الأربعاء، 21 يناير 2009

استهبال استهبال يعنى

عمو

ياعمووو

انا عاوزه انام

ومش بعرف اصحى الصبح بدرى

ومش عاوزه اروح الشغل

ممكن؟؟

بس هوا فى مشكله صغنونه اااااد كدا

هما تقريبا قربو يرفدونى

او بيشاورو عقلهم عشان يخلونى اعيد السنه الامتياز دى تانى

ههههههههههههه

اصل بقالى 3 ايام مروحتش الشغل

بس اعملهم ايه انا

ماهو الجو الصبح بيبقى برد موووووت


49 التعليقات:

romansy يقول...

اول تعليق


ل



رومانسى

romansy يقول...

خلاص بلاش شغل وبلاش امتياز
الجو برد فعلا عليكى

قضيها نوم بقى

تصبحى على خير

ميرا ( وومن ) يقول...

ههههههههههههههههههههههههههههههههه

كانك بتتكلمي عني بالظبط الحمد لله انا فاكرة ان انا بس اللي بستهبل

طلعت مش لوحدي

بس امتيازي دي معناها انك دكتورة ولا ايه ؟

محمد عتلم يقول...

اااااااااااااه
جيتى على الوجيعه
بس انا بقوم بضرب ال..... غصب عنى يعنى وبروح الشغل برضه بنفس ضرب ال....عشان هنا الشغل بالساعه مش بالشهر او بالشويه او بالتقليه زى مصر .
انصحك لو كنتى بتشتغلى شغلانه كويسه وهتستقرى فى المجال ده متكسليش
انما لو شغلانه ملهاش لازمه وزى عدمها او عيوبها اكتر من مميزاتها يبقى النوم احلى وافيد

يا مراكبي يقول...

إيه الإستهبال اللي هما فيه ده؟

مش يحمدوا ربنا إنك عبرتيهم ووافقتي تروحي الإمتياز؟ كمان عايزينك تروحي كل يوم؟

لأ ده كتير قوي كده .. ههههههه

نفرتارى يقول...

تصدقى فعلاً ان بقالى 3 ايام مروحتش الشغل بس مش من البرد .. البوست هايل .. ومدونتك دمها خفيف جدا .

تحياتى ،،

نفرتارى

FOrty يقول...

عنوان مدونتك انا حره بس يا ترى ده صحيح مفيش حد حر كل واحد مستعبد لشىء ما فى كل مراحل حياته التعليم و لازم يروح المدرسه و هو صغير و بعدين الشغل بيشترى حريتك بالفلوس لو مرحتيش الشغل هناك خصم من المرتب و يمكن اكتر يبقى الانسان حر ازاى بقى ؟؟؟؟؟؟؟؟؟؟؟

Fahd يقول...

لا عفوا

الاستهبال اتواع

كده هنظلم الاستهبال

الحمد لله انا في السودان والجو دافي جدا وزي العسل

مدونة ظريفه

سارة نجاتى يقول...

ههههه

لو وارد الرفد فعلا اتغصبى على نفسك و روحى انما غير كده يبقوا هما اللى بيستهبلوا و أنت حرة , ان شاء الله يولعوا

تحياتى

انا حره يقول...

رومانسى

اموت واعرف انت بتصطاد اول تعليق دا ازاى

انا حره يقول...

رومانسى

انت تانى؟؟؟؟

ماانا بقول كدا بردو

يعنى بالذمه هستفيد ايه انا من انى اروح كل يوم امضى وارجع انام

ناس غريبه فعلا

انا حره يقول...

وومن

لالا مش لوحدك فالاستهبال انا معاكى

بس بزمتك مش الجو البرد

يعنى احساسك ايه وانتى نايمه كامشانه كدا فالبطاطين ودفيانه وفجاه تلتقى هادم اللذات بيرن عشان تصحى تقومى فالبرد تلبسى وتخرجى طبعا لازم تقفليه وترميه وتكملى احلام

ايوه ياستى انا دكتوره

ودايما منورانى

انا حره يقول...

محمد عتلم

انا كمان بقوم بضرب الجزم والشباشب والقباقيب كمان لو تحب بس هعمل ايه ماانا لازم اروح اوريهم وشى كل شويه بدل ماينسونى

شغل بالسااااااعه؟؟؟؟؟ لا ياعم مليش فيه الله يكون فى عونك

بس ان جيت للحق مدام بتشتغل وفى قصاد شغلك عائد مادى كويس لازم تشتغل

لكن احنا هنا بنشتغلهم على اد فلوسهم ههههههههه

انا اساسا لسه فى سنه الامتياز . تدريب يعنى . لسه مش مسؤله عن شغل عشان اهتم بيه بس لازم اروح بقى عشان التعيين اومال اضيع تعب السنين دى كلها عالفاضى عشان انام

انا حره يقول...

يامراكبى

مش عارفه انا ايه الناس دى

مفيش دم خالص ولا احساس بالناس البردانه

عالم غريييييبه

انا حره يقول...

نفرتارى

طب الحقى روحى بدل مايحولوكى الشئون القانونيه انتى كمان

مدونتى دمها خفيف؟؟؟؟؟؟؟

استحمال بردو

بس اصل انا قالباها نكد من فتره بصراحه

انا حره يقول...

اوفر فورتى

مش بقولك ان انا بستهبل فيها

انا حره يقول...

فهد

ههههههههههه مش عارفه ليه متخيله شكلك اول مانزلت من الطياره وفجاه لقيت نفسك فى مدينه الانتاج الاعلامى بيصورو الجزء العاشر من مسلسل بكار ههههههههههه

جو ايه اللى عسل بس دا انت الله يكون فعونك

انا حره يقول...

ساره نجاتى

لا ياختى للاستهبال حدود

افرضى كبرت فدماغهم وخلونى اعيد كام شهر تانى هستفيد ايه انا

عالعموم كلها شهر وهصحى غصب عن عينى

شيماء جمال(شيمو القمر) يقول...

جميل قوى البوست ده ودمه خفيف
بس أنا لسة ما اشتغلتش بس أنا حاسة إنى هكون مبسوطة
ومش هفوت يوم من غير ما أروح الشغل
وأنتى قلتى بتروحى تمضى وتيجى وده مش من الشغل ده من الروتين بتاع مصر
تحياتى
شيمو القمر

انا حره يقول...

اعترافات قلب

هتروحى الشغل كل يوووووم؟

انتى كدا فى حاجه غلط فى جيناتك المصريه

بكره تجربى وتدووووووقى وتعرفى احساس الصحيان بدرى دا اعوذ بالله

انا بروح امضى واجى لان مش مطلوب منى شغل فالسنه دى مطلوب منى اتعلم بس

والحمد لله السنه خلصت ومتعلمتش حاجه بردو هههههههه

غير معرف يقول...

أنا لو مكان عمووووووو !!

Unknown يقول...

معاكي حق يعني تسيبي السرير ازاي في البرد ده
انا مش بحب اصحي بدري خاااالص

غير معرف يقول...

ياسلام يااختي
شوفي الدلع ههههههههههه
هقولك الاسبوع اللي فات ده غبت
خمس ايام من الشغل ورا بعض
بسسب الصحيان بدري والبرد
المدير اول ماشاف وشي قال ليه دعيتي ليه
بقوله فين حضرتك قالي مش كنتي بتعملي عمره
ماهو الشتا ده برد لايقاوم

نفرتارى يقول...

واضح من اللونها .. بس كتابتك المرة دى جميلة .. ومتخفيش لما اروح شئون قانونية .. اصلى انا محامية .. ومحامية شاطرة .

نفرتارى

maioya يقول...

والله انتى غلطانه انتى تشتغلتى وتتعبى نفسك ليه وانتى نايمه على السرير يتصلوا عليك وتمشى شغلك وانتى نايمه ولا اقلك تتعبى نفسك اصلا وتشتغلى ليه تعيشى برنيسيه كدا يلا ما استهبال بقى

No Fear يقول...

هو أية أصله دا
:)

رئيس جمهوريه نفسى يقول...

كل ما بشوف موظف بيعانى من الصحيان والنوم علشان يروح الشغل بقول الحمد لله على نعمة المكتب الخاص بيه كمحامى اغيب واروح واتاخر برحتى طول مش معايه شغل

دعاء مواجهات يقول...

ههههههههههههههههه

والله العظيم زى العسل بجد

بتفكرينى بيا وانا بصحى الصبح علشان انزل الشغل

باخد قرار ترك السرير فيما لايقل عن ساعن ويصل لساعتين

سلام ياقمر

admelmasry يقول...

فيه حل علي فكرة
.
.
.
نروح بالبطانية

Unknown يقول...

ههههههههههههه
متروحيش بس خدي باه من الي هيحصل
اتشرفت بزيارتك قوي
مودتي

dramaqueen يقول...

مدونتك عسولة اوى
قريتها كلها نقريبا

كلنا بنمر بالظروف دى

الموضوع بيزيد لما تبقى بتاخدى حاجة انتى مش ملزمة بيها اوى

انا باخد منحة وكل يوم باصحى الساعة 7
وكل يوم باقول خلاص دة اخر يوم
بس برضه باقوم

ربنا يوفقك فى حياتك يارب
وتنجحى دايما

صدى الصمت - عاشقة الورد - يقول...

والله عند حق الواحد بيصحى بالعافية وبيروح الشغل كل يوم متضرر وقرفان
بس شر لابد منه
تحياتى , عاشقة الورد

انا حره يقول...

كازانوفا

هههههههههه

كان حصل ايه

انا حره يقول...

ايمى

تيجى نعمل اضرتب فالشتا وخلاص

انا حره يقول...

ميويا

والله مديرك دا ابن حلال

مش زى حالاتى يحولونى شئون قانونيه

ناس غرييييبه

انا حره يقول...

نو فير

انا برررررردو؟

انا حره يقول...

رئيس جمهوريه نفسى

عم يااااااعم

ماانت رئيس جمهوريه نفسك بقى مين ادك

انا حره يقول...

دعاء مواجهات

لا بقى انى غيرك

انا لو فرصه انشالله واحد فالمليون انى مروحش مش هفكر اساسا

ببقى مقرره قبلها بكام يوم انى مش رايحه ههههههههه

انتى اللى شربات وعسل

انا حره يقول...

ادم المصرى

لا مش هينفع

لاننا كدا لازم نصحى ونقوم من السرير ونغسل وشنا ونصلى ونلبس ونخرج نمشى فالشارع

كدا هنصحى بقى ولا ايييييييه

انا حره يقول...

كاتب مصرى

ولابيهمنى اللى عندهم يعملوه

احنا مش بنتهدد اه

انا حره يقول...

دراما كوين

ياقلبببببك

قدرتى تقرى كل كميه الاكتئاب دى لوحدك؟؟؟؟؟؟

انا حره يقول...

صدى الصمت

مجبر اخاك لا بطل

تحياتى

انا حره يقول...

مياده

معلش حصل لبس ههههههه او قلع على حسب بقى

فوت كومنتين

كنت بقولك ان مديرك دا رحمه بالنسبه للى عندى لانهم حولونى شئون قانونيه والحمد لله

انا حره يقول...

نفرتارى

كنت هحتاجك بس جت سليمه

ريمان يقول...

اه بجد

الدنيا فعلا برد اوىىىىى


هههههههههه

مدونه ظريفه

تقبلى مرورى

msafa يقول...

انتى بتصحى على تسعه كده ؟
انا بصحا سته الصبح تيجى تشتغلى معايا

blackcairorose يقول...

الله حلوة قوى موضوع منرحش الشغل لما الدنيا تبقى برد دي يا أنا حرة، يا بختك يا ستي

Layla يقول...

هما اللي غلطانين.. المفروض يعرفوا ان المصريين بطبعهم متعودين على الحر.. لما درجة الحرارة تقل عن 12 مننزلش.. تبقى اجازة رسمية في البلد
D:D:D:D:D:

dodda يقول...

انا كنت بقو ل للدكاتره فى الكليه
سيبكوا منى نجحونى وانا اوعدكوا انى مش حشتغل..
وقد كان :O)
مهو الواحد لازم يكون قد استهباله ...

 
template by suckmylolly.com flower brushes by gvalkyrie.deviantart.com