الجمعة، 13 مارس، 2009

عادى


مبقتش أخاف من الذكريات

دا الجاى بينسى اللى فات

بعدو الحبايب .. قربو

مبقاش فى شيىء أستغربه

وبعيش فى قلبى

حزن.. فرح .. جرح

عادى

بقى كل شيىء عادى

الالم عادى

والندم عادى

والعذاب عادى

اى حاجه .. كل حاجه

مش غريبه

عادى

6 التعليقات:

اعترافات قلب يقول...

وااااااااااااااااو


أول تعليق لشيمو القمر

اعترافات قلب يقول...

ياحرة جميلة قوى ده تقريبا أغنية

بس بجد
جامدة آخر حاجة
وفعلا كل حاجة بقت عادى

تحياتى
شيمو القمر

esraa يقول...

ماهي المشكله لو كل حاجه بقت عادي
ماينفعش ياقمر

MǿиY El-Shreef يقول...

وليه بس كده ياجميله ..

نظرتك تشاؤميه شوية

حاول تدوري بقى ع الي مش عادي ف وجهة نظرك

واكسري الملل ده الي خلا كل شئ عادي

انا حره يقول...

شيمو القمر

والله انا شايفه ان العادى دا حاجه كويسه يعنى عشان بتبقى مستعده ومتوقعه الجرح والحزن ف مش هتتوجعى اوى

...........

اسراء

ليه بس يابرنسيسه مش احسن من وجع القلب

............

مونى الشريف

ههههههههه والله ماتشاؤميه ولا حاجه بالعكس انتى جايه فوقت انا متفائله فيه جدا

بس زى ماقلت دى حاجه كويسه انه يبقى عادى فبتفرحى او تزعلى فحدود المسموح بالنسبه لقلبك وخلاص

Hannoda يقول...

الحالة ده حاجة من اتنين

يا اما رضى جميييل بيخلي القلب هااادي و متقبل كل شيء و ساعتها كل شيء بيعدي بهدوء عليه مكهما كان صعب

يا إما ده يأس كبييير بيدي احيانا احساس وهمي بالزهد من الدنيا و الناس بس بيجي فجاة و تلاقي ستارة الوهم ده وقعت و تلاقي نفسك ورى قوي في آخر الصف ورى السنين و الناس و كل حاجة بتحبيها

مين فيهم بقى؟؟
ولا فيهحاجة تالتة أنا مافهمتهاش؟


الكلمات عجبتني قوي .. انت كاتباها ؟؟

 
template by suckmylolly.com flower brushes by gvalkyrie.deviantart.com