الجمعة، 6 فبراير، 2009

مركب ورق قلبى


مركب ورق فالبحر ... والبحر قلبه كبير

.

مركب ورق قلبى بتعاند المجادير

.

موج ياخدها لفووووق ... وموج يطوحها

.

شطوط بتحضنها ... وشطوط بتجرحها

.

والبحر بجلاله كتير مبيسعهاش

.

مركب ورق قلبى

أوان فرحها مجاش

33 التعليقات:

esraa يقول...

تحفه بجد

اعترافات قلب يقول...

واااااااااااااااااااو
أول تعليق لشيمو القمر


الكلام جميل قوى وبيلخص كل اللى فى قلوبنا
والأغنية ده أنا بحبها قوى
وبحب أغانى الفيلم كله وبحب الفيلم قوى

جميلة اختياراتك

ربنا ينعم عليكى بالسعادة
تحياتى

mona@asr elgnoon يقول...

موج ياخدها لفووووق ... وموج يطوحها

.

شطوط بتحضنها ... وشطوط بتجرحها


حلوه اوى اغنيه مين دى ؟

safa7_karmooz يقول...

قلبى كالمركب التائه فى بحر الحب ..

اخشى من وقوعه فريسة لموجة حب عاتيه تقلبه على جانبه فى لحظة ما

واخشى ان يتحول لرمز لهذا البحر فيكون مثال يحتذى به العاشقين ...

قلبى فى بحر الحب سابحا ...كالمركب التائه..

معرفش حاولت بس ادخل فى الموود واحاول اعمل كومنت مميز معرفتش ..

:)

وومن يقول...

حلوة قوي كويس اني اتاكد انها أغنية قبل ما علق

نسيت اقولك اني مش بسمع اغاني

بس بجد اختياراتك جامدة جداً تسلمي

تحياتي

مسدس صغير يقول...

كلمات رائعة تستحق النشر برغم بساطتها ومرونتها...
اشكرك عليها

محمد عتلم يقول...

حلوه الكلمات دى اوى

مـحـمـد مـفـيـد يقول...

الفرح موجود بس احنا مش بنحاول نبصله
لان الضغوط مميته

تعبيراتك مميزه

Ana keda يقول...

بحب الاغنية دى اوى
كلنا مراكب على شط البحر وكل واحد فينا ليه دوامته الى سعات بيقدر يخرج منها وكتير بتسحبه على شط تانى

رابطة مدونون من أجل فلسطين يقول...

خليك ايجابي وشارك معانا

من اجل عزتنا من اجل كرامتنا

من اجل ارضنا المستباحه

من اجل الاقصي

فنحن

رابطة مدونون من اجل فلسطين

http://bloggersforpalestine.blogspot.com/

mahasen saber يقول...

حره جميل التشبيه قوى

بس قلبك رقيق قوى ممكن يبوش من الميه



وحششششششششششششششششششتينى يا جميله قوى قوى

غير معرف يقول...

يارب تستفادى من مدونتى دى هاتفيدك جدا

http://noureldens.maktoobblog.com

على فكره انتى حره مالم تضرى


اما لو ضريتى فانتى مش حره

maioya يقول...

مركب ورق قلبي
اوان فرحها مجاش
كنت بحب الاغنيه دي اوي :)
بس مسيره يجي

دعاء مواجهات يقول...

كلمات على بساطتها على عمق معانيها بجد ملخصة حاجات كتير اوى

ميرسى ليكى

سلسبيل يقول...

اغنية جميلة اوي
كلامها يدخل القلب علي طول
تحية عطره لاحساسك الجميل:)

همس الاحباب يقول...

اعترافات ورقية
رائع جدا الكلملت والسلاسة فى الالفاظ
تحياتى

كيــــــــــــارا يقول...

شطوط بتحضنها ... وشطوط بتجرحها

***********

الله بجد بجد انتي تحفه

Hu-man يقول...

لو تعرفي أنزل الأغنية دي منين تكوني مشكوووورة جداً
الأغنية جميلة جداً

يا مراكبي يقول...

ده إيه الروقان ده كله

أغنية ناعمة جدا

شكلك لسة مش بتروحي الشغل وقاعدة تسمعي أغاني .. وبتنقي الرقيق منها كمان .. مش كده؟

انا حره يقول...

اسراء

اشكرك
...........

اعترافات قلب

اه فعلا الاغنيه جامده جدا ورقيقه اوى بالنسبه للفيلم اغلس حاجه فيه هوا الشيىء اللى اسمه هانى سلامه دا مش بطيقه

ربنا يخليكى ياقمر واشكر متابعتك

............

منى

معرفش والله يامونمون مين اللى بتغنيها

انا حره يقول...

سفاح كرموز

ايه الكلام الكبير دا فعلا كومنت مميز

انت اصلا دايما وجودك مميز يامشمش

.............

وومن

يابختك انك مش بتسمعى اغانى

عقبالى
..................

مسدس صغير

اشكرك وعقبال لما اعيش واشوفك رشاش كبير اد الدنيا مش مسدس صغير

انا حره يقول...

محمد عتلم

اشكرك

..............

محمد مفيد

ياااه تعبيرك حلو اوى بجد فعلا الضغوط واصله لحد الموت

اشكر مرورك

...............

انا كدا

انا كمان بحبها اوى

انا حره يقول...

رابطه مدونون من اجل فلسطين

ان شاء الله
وربنا معاكم

..................

محاسن صابر

هوا باش من الحزن وانتى الصادقه بس يالا بقى بكره تحلو

انتى واحشانى اكتر

ليه مش بشوفك عالماسنجر

...................

غير معرف

عندك حق

انا حره يقول...

ميويا

اكيد هيجى مش مطلوب مننا غير اننا نستناه بس

...............

دعاء مواجهات

وجودك هنا بيسعدنى

...................

سلسبيل

اشكرك ياقمر

انا حره يقول...

همس الاحباب

ربنا يخليك يارب

...............

كيارا

دا انتى اللى سكره

..................

هيومان

ممكن تعمل سيرش على اغنيه مركب ورق قلبى وهتلاقى كذا لينك لتحميلها

انا حره يقول...

يامراكبى

روقان؟؟؟؟؟؟؟؟

استحمال بردو

هوا انا فعلا مش بروح الشغل بس مستعجل على ايه كلها شهر واستلم الشغل اللى بجد

أسوور يقول...

كلامك زى نسمة الصيف فى ليلة حر

mahasen saber يقول...

مش بتشفينى عشان مش ببقى موجوده هههههههههههههههه

وحشتينى موت قوى يا حبيبتى

وبالنسبه لموضوع اسر طبعا طبعا متتنازلش
ونحن معشر النسوه والاخوه الرجال معاها كمان

Tamer Nabil يقول...

وان ماجاش بكرة يجى

وكل شىء ولية اوان

نورتى المدونة عندى

ومالكيش دعوة بتمورة اوك ههه
ربنا يكرمك

تحياتى

قيس بن الملووووح يقول...

"عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

dodda يقول...

الكلام دليل على انى بحب قلبك اوى
لانى بحب اعمل مراكب ورق
بس يعومهم فى البانيو
:0)

وممكن اعمل رقم قياسى فى اصغر حجم مركب ورق...

L0vElYGh0sT14 يقول...

تعبير رائع وأحساس جميل
تحياتي لكي بالعطور الفرنسية

Hannoda يقول...

يااااه عل الاغنية ده
جسمي كله قشعر و أنا بقراها

ليها كتير قوي جوايا

 
template by suckmylolly.com flower brushes by gvalkyrie.deviantart.com