الأربعاء، 25 فبراير 2009

هذا انا


اعرفنى الاول قبل اسمى

اصل محدش بيشيل حد

فابتسامتى  ودمعتى ملكى

أيوه العالم دا ملكى

والناس عليا ضيوف

.........

 انا مجرد انسانه

ليها مالبنى أدم وعليها ماعليهم

 

بفرح .. وبحزن

مش ملاك ولا شيطان

بحب الناس وأطلب ودهم

وساعات كتير بتخنق منهم وابقى عاوزه الدنيا حواليا فاضيه

مين فينا على حال واحد

مين فينا مش بيمثل السعاده ويضحك فى وش الناس وهوا عنده مليون سبب يخليه يبكى من جواه

مين فينا مش بيزعل على حلم عمره لما ميعرفش يطوله

أظن الحزن او الشجن او أيا كان المسمى مش جريمه

ولو كان حتى أقرب الناس ليك عاوزك تتزوق قدامه وتمثل عليه زى مابتمثل على غيره

يبقى قلته أحسن ووجوده زى عدمه

لكن هنا مساحتى

بتاعتى انا 

وانا حره فيها 

افرح 

أحزن 

أكلم نفسى

اعيط

اضحك

أصرخ

أهييس حتى

أنا حره

 

14 التعليقات:

اعترافات قلب يقول...

وااااااااااااااااو




أول تعليق لشيمو القمر

اعترافات قلب يقول...

والتانى كمان

كلامك ده جامد جدا
وجوه كل واحد فينا
وساعات بنحب نتجنن ونعمل حاجات مش متوقع مننا نعملها وده مش عارفة تفسيره

تحياتى يا حرة
شيمو القمر

تامر علي يقول...

مفيش مانع بس من غير زق :)

أكيد كل واحد جواه كل الأحاسيس دي ... ولكن احنا كبشر لما بنتعامل مع بعض لازم كل واحد فينا يحاول يخرج أجمل ما في الآخر .... حتى يستطيع هو أن يخرج أجمل ما في نفسه ..
تحياتي وتقديري

احساس لسه حى يقول...

عزيزتى

انتى اكيد حره

بس اكيد فى اللى بيشاركك ابتساماتك ودمعاتك

وكلنا بنخبى احزانا وبنجهر بافرحانا

لاكننا بننكسف من احزانا

عيطى اوعى تحوشى دموعك يوم

تحياتى

سلام

esraa يقول...

خلاص ياستي
حره حره
هو في حد يقدر يقول حاجه
من غير شخط بس
(:

romansy يقول...

ايوه طول عمرك حره
خليكى انتى نفسك
خليكى ولا يهمك
من الناس ولا الكلام

وومن يقول...

ماشي انت حرة انتيييييييي حرررررررررة

عرررررفنااااااااااااااا

ههههههههههههه بهنزر نتكلم جد بقي

مين منا مش فيه كل المشاعر دي مين مننا مش عاملة مدونتة علشان يبقي فيها نفسة أو زي ما يحب انه يكون

احنا بشر

انا حره يقول...

اعترافات قلب

اول رد لشيمو القمر

انا حره يقول...

اعترافات قلب

شفتينى وانا متنرفزه

انا حره يقول...

تامر على

هههههههه معلش بقى جت فيكو بس كنت على وشك الانفجار ففرقعت هنا

انا حره يقول...

احساس لسه حى

يعنى اعيط براحتى

اغرق الدنيا وتستحملونى ومش هترجعو تزعلو؟

انت اللى جبته لنفسك بقى وانت حررر

انا حره يقول...

اسراء

ايوه كدا

لازم نزعق يعنى ونحمر عنينا ولا ايه

انا حره يقول...

رومانسى

ايوه المدونه دى حره وهتفضل طول عمرها حره

هههههههه

منورنى دايما

انا حره يقول...

وومن

انا عارفه يااختى ماهو دا اللى بقولو وصوتى راح فيه من الصبح

 
template by suckmylolly.com flower brushes by gvalkyrie.deviantart.com