الاسباب بس كفايه عليا انى اقول تعبانه

انا حره يقول...

كيارا

ونعم بالله

انا حره يقول...

ايمى

حصلت معايا مره وعيطت غصب عنى

اللى مزعلنى ياستىىى.....

اممممممممم

تعالى على جنب وانا اقولك بلاش تشريد

انا حره يقول...

هنوده

مش لما يبقى القلب حاسس بيكى ومش هيشمت فيكى من جواه

لما الاقى القلب دا اكيد هفضفض معاه براحتى

انا حره يقول...

كراكيب عادل

مش كدا والنبى

انا حره يقول...

كباريه

حماتى العزيزه ايه بس مالك

مين مزعلك

انا ممكن افهمك ومن غير اى حرج والله

ايميلى فالمدونه لو تحبى تفضفضى مع بنتك هكون مبسوطه جدا

زوجه يقول...

أنا كمان زيك دلوقتي للأسف
بس انا بدخل الحمام اطلع اللي عندي
كنت بشتكي لاهلي من عمايل جوزي دلوقتي مش قادره
وزهقت من شكوتي لاصحابي لاني فعلا مبعملش حاجه غير اني بعري نفسي قدمهم بس
وجوزي خلاص تبت من اني احكيله مش بيفهمني وبيعملي مشاكل علي الفاضي علي كل كلمه ول كانت بسيطه
ودلوقتي ابتديت اجرب اني اشكي لربنا وفضفض مع ربنا زي ما كيارا قالت
بجد مستريحه جدا جدا جدا
فعلا انا مليش غيرك يارب

Beram ElMasry يقول...

هذا الرد ارسلته للمغالط المزعوم باسم امل فتحى عزت
اخى او اختى امل فتحى
ماهى العقيدة ، فعقيدتك غير واضحة وفى المجمل انت بلا هوية ، واين الرد اللذى ادعيته على مهاترات هذا القمص الموتور وتطاوله على رسول الله صلى الله عليه وسلم ، واين دفاعك المزعوم عن كتاب الله لا كتاب مرقص او متى او يوحنا ولماذا تنشر هذة الوقاحات هنا ولم تنشرها عنده ارجو الرد واضح ومحددلا لف ولا دوران باستعراض مغالطات ساذجة كرؤيتك للجفان والقدور، والرجاء ارشادى للمكان اللذى ينشر فيه زكريا بطرس هذه المغالطات ، للردعلية من واقع مؤلفات متى اويوحنا او حتى برنابا ، ام انت مجرد بوق مروج لهذا المريض المغالط

 
template by suckmylolly.com flower brushes by gvalkyrie.deviantart.com