سنه جديده..
الأربعاء، 31 ديسمبر 2008
الجمعة، 26 ديسمبر 2008
خايفه منك وعليكى
سامحينى
والله دا انتى أغلى الناس عندى
نصى التانى
توأمى وحته منى
والله ماقصدى ولاعشت ولا كنت يوم مااكون سبب للحظه وجع او حزن ليكى
بس كان لازم تفهى
وتفوقى
يمكن ربنا اختار ان ايدى هيا اللى تجرحك لانها اكيد هتكون أحن وأرحم من اى أيد تانيه
ويارب يجى اليوم اللى تقدرى فيه دا ومتزعليش منى
مرسلة بواسطة انا حره في 3:28 م 63 التعليقات
الأربعاء، 24 ديسمبر 2008
الاثنين، 22 ديسمبر 2008
شكر واجب
مرسلة بواسطة انا حره في 1:41 م
الثلاثاء، 16 ديسمبر 2008
2009
باقيلها كام خطوه وتدق الباب
أكيد هنفتحلك
ها ؟
جبتيلنا ايه فشنطتك؟
شويه أفراح ؟
ماشى كتر خيرك
شويه أحزان؟
امممممم متعودين عليهم ياما شفنا من اللى قبلك بس متكتريش وحياه أبوكى
ها ايه كمان
خبرات هتعلمها..
صحاب جداد..
شغل جديد ..
كام دمعه وكام ضحكه..
يوم حلو ويوم مر..
ماشى
أأأأأه بصحيح استنى
هتنسينى أسالك
جبتى حلم عمرى معاكى ولا نسيتى زى اللى قبلك
؟
؟
مرسلة بواسطة انا حره في 2:21 م 56 التعليقات
الأحد، 14 ديسمبر 2008
love؟
بتعمل ايه الكلمه دى؟
بتلغى العقل؟
بتعمى العيون؟
بتزيف الحقيقه؟
طيب ليه وعشان ايه
ما اللى يجرحك أو يكون سبب فى وجع ليك اقطع صفحته وطبقها بين ايديك وارميها وراك وكمل مشوارك
هيحصل ايه ؟
ولاحاجه
عادى يعنى
مرسلة بواسطة انا حره في 5:51 ص 42 التعليقات
الاثنين، 8 ديسمبر 2008
missing u
اليك وحدك
رسائلى اليوميه الخاصه جدا
اصبحت على طريقتى
بطعم الحلوى وألوانها
الورديه تعنى انى أفتقدك
الصفراء تسألك الا تعبث بغيرتى
اما تلك التى تذوب فى فمك فهى مثلى تماما فمازلت احلم بذوبانى فى دمك
مازلت انتظرك فى مكان ما
رغم البعد والجفوه والملل
لم اتخلى عن رسالتى الابديه
تلك التى خططتها على اوراقى واحتفظت بها على هاتفى وهمست بها الى اصدقائى
اخترت لها تلك القطعه ذات اللون الاحمر
تذكر جيدا
يوم ان تستشعر حلاوه تلك القطعه فى فمك ستخبرك انى ببساطه
أعشقك
مرسلة بواسطة انا حره في 2:44 م 48 التعليقات
الجمعة، 5 ديسمبر 2008
العيد فرحه
اول مناسبه حلوه فمدونتى الجديده
كل سنه وانتم بخير وطيبين
اسكندرانى فالغربه . احمد سوووو . الصباغ . مها ميهو. محاسن صابر . كيارا. فاتيما . ايهاب شنكوتى . خيخه . . مكسوفه . محمد فوزى . اسامه عبد العال . زوجه وجوزها احمد . كوشيا . بطوط . اسراء . نهى . هنودا فى غربتها . رومانسى . صبرنى يارب . اوفر فورتى . روز. وميض ابتسامه . منى وعصر الجنون . كراكيب عادل . شفقه هانم وجوزها احسان بيه . ام البنين . ابيتاف . عمر اللى راح يحج . حزينه . عاشقه وغلبانه . ادم المصرى .هبنولا . رحاب . اميره . ميويا
كل سنه وانتم جميعا بخير عارفه انى اكيد نسيت ناس غاليين اوى بس معلش اوعو تزعلو
كل سنه وكل اهلى طيبين وربنا يخليهم ليا يارب
وكل سنه وانت كمان طيب فالمكان اللى انت فيه واللى انا معرفهوش
وربنا يعيده علينا جميعا بالخير
وطبعا متنسونيش من صالح دعائكم يوم عرفه
سلام
مرسلة بواسطة انا حره في 6:57 ص 36 التعليقات
الأربعاء، 3 ديسمبر 2008
عن العشق والهوى
طالما استوقفنى فيلم عن العشق والهوى انصت جيدا لكل جمله واتأمل تعبيرات وجوه الممثلين أحس وقع أوجاعهم على قلبى واشاركهم دموعهم جميعا يبدو ان الفراغ قد اتاح لى فرصه تأمل الاخرين ورصد انفعالاتهم والاحساس والتجاوب معها فأصبحت الى حد ما اجيد قرائتها..
يخبرنى احدهم عن عشقه الابدى لفتاه تبعد عنه الالاف الكيلو مترات تختلف عنه فالديانه وقضت من سنوات عمرها 17 سنه فقط لاغير .. فجأه انصب نفسى حاكما واقضى بالاعدام على هذا الهراء او عفوا كما يسمونه لعب عيال اقضى باستحاله اكمال الطريق سويا فحتما لابد لهذه العلاقه البريئه ان تنتهى وحتما سوف تنسى وتختار لك الايام من هى انسب واقرب .. ستحبها كثيرا وتتزوجا وتتقاسما الليالى والايام والاحزان والافراح ... يوم ما ستتذكر تلك المحبوبه وتبتسم ابتسامه ساخره وتاخذ نفسا عميقا ترحما على ايام البراءه والصبى....
هكذا علمتنا الايام وهكذا ألفنا افلامنا العربيه فلكل انسان حب اول برىء لقلب ابيض طفولى ولابد لهذا الحب ان ينتهى لسبب وحيد معروف للجميع انه ببساطه مش هينفع الموضوع دا يكمل . وقتها تذكرت الفيلم واخذت اسرد على المحب الصغير احداثه هل شاهدت بكاء البطل عندما كان يقوم بمسح صور محبوبته .. كان يعشقها ولكن كانت الايام كفيله بأن تقضى على وجودها بداخله فقط كل ماكان يحتاج اليه القليل من الاراده والرغبه فالنسيان لا اكثر
اسأل نفسى لماذا لم اقف الى جواره واتخذت نفس موقف الاخرين تجاه علاقته ؟؟؟ اجد الاجابه واضحه فقد تغيرت كثيرا كما اخبرنى صديقى العزيز فقدت ايمانى بالحب وبالمحبين وكيف لا وقد قضيت الليالى والشهور والسنين استجديه واستعطفه دون رد او تلويح بأمل الاقتراب ولكن لا بأس من يدرى ماتحمله الايام فى جعبتها ربما الاتى افضل ...
بعد الكثير والكثير من التفكير لم أصل لشيىء ولم استطع التكهن بما قد يحدث لعلاقته البريئه او لحالتى المستعصيه وجدتنى اردد بداخلى جمله البطل الشهيره ماهو كداب ابن كلب اللى يقولك انه فاهمه...
مرسلة بواسطة انا حره في 1:05 م 22 التعليقات