الجمعة، 26 ديسمبر 2008

خايفه منك وعليكى


سامحينى

والله دا انتى أغلى الناس عندى

نصى التانى

توأمى وحته منى

والله ماقصدى ولاعشت ولا كنت يوم مااكون سبب للحظه وجع او حزن ليكى

بس كان لازم تفهى

وتفوقى

يمكن ربنا اختار ان ايدى هيا اللى تجرحك لانها اكيد هتكون أحن وأرحم من اى أيد تانيه

ويارب يجى اليوم اللى تقدرى فيه دا ومتزعليش منى

63 التعليقات:

Selfmeaning يقول...

اكيد مكنش قصدك تجرحيها

لازم يبقى هناك سوء تفاهم مادام

هى نصك التانى

حاولى تصلحى الامور

safa7_karmooz يقول...

اعتقد وعلى حد علمى جرح الاخوات ده او النص التانى بيشفى بسرعه

لان كل واحد بيبقى على استعداد انه يقول اسف عشان يفضلوا مع بعض

ان شاء الله تتصالحوا تانى..:)

آخر العنقود يقول...

ربنا يصلح لكم الحال ويفتح قلوبكم لبعض
الاخوات عمرهم ما يزعلوا لانهم متأكدين ان كل واحد عاوز مصلحة التاني

ربنا يباركلكم فى بعض
:)

Empress appy يقول...

عارفه بعد فتره اكيد هتحس ان ده كان فى مصلحتها بس حاولى تفوقى بعدين من غير جرح يا حبيبتى

AHMED SAMIR يقول...

بعد فترة....والكلام دة بشكل عام طبعا بما اني مش ارف ايه الحكاية
بعد فترة ومضي وقت طويل
كل بني ادم بيحكم عقله وبيدرس احداث وقرارات قديمة وبيعرف قد ايه هي كانت صح او كانت غلط
الزمن كفيل بكل شيء
تحياااااااااااتي

محمد عتلم يقول...

هوا احنا لازم ننجرح علشان نحس ؟؟

حروف يقول...

ربنا ميجبشجرح ولازعل انشاءالله هي حتعرف انك خايفة عليها

romansy يقول...

اكيد هتبقى احن ايد
واكيد هتحس بكده
طالما انتى بتحبيها وخايفه عليها

-_- يقول...

ملكومش الا بعض

(صندوق الدنيا) يقول...

يا ترى زعلتي مين؟
ربنا يصلح ذات البين وترجعوا انت وأختك أو صاحبتك صافي يا لبن
كل عام وأنت بخير

عاشقه وغلبانه يقول...
أزال المؤلف هذا التعليق.
kochia يقول...

عاوز الحقيقة
مفيش حد في رايي نص حد التاني
ويمكن الواحد لو مر بتجربة واتعلم منها هيتسفيد اكتر من انه يمنع عن المرور في التجربة دي بايد حد تاني
بعد شوية وقت بيبقي فيه تمرد

يمكن
ويمكن لا

بس بتحصل

تحياتي

سحساوي يقول...

الخطة لازم تتنفذ بس لينا فيها نصيب و هو ده اللي بدور عليه
إيه نصيبنا في الخطة لغاية دلوقتي
فهمة حاجة
أوامر السماء لازم تمشي

mohamed alhaddad يقول...

جميله أوووووووووووى
وواضح انك بتحبيها أوووووووووى
وهو كده اللى بيحب بجد لما بيجرح بيجرح برده بجد
صدقينى مانا مجرب

دعاء مواجهات يقول...

احيان كتير بيكون الجرح ضرورة لابد منها لاقرب الناس لينا ممكن نكون ف نفس الوقت بنموت واحنا شايفين نفسنا سبب الم ليهم

بس الواقع بيفرض نفسة وحبنا كمان بيفرض نفسه

اكيد هيجى يوم وتفهمك
==================

انا متابعة مدونتك من فترة
بس يمكن اول مرة اعلق
مدونة بجد متميزة ..

انا حره يقول...

سلف ميننج

وقت مايحصل مواجهه بينا اكيد هحاول افهمها واصالحها

انا حره يقول...

سفاح كرموز

انا عارفه انها وقت ماتعرف حتى لو خاصمتنى خصامنا مش هيعدى كام ساعه او يوم بالكتير بس انا بفكر فيها هيا من جوه هل هتبقى شايفه انى كنت سبب فى وجعها ومتقدرش ولا تفهم قصدى

انا حره يقول...

اخر العنقود

يارب يسمع منك

ميرسى اوى

انا حره يقول...

ابى

للاسف يارحاب والله لو كان فى طريقه تانيه مكونتش اتاخرت

انا حره يقول...

احمد سمير

كلامك صح طبعا وياريت هيا تفهمه وتحكم عقلها

انا حره يقول...

محمد عتلم

احيانا كتير بتحصل لان الانسان بيبقى لاغى عقله ومش بيفكر صح ولاشايف الحقايق الواضحه فلازم حد يفوقه ويمكن لازم يوجعه كمان

انا حره يقول...

حروف

يارب

نورتينى

انا حره يقول...

رومانسى

ربنا وحده اللى عالم بحبها اد ايه

انا حره يقول...

شارم

اكيد طبعا

انا حره يقول...

ام البنين

دى اختى

وربنا يستجيب منك يارب

كل سنه وانتى بالصحه والسلامه

انا حره يقول...

عاشقه وغلبانه

انا عارفه انى مقصره فالتعليق عندك بس متابعاكى كويس

ربنا يسمع منك

انا حره يقول...

كوشيا

ازاى بس ؟

اختك مش نصك التانى؟؟؟؟؟؟

متخافيش عليها من وجع التجربه ومش هتحاولى تساعديها بدرى بدل ماتوصل لنهايتها

مش معقول طبعا

لو حد غريب كنت قلتلك ماشى لكن اختك او حد من اهلك اكيد لا

انا حره يقول...

سحساوى

والله مافاهمه حاجه

انا حره يقول...

محمد الحداد

ايوه فعلا انا بحبها اوى

ميرسى ليك

انا حره يقول...

دعاء مواجهات

كلامك بيعبر عن كل اللى جوايا والله يادودو وربنا عالم بحالى

انا كمان متابعه مدونتك وزيارتك ليا شرفتنى

احساس لسه حى يقول...

عزيزتى
كل سنه وانتى طيبه

ممكن تكون ايديكى احن وارحم من اى ايد تانيه لما توجعيها

بس اكيد جرحك الحنين ده

مؤلم وبيوجع اكتر من اكبر جرح ممكن تاخده من اى ايد تانيه

لان جرح القريب والحبيب بيوجع اضعاف البعيد

وبدل مايجى منك الجرح ممكن تحوشى عنها اى جرح ولو جرح مقدرتيش تحوشيه

بحبك ليها تشفيه

لاكن جرحك مين هيشفيه

تحياتى
سلااااام

Selfmeaning يقول...

من غير ما تستنى مواجهة

اتصلى بيها انتى عالطول

و وجهى الامور عشان ميبقاش

فى بعاد اكتر من كده

غير معرف يقول...

اكيد هايجى يوم وهتفهم وهتعرف الحقيقة

عليكى بالدعاء

غير معرف يقول...

نقدر نداوى .. من غير مانجرح ..

وان اضطرينا .. هيسامح .. لآننا بنحبه

!!! عارفة ... مش عارف ليه يقول...

هذه أقرب ما يكون
لقسوة الأب

وفي مثل مصري قدييييم بيقول

"يا بخت من بكاني وبكى الناس عليا
ولا من ضحكني وضحك الناس عليا"

تحياتي لكما
وليد

ميرا ( وومن ) يقول...

عزيزتي

هوني عليكي من ملامة نفسك احيانا يشق الطبيب الصدر بالمنشار لإنقاذ مريضة

رغم قسوة الأداة الا انه لو ساوره شك في كونها قاسية ام وتردد لاضاع حياة من الممكن انقاذها

ربما كانت بحاجة لهذه الجراحة القاسية فلو كنتي متأكدة مما تفعلين فستشكرك لاحقاً

فالجرح الذي ينقذنا احب إلينا من ذلك الذي ينقذنا

عسي الله ان يوفق بينكما وان يعيد إلتئام ما تصدع

تحياتي

Zanooba (Zeinab sab9n) يقول...

إنشاء الله هي حتقدر ..أنا حسب ما فهمت إنها أختك ده صح ؟ أكيد أنت مكنش قصدك تجرحيها و أكيد طالما بتحبيها الحب ده كله يبقى في بنكوا حاجات حلوة كتيرة

صحفية روشة يقول...

انتى رقيقة اوى

maha zein يقول...

ايه ده
ايه حصل
بقه اغيب شوية اجي الاقي ده كله حصل
طب اقول ايه
بس بيتهيقلي الصديق الصدوق هو اللى ميخدعش صديقه ويفوقه
اكيد هي مش زعلانة منك
طالما كان نيتك خير
وهي اكيد عارفة كده
ربنا يخليكوا لبعض

كل سنة وانتي طيبة

admelmasry يقول...

اهاااا
.
.
اكيد اكيد الوضع هيبقي مختلف لو كانت المجروحة تعرف عنوان البلوج دا وقرات الكلام الجميل دا عن لو ماكنتش تعرف
.
.
ف الحالة الاولي انها ما تعرفش عنوان البلوج مثلا
.
هنقول دا معناه رقة وطيبة وحنية منك متدارين دايما ورا حزم وشده لوزم السيطرة علي الامور
.
.
.
لكن لو هي تعرف وقرات الكلام دا .. يبقي معناه
انه كان عقاب اسي حبتين وانتي حاسة انك جيتي عليها شوية وبتحاولي تطيبي بخاطرها ودا برده يدل علي رقة وطيبة
.
.
سبحان الله كدا رقة وكدا رقة نعمل ايه معاكي بقي

maioya يقول...

اكيد فعلا طالما
بتحبيها كده هيا
هاتقدر ده
وبعدين المثل بيقول يابخت من بكاني ومش عارفه ايه ولاضحك الناس عليا
ربنا يصلح الحال مابينكم :))

انا من اهوى ومن اهوى انا يقول...

هى اكيد جواها عارفة ان اكتر حد يخاف عليها لأنك منها وهى منك

ربنا يخليكوا لبعض

عودة جميلة وحمد الله على سلامتك

تحياتى

Kiara يقول...

ان شاء الله هتعرف انك بتحبيها وخايفه عليها

انا حره يقول...

احساس لسه حى

اتضح ان جرحى طلع صعب اوى ونتيجته كانت زى الزفت

بس اللى حصل حصل ومش عارفه اصلحه ازاى

انا حره يقول...

سلف ميننج

المواجهه خلاص حصلت

انا حره يقول...

بوسبوس

يارب ان شاء الله

اتمنى كدا

انا حره يقول...

شريف

كنت فاكره انى بعمل لمصلحتها بس اتضح انى بتدخل فاللى مليش فيه اساسا على رايها

انا حره يقول...

عارفه مش عارف ليه

اب بقى ولا ام انا طلعت مش بحس ولا بخاف عليها وقاسيه وكلام كتير كدا وفالاخر شتيمه كمان

انا حره يقول...

وومن

قولولها الكلام دا عشان انا تعبت والموقف زى الزفت بجد

انا حره يقول...

زنوبه

للاسف هيا بتتهمنى انى نسيت كل حاجه واتعمدت اجرحها عشان انا تقريبا يعنى بحقد عليها او حاجه كدا

يمكن بردو

انا حره يقول...

صحفيه روشه

اشكرك بس هيا رايها غير كدا

انا حره يقول...

مها زين

مش زعلانه ايه بس دى حريقه قادت فالبيت وخصام ولوى بوز وكره وبلاوى سوده حصلت

انا حره يقول...

ادم المصرى

هيا مكانتش تعرف حاجه واكتشفت المدونه بالصدفه وعرفت منها كل حاجه

حكايه رقيقه بقى وكدا بقى مشكوك فيها لانه اتضح ان انا وحشه

انا حره يقول...

ميويا

ياريت يجى اليوم دا

انا حره يقول...

انا من اهوى ومن اهوى انا

ياريتنى كنت رحت فيها وخلصت وريحتها بنت امى وابويا

انا حره يقول...

كيارا

ان شاء الله

admelmasry يقول...

طب معرفته للمدونة بالصدفة دا ماغيرش عندها اي حاجة؟
.
.
الصورة لسه عندها مش واضحة برده ولا ايه ؟؟
.
.
لو فرق السن بينكم صغير قوي خلي حد من الصحاب الشتركين بينكم يتدخل .. لكن لو افرق كبير مثلا بقدر يسمح لك بقدر من السلط خليكي حازمة والوقت قادر علي تصفية الامور

Hannoda يقول...

مش عارفة ليه ما بنفوقش غير بجرح
ليه لازم بجرح
الكلام و الحوار والمناقشات العادية دايما بتتبخر مع الهوى
ومابينفعش غير الجرح هو اللي يصحيناوأما نصحى و نفوق و نفلت من اللي اكيد كان حايضرنا

أول حاجة نعملها نحط ميت حاجز بينا و بين اللي فوقنا

يارب ييجي اليوم اللي حاتقدر فيه بسرعة من غير ما الزمن يطول و يطوي معاه حاجات صعبة

الصورة حلوة قوي
ومعبرة قوي قوي

إنسان || Human يقول...

هي دي الحياة ....بنجرح وبننجرج
وياريت كل اللي بيجرحوا يكونوا زيك ..يعترفوا بغلطهم ويعتذروا...
أنا آسف ما بتعالجش الجرح ..لكن بتهديه

انا حره يقول...

ادم المصرى

سيبك بقى انا زهقت خلاص

انا حره يقول...

هنودا

لما لقيت الصوره دى بجد سرحت فيها وكنت هعيط عشان انا وهيا كنا كدا فعلا بس للاسف هيا متاثرتش ولا حست وباعتنى واشترت غيرى

محدش عارف بكره فيه ايه

ربنا يصلح الحال

انا حره يقول...

هيومان

ولابتهديه ولا بتاع دى بتشعلله اكتر وتمسك فيها بقى وتفضل تحسسك بالذنب وتبستف فيك طول الوقت

غير معرف يقول...

كل سنة وانت لأحلامك أقرب

ربنا يحقق لك كل احلامك على قد قلبك الطيب

 
template by suckmylolly.com flower brushes by gvalkyrie.deviantart.com