الثلاثاء، 3 فبراير، 2009

دا القلب تعبان ياخال.. القلب تعبان ياعم


سايق عليكو الهوى يامدوبنى حنين

من شوقى قلبى انكوى واشكى ألامى لمين

دا البعد عنكم نار

والقرب منكم نار

والعشق والله مرار

وانا بردو لحم ودم

23 التعليقات:

وومن يقول...

بحجز اول تعليق

وومن يقول...

وعجبي !!!!!

حلوة قوي بجد تسلمي

No Fear يقول...

السلام عليكم
لا بجد و الله أنا داخل أعلق أقول
و عجبي
بس لاقيتها سبقتني
خير
و عجبي كمان مرة

kochia يقول...

سياسة (ما قل ودل) عندك حلوة اوي وفعالة
حلو

تحياتي

كيــــــــــــارا يقول...

حلوووووووه اوي بجد وحستها جدا

ادم المصري يقول...

انا برده لحم ودم
وبلاش تأسوني
من غلبي شيلت الهم
ومحتاج تواسوني

عشقتكم ف الله
وليه بقي التعذيب
كفاياني وجع الاه
ياللي انتوا ليا حبيب

من دون جميع الناس
من قلبي حبيتكم
وشيلتكم ع الراس
وف عيني ابيتكم

بس انتوا حنوا علي
كفاياني شيل ف الهم
من نظرة ارجع حي
دا انا برده لحم ودم

OverFOrty يقول...

اخبار زيارتك للقاهره ايه ياريت تكونى انبسطى بس الشعرم ده يا ترى له علاقه بالزياره و لا ايه

محمد عتلم يقول...

هوا اللى بيروح القاهره بيرجع عامل كده ؟؟

كازانوفا يقول...

يا بنت الايه لا انتى حرة حرة يعنى

امل في عالم آخر يقول...

القلب الخالي سلطان

لا يتعب ولا يتغم

الناس تشكي وتبكي

وهو ولا يهتم

mahasen saber يقول...

حره يا جميله

ايه القلب المقطع من الحب ده
خييييييييييير

ومن هذا الفارس الذى قطع احبال قلبك الرقيق
مش ماشيه احبار دى خالص محسسانى انه حرامى غسيل

وحشتينى يا جميله

اعترافات قلب يقول...

كلامك جميل قوى جامد آخر حاجة
به مزيج لذيذ أو نقول هو السهل الممتنع
كأنك تقولينه وأنت تضحكين ودموعك تملئ خديك
دمعة وابتسامة يعنى
بجد وااااااااااااااااااااااااو
كل من القاهرة لا أنا مش هروح يا سيتى
تحياتى

esraa يقول...

دا البعد عنكم نار
والقرب منكم نار
والعشق والله مرار
وانا بردو لحم ودم

بحبها اوي
او يمكن الظروف هي اللي طالباها الايام دي

انا حره يقول...

وومن

احجزى يااختى وماله مش عيب

ربنا يكرمك

بس دى اغنيه للحجار

.................

no fear

انت بالذااات متقولش وعجبى

دا انت مدونتك هيا العجب ذات نفسه هههههه

منورنى

................

كوشيا

ازيك ياموحا واحشانى

ربنا يخليكى ياقمر وابقى اسالى ياوحشه

انا حره يقول...

كيارا

ميرسى ياسكره

............

ادم المصرى

ايه الحلاوه دى

وعجبى هههههههههه

...................

overforty

الزياره كانت جميله اوى وانبسطت موت

بس الموضوع ملوش علاقه بالزياره خالص

دايما منورنى

................

محمد عتلم

لا والله دا انا كنت راجعه زى الفل

اتحسدت باين

زى مااكون اول واحده تروح البندر ياخويه بكسر الهاء ههههههههه

انا حره يقول...

كازانوفا

انا مجرد انى حسيت الكلام ونقلته

لكن الحجار هوا اللى ابن ايه بجد

................

امل فى عالم اخر

بيعتبروه قلب ميت ياامل

وهوا كمان مش بيرضى بحاله وبيحتاج اللى يملاه ويفتح شبابيكه للنور

....................

محاسن صابر

بريىء يابيه

والله ماانا هههههههههههه

دا حتى فاضى والعنكبوت معشش فيه

يالا بقى نصيب هييييييه دنيا

انا حره يقول...

اعترافات قلب

بما انها اعترافات فهيا مش كلماتى انا لطشاهم بصراحه من اغنيه على الحجار بس هيا زى ماقلتى كدا كلام جامد

اوعى تروحى القاهره لتتعودى على كدا ويحصلك زى ماحصلى

................

اسراء

هيا الناس كلها طالبه معاها نكد الايامدى ليه بس

fahd يقول...

خال وعم

هو فيه ايه

هو حضرتك ناوية تلمي شمل العائلة ولا ايه

امال فين طنط وتيته


مع انه كلام قليل
وباين عليه بريء

لكنه خطير جدا

خطير مشلتت

وبلاش نقلب المواجع

اسماء واحلام فى وجدانى يقول...

خير الكلام ما قل ودل

احساس

دفء

صدق

الحرامي يقول...

سايق عليكي القمر
يطلع ينور ليالي
ولا حد غيرك قدر
يشغلي بالي ليالي
ويطول معاه السهر
ويطول معاه انشغالي


ياله ياستي
سرقت غنوتك وكتبت
عنها غنوه

safa7_karmooz يقول...

وعليه

وبناااااقص حياتى معاك تيراراراراراااا

انفع مغنى والله ^_^

نعتذر عالغياب هارد سعادتى توفى

انا حره يقول...

فهد

طنط وتيتا جايين فالطريق

خليك انت فالضلمه اللى انت عايش فيها عندك دى وبلاش تقلب المواجع ههههههه

......................

اسماء واحلام فوجدانى

اشكرك ياقمر

....................

الحرامى

اه ياحراااااامى

بس حلوه بجد

انا حره يقول...

سفاح كرموز

اه فعلا تنفع تغنى بس فجمعيه الصم والبكم هههههههههه

الف سلامه على هاردك انشالله هارد العدوين

 
template by suckmylolly.com flower brushes by gvalkyrie.deviantart.com