الجمعة، 14 نوفمبر 2008

وقت الحصاد

اللهم انى أمتك .. بنت عبدك .. بنت أمتك
ناصيتى بيدك
ماض فيا حكمك
عدل فيا قضاؤك
عدل فيا قضاؤك
عدل فيا قضاؤك
الظاهر جه الوقت اللى هتجنى فيه اللى زرعتيه
بس ياترى هتبقى راضيه
و من جواكى مقتنعه ب ان دا نتيجه طبيعيه
ورد منطقى
وعقاب عادل
ولابرده لسه هتقاوحى
وتعملى بريئه ومسكينه ومظلومه
واجهى نفسك بقى
رتبى اوراقك
ارجعى للطريق
واستعدى لوقت الحصاد

38 التعليقات:

Hannoda يقول...

كنتي اول تعليق و اديني كما انا أول تعليق
:)

ياااما قلت لنفسي الكلام ده

اللي بيحصل انت تستاهليه
و ياما قلت
لأ أنا ماليش ذنب.. ده مش عارفة ايه السبب

و يا ما عملت حوارات في خيالي احكي فيها مبرراتي و اللي قصادي يقولي ايد ده يا بنتي

ده انت غلبااانة و انت ذنبك ايه بس

واصني جدا المعني اللي بتقوليه

عدل في قضاؤك
بس ربنا بيقول اانا أهل لغفرانه
وبعد الغفران بنكون كمن لا ذنب له

عارفة انك ما بتتكلميش عن ذنب بمعنى ذنب

بس نغمة كلامك انك مش ناوية تصالحي نفسك و تسيبي الموقف يعدي و يخلص
واضح انك واجهتي نفسك وخلاص
ووقت الحصاد يعدي و يخلص و يبد|أ وقت الزراعة الجديد

بلاش قسوة من اللي بتخلي مافيش حاجة تعدي

بوستاتك و تعليقك الاخير عندي كلها بتدور في محيط واحد اعتقد اني حاسة بيه صح

الهجوم على النفس مش عدل ولا عقاب عادل ولا صدق
الهجوم على النفس بقوة خطيئة
انت سمتيها مواجهة عشان ماتشوفهاش خطيئة

أنا مش مكبرة الموضوع

ليكي عندي رد ياريت تروحي تشوفيه

و آسفة اني بقحم نفسي قوي

عصر الجنون يقول...

انا الحمد لله عمرى ما اوحت وتحايلت على نفسى على شان اطلع روحى بريئه

الحمد لله لان ان مكنتش كده كان حيبقى عدم رضا بقضاء الله وقدره

واما بحس ان فى مهموز عايز يقولى وانتى يا مسكينه ايه ذنبك

بستعيذ بالله على طول واقول(قدر الله وماشاء فعل)

يارب اجعلنى دايما راضيه بقضاءك يا حق
واياكم

رئـــــيسـة حزب الأحلام يقول...

اللهم اجعلنا من التائبين الى الله
تحياتى لكى

FOrty يقول...

كلنا بشر لايوجد ملايكه على الارض لكن المهم نحاول نكون اقرب للملايكه لكن مننساش اننا بشر ساعات نعدى الناحيه التانيه بس المهم منطولش هناك و نرجع بسرعه للفطره و الخير و الحق وساعتها بنحس براحه البال و التصالح مع الذات الرضى و الاستسلام لقضاء الله مع الايجابيه فى الحياه و الاخذ بالاسباب

mahasen saber يقول...

الله حلو الدعاء فيه تسليم لقضاء المولى عز وجل

والمغزى ان الانسان قبل ما يزرع يعرف ويحسب نتيجة الحصاد كويس

يعنى زنوا اعمالكم قبل ان توزن عليكم

انا فهمتها كده

بارك الله فيكى

حواء يقول...

السلام عليكم
جميل اوي البوست ده
انا فعلا دايما اقول لنفسي
انتي تستهلي
انتي تستهلي
وخصوصا في اخر سنتين اللي فاتوا من حياتي

غير معرف يقول...

مش شرط مش شرط لما احس بذنب او انى قريب من ربنا انى ابقي توبت واتغيرت المشاعر دايما بتغلب علينا وتدينا انطباعات غلط هتفضلى زى ما انتى وهفضل زى ما انا لكن المهم ان وصله ربنا نحافظ عليها فى قلوبنا لان هيا الامل لينا ومتستغربيش لانى بقولك مش هتتغيري على الاقل دلوقتى لانى انا عارف شخصيتك كويس لانها تقريبا قريبه من شخصيتى قوى وانا لاحظت ده من وقت البوست بتاع مدونون فى ذمه الله اللى عملناه فى نفس اليوم من غير ما نتفق المهم انا قصدي انا عارف انتى بتفكري اذاى وعارف النتيجه يمكن انا اكتر منك خبره شويه وتعليقك عندي فى البحث عن الذات بياكد كلامى
تحياتى يا انا حره واتمنى نوصل لحل

غير معرف يقول...

اللهم انى أمتك .. بنت عبدك .. بنت أمتك
ناصيتى بيدك
ماض فيا حكمك
عدل فيا قضاؤك
عدل فيا قضاؤك
عدل فيا قضاؤك

وبالنسبه لوقت الحصاد
موسم الحصاد بيتكرر كذا مره علي مدار السنه ياقمر اذا كان المحصول فيه مشاكل
المره دي الزرعه التانيه ركزي وتفادي الخطا وسلم امرك لله والحصاد هيبقي كما تمني اهم حاجه الرضا بقضاء الله وقدره

(صندوق الدنيا) يقول...

الحصاد
يا الله
كم هي كلمة حلوة...ولكننا ننسى أننا مهما حصدنا فلن ندخل الجنة إلا برحمة الله
حتى الحبب صلى الله عليه وسلم
أتعلمين يا أختي
توقفت أمام حديثين
(دخلت إمرأة النار في هرة حبستها....)
والذي يقص علينا قصة إمرأة كانت تفعل الخير...ولكنها حبست هرة ومنعتها من الطعام ولم تتركها حتى تأكل من خشاش الأرض

والحديث الآخر عن المرأة التي كانت معروفة بإرتكاب فاحشة الزنا لكنها مرت بكلب لهث من العطش فسقته فغر الله لها
أرأيت حبيبتي في الله كم هو الأمر هين الأسباب رغم خطورته
اللهم نجنا مما يحبط العمل...ويسر لنا عملا صالحا نتقرب به إليك
وتقبل توبتنا
وبارك لنا فيما نزرعه...لنفرح برحمتك يوم الحصاد
أختي الحبيبة
أسأل الله أن يرزقك لذة النظر إلى وجهه والشوق إلى لقائه

Unknown يقول...

في قانون في التنيمه البشريه بيقول

الحياه التي تحياها هي الي تستحقها تماما

لأنك عملت حاجات وممكن دي تكون نتيجتها
او سمحت لناس تعمل معاك حاجات من غير ماتاخد موقف حازم منهم وبردو دي نتيجتها

المهم اني اتمنالك الخير
وان ربنا يكرمك
وكل اللي يحصل يكون فيه خير ليكي

كلام على بلاطة يقول...

حافظى على حريتكتحياتى

كلام على بلاطة يقول...

تحياتى

حمامة يقول...

للأسف معتقدش فى حد فينا مستعد :(

وميض ابتسامة يقول...

اللهم اجعلنا من من يستمعون القول فيتبعون احسنه ....

يابنى آدم افعل ما شئت فكما تدين تدان ....

اللهم نسألك حسن الختام

daktara يقول...

مناجاة جميلة
فيها احساس
وان كنت لا اعرف سببها

من غير عنـــوان يقول...

حين يصدق المرء مع نفسه.. فهذه بداية الطريق..

كراكيب عادل يقول...

حلو الخلوة والحديث مع النفس بس كتر عقابها مش بيجيب نتيجة

اقصد نعاقبها ونصالحها ساعات بنتحامل جداا علي نفسنا اكتر من اللازم

الي راح راح اهم شئ الجاي يكون كويس علشان كدة لازم نكون مستعدين

ربنا يغفر لنا كلنا

freedom يقول...

شكرا على التدوينة
اسفه لأني ما بقدر اعبر اكتر من هيك

انا حره يقول...

هنوده

الهجوم على النفس مش عدل ولا عقاب عادل ولا صدق

احيانا بيكون الذنب كبير او انتى من جواكى شايفاه كبير لدرجه ان خلاص لازم وقفه لازم مراجعه للى بيحصل

وللاسف مقدرتش اغير غير حاجه بسيطه وبيتهيالى شويه وهرجع تانى

الله اعلم بقى ايه اللى هيحصل انا سايباها لله

انا حره يقول...

منى وعصر الجنووون

هههههههههههه انا كنت هغلط تانى وهكتب منى واسر

معلش بقى العتب عالنظر والسن ليه حكمه ههههههههههه

اسر دى جت منين بس مش فاهمه انا كنت بقراها منى واسر المجنون ولما دخلت مدونتك مش بلاقى اى اثر للاى اسر خالص

تحياتى ياقمر

انا حره يقول...

رئيسه حزب الاحلام

اللهم امين

نورتينى

انا حره يقول...

اوفر فورتى

عندك حق فكل كلامك والله

تحياتى

انا حره يقول...

محاسن صابر

اهلا اهلا

انا بقول المدونه منوره ليه انهارده

المهم انه بعد مانراجع نفسنا ونعرف غلطنا نلاقى عندنا قدره على تصليحه اصلا

انا حره يقول...

زوجه

تستاهلى؟

كتير بقولها بردو

بس اشمعنى اخر سنتين بقى

انا حره يقول...

اسامه عبد العال

صدق حدثك فيا يااسامه

للاسف معرفتش اتغير

حاسه ان حاجه بتشدنى اقوى منى وبتمنعنى من التغيير

انا حره يقول...

مياده

اذا كان المحصول فيه مشاكل
المره دي الزرعه التانيه ركزي وتفادي الخطا وسلم امرك لله والحصاد هيبقي كما تتمنى

ياه كلامك حلو اوى يامياده بجد وفيه امل كبير

انا حره يقول...

ام البنين

فلن ندخل الجنة إلا برحمة الله

كثيرا مااريح فكرى واعصابى بهذه الجمله

انا حره يقول...

اسراء

سيدى ياسيدى على الناس بتوع التنميه البشريه

ايه الكلام الجامد دا ياقمر

بس تعالى هنا انتى بتختفى فين

انا حره يقول...

كلام على بلاطه

حاضر

تحياتى انا كمان

انا حره يقول...

حمامه

ليه كدا بس

بكره ب ايد ربنا والله اعلم ايه هيحصل فيه

انا حره يقول...

وميض ابتسامه

اللهم امين يارب العالمين

منورنى دايما

انا حره يقول...

دكتره

السبب انا بس اللى اعرفه

سرررررر هههههههههههه

انا حره يقول...

من غير عنوان

اتمنى ذلك

تحياتى

انا حره يقول...

كراكيب عادل

هحاول اصلح اللى جاى ان شاء الله على اد مااقدر

اشكرلك متابعتك

انا حره يقول...

فريدم

العفو

انا اللى بشكركو على تحملكو لتقلباتى المزاجيه

عُمر يقول...

أنا بأحترمك

وإن شاء الله حأدعيلك

مع السلامة

:)

إيمان قنديل يقول...

بوست تذكرة للغافل





هل عرفتي الحل ياحره؟

Unknown يقول...

في البيت
(:

 
template by suckmylolly.com flower brushes by gvalkyrie.deviantart.com