الخميس، 6 نوفمبر 2008

تخاريف


لعبه بازل

تستمتع وانت بترص قطعها جنب بعض

مستنى لوحه حلوه صنعتها ب ايديك

وفجاه

تكتشف ان اهم قطعه مش موجوده

ضايعه

وان لوحتك خلاص ملهاش قيمه ولا لازمه

هكذا هي أحلامها دائما

ولكن لابد لها ان تبتسم وتمضى فى طريقها

49 التعليقات:

غير معرف يقول...

كتر الابتسام بيولد بلادة عند الانسان

انا حره يقول...

الناس مش ناقصه ولا ليهم ذنب يحملو همك

يبقى لازم تبتسم

WISH U R OK NOW

انا حره يقول...

ياربناااا

والله انا مدب فكلامى

انا طبعا كتبت الكومنت اللى فوق دا على لسانى انا ياسفاح انى انا اللى بحس ان الناس مش ناقصه همى ومش ليهم ذنب ادايقهم وانكد عليهم

لكن والله بجد انا زعلانه جدا لزعلك والظروف الصعبه اللى انت بتمر بيها

سامحنى ان كنت فهمت ان كلامى ليك

Unknown يقول...

لا انا مش مع انها تبتسم و تمضي في طريقها
لازم تدور علي الجزء الناقص و توصل لحلمها

تحياتي

د/ رامي شهاب الدين يقول...

أنا شايف إن ده شئ يدعو للاسف والحزن .. ولكن علينا الحرص إننا مانقعشى فى دايرة الإحباط ، ونحاول نبدأ من جديد

دمتى بكل الود .. تحياتى

شفـقــة و إحســــان يقول...

بوست جميل ومركز
بس مش شايفة انك ظلمتيه بالإسم ده ؟؟؟
" تخـــاريف "
حاسس ان الإسم مالوش أي علاقة بالمضمون

أما عن رأيي
فأنا شايف ان ده بيحصل معانا كلنا
مين فينا بيقدر يحقق كل أحلامه ؟؟؟
وكمان بصورة مكتملة
وبكافة تفاصيلها
أعتقد ان ده مابيحصلش
وإ لا هنكون عايشين في الجنة


أخوكي/ إحســــان

عصر الجنون يقول...

تمضى وتبتسم ماشى

بس لازم تلاقى الجزء اللى ضايع

دا اهم جزء فى اللوحه بتاعتها

يعنى متبقاش لوحه الا لما يكمل الجزء ده

اميرة بهي الدين يقول...

صباح الخير
اولا - ياانتي حره انا معجبه قوي بتعليقاتك علي مدونه طياره ورق - كل مااخش الاقيك معلقه تعليق جميل يشير لاحاسيس ذكيه وده خلاني بعد اذنك طبعا احط المدونه بتاعتك عندي علشان كل ماتكتبي حاجه تطلع لي واشاكسك واتواصل معاكي - ثانيا دورت ازاي اكتب لك مالقيتش اي حاجه تخليني اعرف اكلمك الا اني اخش اعلق علي رساله في المدونه - ماتخليك حلوه وتخلي فيه وسيله تتواصلي فيها مع الناس - ثالثا نرجع بقي للرساله اللي باعلق عليها - فعلا دايما نوضب البازل ودايما نلاقي اهم حته ضايعه ٠ ليه ؟؟؟؟؟ انت ماقلتيش ليه دايما اهم حته ضايعه وبما انك اللي فتحتي الموضوع ده -اشرحي ليه اهم حته دايما ضايعه مننا كلنا - ومساء فل - بالمناسبه انت حره وانا كمان دايما احس اني حره - لكن تفتكري احنا احرار فعلا ؟؟؟؟؟

انا حره يقول...

ايمى

اوقات كتيره بيبقى الجزء الناقص عباره عن اراده ربنا

ربنا مبيبقاش كاتب للحلم انه يكمل او يتحقق

تمضى وقت كبير فى نسج الحلم وصناعته ولما يبقى خلاص قرب يكمل ربنا ميكتبش انه يتحقق

واظن ان دى حاجه مش هنقدر ندور عليها

ولازم نكمل الطريق مش هنقف مكانا

ولا ايه ياقمر

منورانى دايما

انا حره يقول...

د رامى شهاب

بالظبط كدا دا اللى اقصده لازم نكمل والا هنموت بقى لو فى حلم متحققش

اسعدتنى زيارتك

انا حره يقول...

شفقه هانم واحسان بيه

هوا العنوان ملوش دعوه صحيح بس حسيت ان احساسى دا مجرد تخاريف وبلاش اكبر المواضيع وكدا

كنت عاوزه اكتبله عنوان الحلم ايضا يموت بس اللى حصل بقى

نورتنى يااحسان باشا وكل سنه وانت طيب

انا حره يقول...

منى واسر

الجزء اللى ناقص اكيد دورت عليه وملقتوش او لقته بعييييد اوى صعب جدا انها توصله والاسهل انها تهد اللوحه كلها

تحياتى

انا حره يقول...

اميره

اولا منورانى ياست ميرو ويشرفنى متابعتك طبعا وتشاكسينى وتناكفينى زى ماتحبى دى حاجه تسعدنى

ثانيا مالمدونه اهى وسيله للتواصل مع الناس ولو تقصدى ايميل حاضر ياستى هفكر

ثالثا المنحوس منحوس يااختى بس ادينا بنتسلى وبنصنع احلام يمكن وبقول يممممممكن تظبط مره وحلم منهم يتحقق مين عارف

بالنسبه لحكايه احرار كويس انك فتحتى الموضوع دا انا اللى اقصده من حكايه حره انى انا هنا فمدونتى حره اكتب اللى احبه من غير قيود عليا

ولا حد يقولى ليه قلتى ولا ليه عملتى لانها ببساطه مدونتى ودا رايى وانا حره فيه

لكن فالحقيقه انا طبعا مش حره ولا حاجه لان فى قيود مجتمع وناس بتراقب واهل بيتحكمو زيى زى كل الناس مش حره اعمل اى فكره مجنونه ف اى وقت مدام عاوزه اعملها يعنى

وبس خلاص

وميض ابتسامة يقول...

حلم لم يكتمل ... ما اكثر احلامنا التى لم تكتمل!!
ولكن البعض منها قد يتحقق .. فلماذا هى دائما واحلامها لاتتحقق ...

اتمنى ان تجد قطعة البازل الناقصة ..

حزينه يقول...

بنخطط وندبر ونحلم
ونعيش احلام يقظه
ونفوق على الم الواقع
بس ساعتها عيوننا بيملاها دموع الحسرة
وبردة بنمشى فى طرقينا
بس من غير تخطيط


حزينه

Selfmeaning يقول...

احلام كتير مش بنعرف نحققها
لكن مش معنى كده انها تزعل
بالعكس لازم تستمر و تصر على تنفيذ
احلام تانية و ربنا الموفق

Hannoda يقول...

احساس مؤلم
عندما نبل كل ما لدينا لنكون أحلامنا خطوة خطوة
ثم لا تكتمل و نرى الهوة التي بيننا و بينها

لكن لو اقنعنا نفسنا ان القطعة الناقصة حاتيجي بمجهود اكبر حتى لو مش بجد

بس بنفرح اننا بنتعب علشان خاطر حلمنا

ساعتها يمكن الابتسامة يكون لها جذر جوانا مش مجرد رسمة بنرسمها على ملامحنا

كـــيــــــــارا يقول...

تكتشف ان اهم قطعه مش موجوده

ضايعه

-----

مش عارفه اقول ايه

بحس انك مساني اوي

romansy يقول...

عزيزتى
الابتسام ممكن يكون هو الحل فى بعض الاحيان لانه بيخلى الانسان بيفكر بهدوء شويه هيعمل ايه فى المشكله اللى قابلته

Unknown يقول...

المهم انها تبتسم وهي راضيه

والقطعه الناقصه مسيرها هتيجي لوحدها

bastokka طهقانة يقول...

طيب ما تدور عليها
و تكمل الصورة


مش احسن ما تستسلم!


اوروفوار

goodman يقول...

وماذا تفعل عندما تفتقد لوحة حياتك لأهم شىء؟

mahasen saber يقول...

لازم تبتسم لان ده اليى اسمه الرضا بالقسمه والنصيب
والحلو فى الحياه والوحش

........

kochia يقول...

موضوعك لما قريته لقيت له صدي عندي
لان عندي موضوع يتحدث عن نفس هذا الموضوع لكن
باسهاب اكتر
حتي بالبازل
وادعوكِ لقراءته
اسمه
حبيبي لوحة بازل

تحياتي

سمكه واحده يقول...

لا بد ان نبتسم
هنعمل ايه يعني ولازم بردو نكمل الطريق
بس لو حولنا ندور عليها يعني نوع من المحاوله مش يمكن بكتر المحاولات نلاقيها
بس عندك حق
ديما القطعه المهمه مش بنلاقيها فعلا والله
بس بتبقي اسمه ونصيب وده حال الدنيا
ايه التخريف اللي بقوله ده
ما علينا
مدونتك جميله بجد وكلامك اجمل
واكيد شخصيه اجمل واجمل
دمتي بكل ود
سمكه

عمرو يقول...

أوقات كتير بيبقى الجزء اللى ناقص ده اٍجنا اللى مخبيينه باٍرادتنا و ساعات من غير ما نشغر
الحب يا انا حره دايما دايما مش بييجى فى الميعاد الصح .. دايما بييجى قبل أو بعد الوقت المناسب له

كراكيب عادل يقول...

تعرفي لو لقيت الجزء الناقص كمان

اللعبة هتنتهي وتنتهي معاها لذة البحث والمغامرة

يمكن الحاجة الناقصة بتخلي لحياتنا طعم

وحاجة بندور عليها ونفضل نجري وراها

ولما نتعب نلاقي ركن نرتاح فية وننسي اصلا التعب

ربنا يريح قلبك وتلاقي الي ناقص منك

Ehab يقول...

ولو حزنك ملى قلبك
وغمى عنيك بالوانه
وسمعت روحك الدنيا
كما الصحرا
مفيش فيها حياه تاني
وشفت الدنيا بعيونك
حزينه وناسيه ايامك
وقبل ما ترمي بالأمال
وياسك يبقى سجانك
بايدك مد روحك فوق
وشب على صوابعك وطراطيفك
وبص هناك كده قدام
في لمحه سريعه عن بكره
انا بقولك
انا مش حاوي او عراف
لكني لمحت في حنانك
وايمانك
بأنك بكره راح تبقى
حياتك احلى من غيرك
حنانك بكره هيكون ليه
وعمره هو يصبح ليك
ودنيا جميله واقفالك
بتتزين علشانك
فأمسح دموعك يا بجم
وافرح
وانطر على كتفك شال الهم
يالا استعد
-------------------------------

اوعي تزعلي يا بنتي انا بهزر معاكي
ربنا يسعد ايامك

سلاااااااااااااااااااااام
اخوكي ايهاب

almasry يقول...

من غير تزويق ولا أى حاجه لأنى مش متعهد حفلات من الآخر يعنى


كلماتك بسيطه معناها كبيييير



تخيــــــــــاتى


المصــــــــــــرى

FREE EGYPT يقول...

فلتسمحى لى بهذه المساحة الإعلانية

اذا أردت ان تكتشف من وراء مقتل سعاد حسنى ، فالاجابة لدى فى المدونة

سري للغاية
www.toptop-secret.blogspot.com

اقصوصه يقول...

تخاريفك جميله

وقريبه من القلب

تقبلي مروري

انا حره يقول...

وميض ابتسامه

نصيبها كدا

يمكن عشا هيا مركزه اوى مع حلم واحد مش شايفه اى حلم بيتحقق ولا حاجه حلوه

انا حره يقول...

حزينه

من غير تخطيط ولا امل واى احساس اصلا

انا حره يقول...

سلف ميننج

مش هتعرف تعمل كدا

انا حره يقول...

هنوده

الاسف ان احلامها قدريه بتعمل الجزء اللى تقدر عليها وبيجى القدر يهدم كل حاجه بعند

مفيش ف اديها حاجه تعملها

انا حره يقول...

كيارا

انا كمان بحس انك قريبه من احساسى وتفكيرى ياكيكى

انا حره يقول...

رومنسى

الابتسام هوا الخيار الوحيد الموجود عشان بس خاطر الناس مش اكتر

انا حره يقول...

اسراء

الرضا نعمه مش كل الناس ربنا بينعم عليهم بيها

انا حره يقول...

طهقانه

مفتكرش انها حتى لو تعبت ودورت هتلاقيها لانها مش ب اديها اصلا

منورانى للاول مره

انا حره يقول...

جود مان

ولا حاجه هتكمل ايامك برده بس وانت فاضى من جواك وموجوع اوى

انا حره يقول...

محاسن صابر

الحمد لله على كل حال

انا حره يقول...

كوشيا

رايحه اقراه اهو

انا حره يقول...

سمكه واحده

كلامك الجميل اسعدنى ومرورك اسعدنى اكتر

تحياتى

انا حره يقول...

عمرو

ودا اللى انا خايفه منه انه يجى بعد ماخلاص يكون القلب مات

انا حره يقول...

كراكيب عادل

ياسيدى خلينا نلاقيها فى حلم واحد ونستمتع بلذه البحث فى باقى الاحلام

ولا ايه

انا حره يقول...

الشنكوتى الكبير

اعمل فيك ايه بس انت بتجيب الكلام دا منين

بتوجعنى ياايهاب وخليتنى اعيط

انا الايامدى بجد زى مااكون هشه اوى اى كلمه مش بقدر امسك دموعى

بجم دى بقى لما اشوفك هعرف جبتها منين الله يحرقك

قول امين

انا حره يقول...

المصرى

ودا اللى انا عاوزاه مش محتاجه تزويق ولا نفاق ولا غش

شبعانه منه

اشكرك على رايك

انا حره يقول...

اقصوصه

اشكرك بجد واشكر متابعتك دايما واعذرينى لتقصيرى بس مش قادره اتابع حد الايامدى

حمدى جعوان يقول...

ياريت التخارف كلها كده

تحباااتى

 
template by suckmylolly.com flower brushes by gvalkyrie.deviantart.com