الأحد، 23 نوفمبر 2008

شويه عنى


ينزعج رئيسى فالعمل عندما اخبره عن وجود صديق عزيز جدا على قلبى وقريب منه ايضا يمكننى ان ابوح له عن كل مايؤرقنى او يتعبنى دون ان اخجل منه او اخفى عنه شيئا .. يخبرنى ونبرات صوته وابتسامته توحى بأنه يقصد الانقاص من تربيتى انه لم يكن ليسمح لاخته ان تفعل فعلتى الشنعاء وينصحنى الا اخبر احدا بالجرم الذى افعله لانه ببساطه لاتوجد صداقه حقيقيه بين شاب وفتاه فالشيطان لابد ان يتدخل ليلعب بعقل احدهما خصوصا الشاب ويوحى له بافكار وخيالات قليله الادب.... فى سرى اوبخ نفسى واقول تصدق انا غلطانه ان انا قلتلك حاجه من الاساس

.................

الحمد لله اخيرا استطعت ان اتشافى من نوبه الحب التى اصابتنى مؤخرا دون حدوث اى مضاعفات لقلبى لم اعد افكر فيه ولا اتخلس النظر اليه من خلف الشباك ... لا ادرى ماهو السبب وراء هذا الشفاء المفاجىء ولكنى على اى حال سعيده به ..  وها انا ذا مره اخرى مع نفسى راضيه بها الى جوارى دون دموع ولاقلب متعب ولافكر شارد ..  يبدو انها كانت مجرد لطشه حب وراحت لحالها

................

علاقتى بربى مازالت تجرى على نحو لاارضى عنه مجرد محافظه على الصلاه وبعض الادعيه القليله ولكنى بداخلى لازلت اجتفظ بتلك النفس اللوامه المتعبه التى تؤنبنى وتعنفنى كلما ارتكبت خطئا واحمد الله عليها .. أظن انه سوف يأتى اليوم الذى اعود فيه لعلاقتى الحقيقه بربى فقط احتاج لطاقه من النور او من الممكن ان اكتفى ببصيص منه ينير لى الطريق ويعطينى الطاقه والدفعه كى انفض عن قلبى ذلك اليأس الذى يسكنه منذ فتره

.................

بقالى كام مره كل لما اكتب بوست اتفاجىء انى كتباه فى يوم فردى 13 او 17 او 19 وانا بكره الارقام الفرديه جدااا معرفش ليه صحيح بتغاظ بس هيا بتيجى كدا بقى

...............

بس خلاص

53 التعليقات:

أحمد (زوج مخنوق ). يقول...

حمد لله على سلامتك من لطشة الحب
و ما تستعجليش تاني في الاختيار
استني و خلي الحب ييجي بعد الخطوبة على الاقل
صدقيني طعمه هيبقى احلى بكتييييييير
و هيقعد أطول برضه
عموما لطشة تفوت و لا حد يموت
ثانيا موضوع علاقتك مع ربنا دوري على ذنب يكوني مداومة عليه و حاولي تبطليه لوجه الله
اي ذنب تكوني مش حاسباه ممكن يكون هو السبب في بعدك عن ربنا
و الصحبة الصالحة احلى حاجة تديكي طاقة النور اللى بتدوري عليها

تحياتي

Kiara يقول...

اولا متقوليش للمدير علي حاجه احسنلك يبنتي

اما نوبه الحب مش عارفه بقي عااااااااا

وربنا يجعلنا من ربنا قريبين

والارقام الفرديه رخمه موووووووووووووووووووووووت

AHMED SAMIR يقول...

شوية فضفضة من مخاميخ القلب
تحياتي

kochia يقول...

انا بحب الارقام الفردية اوي .. بحس انها حرة
واحب اكتر منها الاولية .. اللي مش بتتقسم الا علي نفسها
بحس انها قوية
تفتكري ده له تفسير نفساوي ؟؟؟
العلاقة مع ربنا زي الحرارة كدة ساعات بتعلي وساعات بتقل ودي حاجة طبيعية
استغلي اوي فترت ارتفاعها .. وحفظيها عليها نت الفتور في فترات هبوطها وبرودها .. المهم يبقي الاتصال دائم لا ينقطع
ومن رايي برده .. الدعاء والقران بيرفعوا الحرارة خاصة لو مكانوش روتينين

المدير بقي سلمي عليه
والشفاء من نوبة الحب .. ربما استعداد لنوبة جديد؟؟
اصل الشتاء كله نوبات او نوات
احترسي

تحياتي

FOrty يقول...

ده رد فعل طبيعى يمكن رئيسك بالشغل عينه منك و بيغير عليكى
التشافى من الحب يعقبه نوبه جديده ارجو ان تكون الذ و افضل من سابقتها
المداومة على الصلاه هى حجر الزاويه استمرى عليها مع محاوله زيادة الشحن المعنوى عن طريق القران او ايه رايك تجربى تعملى عمره حتفرق معاكى كتير
اخيرا الارقام الفرديه انا كنت بكرهها برضه اعتقد دمها كان تقيل فى مسائل الحساب فى ابتدائى ههههههه
تحياتى

إيمان قنديل يقول...

بجد بحبك قوي وحاسه ان فيك حاجه مني وكتير بأحس أنك بتقري افكاري
==============================
غيري بقي كبارية وحطي مكسوفه

انا حره يقول...

احمد

الله يسلمك واهى لطشه تفوت ولاحد يموت وعقبال المره الجايه ان شاء الله وتكون زى ماانت قلت بس دعواتك

علاقتى بربنا انا عارفه ان اللى انا فيه مجرد مرحله لانى الحمد لله بعرف ربنا كويس تقدر تسميها انتكاسه او كبوه حاجه كدا وربنا يعدى الفتره دى على خير

بس انت مقولتليش رايك فكلام المدير بتاعى

انا حره يقول...

مولان

ازيك ياكيكى

انا حرمت خلاص اقوله حاجه بس تفتكرى هل الصداقه الحقيقيه اللى انا متاكده من نفسى ومن الطرف التانى انه عمره مايخطر بباله حاجه وحشه هل دا غلط؟؟؟؟؟

انا حره يقول...

احمد سمير

اهلا اهلا بالاهلاوى الكبير

حلوه مخاميخ القلب دى

انا حره يقول...

كوشيا

الارقام الاوليييه؟؟؟

والله العظيم لولا انك انتى فسرتيها ولاكنت هفتكر يعنى ايه اوليه دى اصلا

بس انا طول عمرى بتخنق من الرقم الفردى وبكررهه

بالنسبه للتفسير النفساوى .. وهل يفتى ومالك فالمدينه ياباشا؟؟؟؟؟؟ بس بيتهيالى انك كدا مثال حى للمثل الشهير اللوزعى انا زى الفريك محبش شريك

هذا والله اعلى واعلم يعنى

حاضر هسلملك عالمدير احلى سلام بس تفتكرى هوا صح ولاغلط وعايش فزمن غير الزمن

رايك يهمنى فعلا

انا حره يقول...

اوفر فورتى

عينه منى ايه بس دا اكبر منى بعشرين سنه

انا معرفش هوا فعلا شايف وجود حد برتاحله ويرتاحلى غلط فعلا وهل هوا مقتنع بالكلام دا

طيب ايه العيب فكدا اذا كان فحدود الادب والاحترام

انا حره يقول...

مكسوفه

انا كمان بمووووت فيكى ياحماتى يامكسوفه انتى ياعسل

حاضر يافندم علم وينفذ فالحال

وميض ابتسامة يقول...

عارفة الصداقة القوية والتى لها اساس من الثقة المتبادلة .. والحب والتقدير هى من اعظم الصداقات .. وقد اتفق مع رئيسك فى العمل بدرجة أو بأخرى فلابد ان تحذرى من بوحك بكل مايجيش به قلبك وعقلك .. فالقلوب والابصار تتبدل من حال الى حال ... فشوية من الحذر لو سمحت

الشفاء من الحب حالة من حالات صدم المشاعر المؤلمة.. والمفاجأة فيه تعنى انك اشركت العقل فجأة ايضا فرأيت النور .. نور الحقيقة..

احييك على صدقك مع نفسك ومع رب العالمين فيما يتعلق بعلاقتك معه واتمنى من الله ان يمنحك طاقة النور التى تبحثين عنها ....

مع خالص تحياتى

romansy يقول...

ولا يهمك من اى حاجه قولى
انفعلى
اهم حاجه مشاعرك توصل صح
وتعرفى انتى بتقوليها لمين
ومين اللى يستاهل تكلميه
ومين لا

موناليزا يقول...

بالنسبة للمدير بتاعك فمعاه حق فى اللى بينصحك بيه(ايه اللى يزعلك فى كده)ماهو اسلامنا اصلا محرم ده
قال تعالى"ولا متخذات اخدان"

الحمدلله ان نفسك رجعتلك سليمة وان شاء الله تعطى قلبك لزوج المستقبل

لو سمعتى اغنية كتير هتحفظيها ولو اتفرجتى على حاجة هتحبى تحكيها اهو ده بالظبط حالنا مع ربنا ازاى نبقى عايزين نقرب واحنا طول الوقت فى لهو
يعنى لو سمعنا دروس دينية او قرأنا كتب دينية (تفسير قران وسيرة نبوية الخ)
اكيد علاقتنا هتختلف

غير معرف يقول...

صباحك ورد
اقولك كلمه سر انتى مكنتيش بتحبيه يمكن كان اعجاب وبس والا مكنتيش هتفكى دماغك منه بسرعه كده لسه حب حياتك مجاش

الراجل رئيسك فى العمل ده دلو
علاقتك بربك تشبه علاقتى بربي تماما وفى انتظار النور
احذري من التفؤل والتشاؤم لانهم فعلا بيسيطروا على المخ زى حالاتى كده

شكرا على اهتمامك وقت مرضي

Unknown يقول...

سيبك من المدير شكله دماغه تعبانه

بالنسبه للطشة الحب معرفش اذا كان كده أحسن ولا لأ

ان شاء الله علاقتك بربنا هتبقي زي مانتي عايزاها وأحسن كمان

... amr يقول...

مدير بقى ولازم تكون لة وجهة نظر !!
ممكن يكون صح و ممكن يكون غلط ... على حسب الدماغ :) ..

اعتقد - الله اعلم - انك مكنتيش بتحبي الشخص دة ... ممكن اكون غلط .. بس اللي بيحب بجد بياخد وقت في النسيان .
بغض النظر .. اتمنى انك تلاقي حبك الحقيقي و تعيشوا سعداء سوا على طوووووووول .

علاقتك بربك دي بينك و بين ربك :)
يعني لا تعليق .

هو فية حديث ما معناة ان الله عز و جل وتر يحب الوتر .. بصراحة مش متاكد اذا كان الحديث صح ولا لأ .
و اية اللي بيغيظيك فيهم بقى :) عشان انا كمان كنت باتغاظ منهم :))

انا حره يقول...

وميض ابتسامه

الصداقه الحقيقيه اللى بنبقى متاكدين منها وعمر مالشك يدخل لقلوبنا من ناحيه الطرف التانى مش لازم بسهوله نفرط فيها

هوا مقدرش يقتنع ان ممكن راجل يتعامل مع بنت من غير اى افكار او كلام مش محترم لانه هوا اساسا من جواه مش محترم وانا عارفاه كويس وفاهماه ففاكر كل الناس زيه للاسف

اتعودت عالصدمات من فتره فقلت اتصدم بدرى بدرى احسن بدل مااتوجع بعدين

تحياتى ليك

انا حره يقول...

رومنسى

بالظبط انت كدا صح

المهم نعرف اذا كان يستاهل وهيقدر صداقتنا ولا لا

انا حره يقول...

موناليزا

انا بصراحه مش هقدر اوصلك شكل العلاقه بينا عامله ازاى فمنتهى الاحترام والادب بجد ومفيش اكتر من كدا

بالنسبه للمدير فهوا مكانش بيتكلم من ناحيه الدين لانه هوا نفسه اساسا راجل مهزىء بصراحه يعنى يعنى ينصح نفسه الاول من الاخر

اشكرك على كلامك الجميل وهحاول اخد بيه

انا حره يقول...

اسامه عبد العال

صباحك قشطه ( ههههههههه حاسه اننا بقيت معلمه فقهوه )

المدير دا فنظرى مش محترم اصلالالالالالا

متجادلتش معاه لانه مش هيقتنع ولا هيفهم ولا يحس

اه فعلا مكانش حب كان مجرد اعجاب وراح لحاله

حمد الله على سلامتك وابقى خد بالك

انا حره يقول...

اسراء

ماانا فكيتنى منه اساسا

كدا احسن طبعا

منورانى دايما

انا حره يقول...

عمرو

هوا صح بس من ناحيه الحلال والحرام مش اكتر

احساسى فعلا مكانش حب كان مجرد اعجاب او تقدر تسميه رغبه فالحب

هيا راحت لحالها واكيد هتلطش تانى ويارب تكون اللطشه الاخيره

الحديث دا اول مره اسمع عنه بصراحه

بس برده مبحبش الارقام الفرديه

بكرهها

مبحبهاش ياناااااااااس

هوا الحب بالعافيه

هههههههههههه

منورنى

FOrty يقول...

على فكره اغلب الرجاله لما بتكبر احيانا بتتعلق ببنات اصغر منهم كرغبه فى اثبات انه لم يفقد جاذبيته السابقه كدونجوان سابق
على فكره الارتياح و العلاقه المحترمه يمكن ان تقلب الى اعجاب ثم حب و عليه تلاقيه بيقول نقفل الباب ده و نرتاح افضل و اضمن

Empress appy يقول...

اممممممم
بصى عودي نفسك مش تدي سرك لولد يا قمر بس خلاص

blackcairorose يقول...

هاقولك رأيى بصراحة جدا

أولا: متهيألى مكنش مفروض تتكلمى مع مديرك فى المواضيع دى، الا لو العلاقة بينكم فعلا تسمح بهذا النوع من الصراحة، واذا كانت العلاقة بينكم تسمح بهذا النوع من الصراحه، ليه بيبدى استغرابه انك برضه على علاقة صراحة مماثلة مع زميل؟؟ يعنى الموضوع مش مفهوم تماما مش كده؟

ثانيا: رأى المدير صح الى حد ما، وعارفة ان كتير من اللى يعرفونى يمكن يستغربوا من رأيي ده، بس انا بشوف ان علاقة صداقة وطيدة بين واحدة وواحد بتتحول مع الوقت وبشكل تدريجى يمكن حتى من غير ما الناس تدرى الى شىء آخر، مش بالضرورة الشىء التانى ده يحسه الطرفين ولكن فى العادة على الاقل طرف فيهم تتحول مشاعره مع الوقت وطول العشرة والكلام والمصارحة الخ

مش بقول ان ده عيب ولا غلط وفيها ايه لما صداقة تتحول لحب؟ مفيش مشكلة طبعا طالما الطرفين غير مرتبطين، بس انا مجرد ببدى ملاحظة شفتها قدامى كتير ومريت انا نفسى بيها مرة

ثالثا:
بس خلاص

koukawy يقول...

هل يا تري مديرك في العمل ما كنش ليه زميلات و صديقات في الكليه و في المدرسه
انا اختلف كل الاختلاف مع ان مفيش صداقه بريئه و وقويه بين ولد و بنت زي ما تكون بين بنتين او ولدين
و لا يهمك طالما انتي مش بتعملي عيب او حرام خلاص

(صندوق الدنيا) يقول...

حبيبتي في الله(أنا حرة)
أسأل الله أن يرزقك حلاوة الإيمان ونعمة معية الله
أختلف معك في أن هناك (صداقة)بين الرجل والمرأة إن كان كلاهما غريبا عن الآخر
لأنه طالما هناك سر...إذن هناك إثنان...إثنان فقط
هي تبوح إلى (هو)
وأخبرنا الحبيب الذي لا ينطق عن الهوى صلى الله عليه وسلم أن هذا الإجتماع ثالثة الشيطان
لهذا لا توجد راحة أبدا عندما يباح بالسر بتلك الطرقة
ولي عودة بإذن الله

hesterua يقول...

عجبنى تعبير لطشة الحب قوى
من حوالى سنتين كنت مشبهها بخبطة
:)
فى اللنك ده

http://hesterua.blogspot.com/2007/03/blog-post_21.html

إيمان قنديل يقول...

انت بتسمعيش كلام حماتك ليه موش قلت لك غيري كباريه



آه دا باين ان كلامي موش حايتسمع من الأول



اه طوبة على طوبه خلي العركه منصوبه


ماري منيب

رئـــــيسـة حزب الأحلام يقول...

جميل انك تعرفينا حاجات عنك
بس بجد حاجات جميلة جدا
تحياتى لكى

safa7_karmooz يقول...

ببساطة"انتى حرة"

^_^

يا مراكبي يقول...

:-D

ما إنتي حرة بقى

هههه

Alkomi يقول...

بصي انتي مش راضية عن علاقتك بربنا عشان يا دوبك صلاة و شوية ادعية

اومال اللي مش محصل ربع اللي بتعمليه يعمل ايه

عادي علاقتك بربنا مش مطول رضاكي انتي

مطلوب رضاه هو

mahasen saber يقول...

طب راى المدير ده الراى السطحى لاغلب الرجال فى مصر وتلاقيهم فى الاصل يموتوا فى صداقةالستات
اما علاقتك بربنا فالمولى عز وجل بيحب النفس اللوامه وربنا يتقبل منك
وايه تانى حالة الحب معرفش ااعلق
ووحشتينى جدا وشكرا على اهتمامك وسؤالك عليا يا جميله

عاشقه وغلبانه يقول...

بخصوص موضوع الصداقه بين الشاب والبنت في اغلب الحالات زي ماقالك رئيسك في العمل بس ده مايمنعش ان في علاقات صداقه من النوع ده وناجحه جدا ومفيده للطرفين وخصوصا لو كانوا علي درجه من الصراحه والوضوح والنضج في التفكير..يارب تكون علاقتك من النوع ده بجد هاتبقوا انتوا الاتنين مستفيدين

موضوع لطشه الحب ده هو ماكنش حب قد ماكان اعجاب او حاجه بتملي بيها فراغ موجود والله اعلم طبعا
لان ماعتقدش اني ممكن اقوم الصبح انسي اللي بحبه والا ماكنش حد غلب اهئ اهئ

متميزه كعادتك ياجميل

غير معرف يقول...

ربنا سمى نفسه الودود لأنه يتودد لعباده الذين يعرضون عنه
وزي ما احنا بنتقرب لربنا بالصلاة على النبي لأننا نعلم أن الله يحب نبيه
الملايكة كمان بتتقرب لربنا بالدعاء لنا بني الإنسان لأن الملائكة تعلم أن الله يحبنا
(والملائكة يسبحون بحمد ربهم ويستغفرون لمن في الأرض)
ربنا بيحبنا
يلا نحبه احنا كمان

انا حره يقول...

اوفر فورتى

يمكن برده بس مش شرط يعنى انه لو اتعلق بيا اتخبط انا كمان فعقلى واتعلق بيه زى مالناس بتفكر

انا حره يقول...

ابى

مش حكايه سر يارحاب دى مجرد فضفضه ممكن احكيها لواحده من صحباتى عادى يعنى

انا حره يقول...

بلاك كايرو روز

هيا فعلا غلطتى ياروز انى اتكلم معاه بحسن نيه كدا

بالنسبه للصداقه دى انا بصراحه مش مستعده اتنازل عنها الا لو لقيت اللى يخوفنى او يدايقنى لانى انا بس اللى عارفه البنى ادم اللى بتعامل معاه وفاهماه كويس وعارفه ان اللى بينا مش ممكن يتحول لحاجه تانيه صديقنى

منورانى دايما ياقمرايه

انا حره يقول...

كوكاوى

كان ليه كتييييير وبيتكلم عنهم وبيفتكرهم ويفتكر ايامهم

بس ازدواجيه بعيد عنك

انا حره يقول...

ام البنين

انا عارفه والله ان دا حرام من ناحيه الشرع ومش هقاوح ف دا وربنا يتوب علينا جميعا

بشكرك ياجميله

انا حره يقول...

هيستريا

لطشه خبطه بقى كلها حاجات مؤقته وعارضه وبتضيع مع الوقت

تحياتى ليك

انا حره يقول...

مكسوفه

تم التنفيذ ياحماتى

هوا انا اقدر ياست الكل

كلامك على راسى من غير عاركه ولاطوب

انا حره يقول...

رئيسه حزب الاحلام

انتظرى المزيد من الفضايح

مع انا حره مش هتقدر تغمض عنيك

ههههههههههههه

انا حره يقول...

سفاح كرموز

مش كدا والنبى ياسفاح

ناس حشريه صحيح

انا حره يقول...

يامراكبى

محسسنى انى فتوه هههههههههه

انا حره يقول...

محمد الكومى

الحمد لله وياارب يارب يكون راضى عنى

انا حره يقول...

محاسن صابر

والنبى انت الخلاصه ياقمر

بتجيبى من الاخر

هما فعلا كلللللللهم كدا متفهميش ليه

كنتى قمرايه زى ماقلتلك والراجل اللى كان جمبك دا رخخخخخخخخخخم وصابغ شعره بسلامته

انا حره يقول...

عاشقه وغلبانه

اه ماهو كان اعجاب مش حب

بس صحيت الصبح لقيتنى خفيت هههههههههههه

منورانى دايما

انا حره يقول...

شاعر سبيل

كلامك بجد حلو ومريح

طهقان يقول...

الحمد لله انها كانت لطشة حب وراحت لحال سبيلها
احسن ما تقلب بالتهاب رئوي
او
حاجمة مزمنة

سلامتاااااات

 
template by suckmylolly.com flower brushes by gvalkyrie.deviantart.com