الأحد، 14 ديسمبر 2008

love؟


بتعمل ايه الكلمه دى؟

بتلغى العقل؟

بتعمى العيون؟

بتزيف الحقيقه؟

طيب ليه وعشان ايه

ما اللى يجرحك أو يكون سبب فى وجع ليك اقطع صفحته وطبقها بين ايديك وارميها وراك وكمل مشوارك

هيحصل ايه ؟

ولاحاجه

عادى يعنى

42 التعليقات:

غير معرف يقول...
أزال المؤلف هذا التعليق.
Desert cat يقول...

بالطبع ولا هيحصل اى حاجه
الحياة مش بتقف عند حد

klmat يقول...

جميل ان نحب بقلبنا وعقلناومن الحكمه ان لا نجرى وراء من يبعينا
عندك حق الحب لا يستجدى
كل سنه وانتى طيبه وسعيده

حزينه يقول...

الحياه مش حتقف
حتمشى بس حتشمى بجرح
كبير جوا القلب بيوجع اوى

حزينه

محمود محمد حسن يقول...

لو كان الأمر بسهولة تقطيع صفحة ، كنا قطعناها وطبقناها وولعنا فيها كمان ،

لكن دي مش مجرد صفحة ، دي حياة

صحب اوي انك تطبق حياة وتولع فيها وترميها

kochia يقول...

صعب
ياريت نقدر بالسهولة دي
مكنش حد غلب
الواقع العملي بيقول غير كدة

ولا ايه ؟؟؟

طهقان يقول...

الكلمة دي !!!!!؟


انا سمعتها فيييين قبل كدا ..؟ وامتى؟؟

ومش فاكر .....!

هوا الواحد متجوز بقالوا كتير على كدا بقا!!!؟

safa7_karmooz يقول...

دى بتلغى العقل وكلووووووووووووووووو

يابنتى واعذرينى على لفظ بنتى دى..ههههههههههه

محدش بياكلها بالساهل ولا حد بيرميها بالساهل الا لو كان فعلا من الاول مستبيع ومش شارى ..:)

Empress appy يقول...

الكلمه دى بتعمل حساسيه فى الجيوب الانفيه للقلب

صباح الصباح يقول...

الكلام سهل انما لو حبينا بجد صعب نفارق وصعب نطوى لحظات جميلة عشناها والا نبقى احنا مافيناش احساس

على قد الحب على قد العذاب

محمد عتلم يقول...

طيب لو الصفحه مش راضيه تنقطع من اساسه اعمل ايه ؟؟
اولع فى الكتاب كله واخلص ؟؟

اقصوصه يقول...

بتعمل بلاوي!

انا حره يقول...

اسامه عبد العال

سلامتك من البهدله مفيش حاجه تستاهل يعنى

انا حره يقول...

قطه الصحراء

مش كدا والنبى ياقطه

احب انا الناس اللى بتفكر وتشغل عقلها

انا حره يقول...

كلمات

الحب اللى بيتطلب او يستجدى او تقدر يقول بيتشحت تبقى قلته احسن لانه محدش يستاهل تهين نفسك عشانه تحت اسم انك بتحبه

وانت بالصحه والسلامه

انا حره يقول...

حزينه

ياستى اى جرح ليه دوا ومسيره يلم ويختفى

انا حره يقول...

محمود محمد حسن

صدقنى كل حاجه ممكن تحصل لو احنا عاوزين كدا

الحياه لما تكون مؤلمه او مهينه او سببت ليك وجع يبقى متستاهلش انك تفتكرها اساسا ولا ايه؟

انا حره يقول...

كوشيا

الله اعلم بقى انا بقول رأى واحده عالحياد مدخلتش التجربه الحقيقيه بس اكيد اتعاملت مع حد ومحترمنيش كفايه مثلا او سببلى وجع او ايا كان يبقى ليه ابقى عليه او على ذكرياته

انا حره يقول...

طهقان

ههههههههه اخص عليكى ياطهقانه

اقولك روح اتجوز عليها هههههههههه

انا عارفه هتيجى تموتنى لو شافت الكلام دا

انا حره يقول...

سفاح كرموز

هههههههه يعنى لايفتى ومشمش فالمدونه هههههههههه

طيب يامشمش الا ليه يعنى يلغى العقل عشان ايه بجد

حكايه بنتك دى متكترش منها انا لسه صغيره وبلاش فضايح

انا حره يقول...

ابى

يبقى علاجها بسيط شويه مضاد حيوى وخافض للحراره هتبقى زى الفل

انا حره يقول...

صباح الصباح

دا لووووووو حبينا بقى

انا حره يقول...

محمد عتلم

هتتقطع بس انت شد عليها كويس

الكتاب حرام تحرقه عشان اكيد فى صفح حلوه اوى وغاليه اوى

انا حره يقول...

اقصوصه

ربنا يكفينا شر البلاوى

safa7_karmooz يقول...

((هههههههه يعنى لايفتى ومشمش فالمدونه هههههههههه

طيب يامشمش الا ليه يعنى يلغى العقل عشان ايه بجد

حكايه بنتك دى متكترش منها انا لسه صغيره وبلاش فضايح))

حلوة لا يفتى دى...ههههههههههههههههههه

بصى يا ستى ...اهو بلاش بنتى والحاجات اللى تكبرنى دى ^_^ ...

اى حد بيحب حد تانى مش بيشوف عيوبه الا فى الاخر خالص لما يسيبه....ومش سهل انهم يسيبوا بعض الا لو كان حد منهم واخد الموضوع تسلية ومش جد ...

ليه بقى الحب بيلغى العقل ...عشان لو عملنا زى ناس عايشة بعقلها بس ودلوقتى بتندم على ربع وقت من بتوع زمان...هنفكر بالحسابات وارقام دلوقتى ...وانا عشان اتجوز لازم يكون معايا كذا واشتغل كذا وهى تكون مواصفاتها كذا وكذا ....

عشان كده لما الحب بيجى بيلغى العقل...العاطفة فى اغلب الاحيان بتبقى هى المسيطرة على تصرفاتنا وافعالنا

اضافة لكده مقولة الحب اعمى شفتها كتيييييييييييييييييييييييير

لما تكون بنت قمورة ماشية مع فحل بصل....والعكس صحيح ^_^

ولا عزاء للعوانس :p

عاشقه وغلبانه يقول...

ياريت بالسهوله دي نقدر نقطع صفح ناس جرحتنا في يوم من الايام
النسيان نعمه من ربنا بس غاليه اوي

سمكه واحده يقول...

مش بساهل بتتنسي بس
الزمن كفيل يداوي الجراح
بيحصل كتير وسعات ولا اي حاجه بتحصل
تحياتي

يا مراكبي يقول...

كلمة Love
تختلف تماما عن كلمة Like

والفرق بينهم هو البهدلة والجرح والتهوهان والإنشغال عن الدنيا وحاجات تانية كتير

هو في الواقع ..كلمة Love
مش مجرد كلمة .. دي إحساس

حاسوباتيه يقول...

بصي لو هو فعلا الحب ده جارحك فعلا سيبيه لان جرح الحب صعب بس الايام بتداويه لكن لو فضلتي فيه هتجرحي اكتر وهيكون اصعب في الشفاء منه

و القادم....أجمل يقول...

الحب إشتراك بين القلب و العقل
لو لغيتي عقلك
هتتبهدلي اووووي
و فعلا
الحياة بتستمر

تقديري
:)

Ehab يقول...

يا سلام
هتعمل ايه ولا بتعمل ايه
دي بتعمل كتير بس لما تطبق لفعل مش مجرد كلمه تتقال

عموما لو كان ينفع فعلا زي ما بتقولي نتجاهلها مكانش هيبقى في داعي نسال السؤال ده

سلااااااااااااااااااااام

Hannoda يقول...

لا مش عادي يعني

عارفة الحكاية عاملة شبه ايه؟؟

شبه الطخن
شكله وحش و بيكئب وبيضر الصحة
بس الاكل له زهوه و شهوته

آه الحب فيه كل اللي قلتيه ده
والعااااقل هو اللي يعرف يبعد عنه
بس ماحدش بيعرف يبعد عنه
و اللي بيعرف.. بيكون جواه شوق كبير ليه
وبيتمناه بس ماسك نفسه
وتلاقي كتير من اللي باعدين عنه بنجاح بلجاوا لحد عايش في ماضيهم و ذكرياتهم يخصهم بكل طاقة الحب الللي جواه عشان مايجذبهوش اي واقع خارجي

و اللي بعيد عنه و بيقولك مش في دماغي
كداااااب

انا حره يقول...

سفاح كرموز

ماانا قلت من الاول ان انت ادرى ياباشا وانى بتكلم من وجه نظر واحده محبتش قبل كدا

الحب مرايته عاميه دى حقييييييييقه وابصم عليها بالعشره تلاقى واد قمر كدا لو شاور بس بصباعه تجرى وراه اجمل بنات البلد وتلاقيه بيحب ايد مقشه كدا متفهمش ليه والعكس صحيح

العوانس بقى خليك متحضر وبلاش لكلمه دى عشان دا رزق ونصيب مفيش للانسان دخل فيه

انا حره يقول...

عاشقه وغلبانه

والله يابنتى اللى عاوز ينسى بينسى واللى عاوز يعذب نفسه ويعيش الدور هيعيشه وبكره تعرفى وتفهمى قصدى

انا حره يقول...

سمكه واحده

ايووووووووه عليكى نور هوا الزمن ورغبة الانسان فالنسيان هما اللى قادرين يداوو اى جرح

انا حره يقول...

مراكبى

تصدق بالله انى بعد مانزلت البوست بصيتله كدا وقلت ماهو الحب مش كلمه دا احساس واكيد حد هيعلق عالكلمه دى وطلعت انت المقصود هههههههههه

منورنى دايما

انا حره يقول...

حاسوبتيه

والله ماانا ههههههههه

انا بتكلم عموما

انا حره يقول...

والقادم اجمل

عندك كل الحق فكلامك

واسم مدونتك حلو اوى

انا حره يقول...

الشنكوتى الكبير

ازيك ياهوباااااا

مختفى فين محدش بيشوفك خالص ولا بتسال

هوا فعلا احساس انا مجربتوش بس اهو ادينا مستنين

انا حره يقول...

هنودا

و اللي بيعرف.. بيكون جواه شوق كبير ليه
وبيتمناه بس ماسك نفسه
......................

دى انا

و اللي بعيد عنه و بيقولك مش في دماغي
كداااااب
.............

ودى بردو انا

دايما بتبقى انتى احلى ختام

chaos يقول...

الحب الحقيقي مش بالساهل تتقطع صفحته
دائماً شيئاً ما يبقي
لو حقيقي متعرفيش تقطعيه و أراهنك
تحياتي

dr_samarmar يقول...

للأسف بتخلينا نستغنى عن حجات كتير مهمة و كانت شبه أساسيات فى حياتنا

و تخلينا نغمض عنينا عن عيوب اللى قدامنا

بس فى ناس بيوصل بيها الضعف انها تخلى صفحة اللى جرحها معاها و ماترضاش تفرط فيها

دول بقا بجد ضعفا جدا

تحياتى

 
template by suckmylolly.com flower brushes by gvalkyrie.deviantart.com