:)

طـــــــــــــــظ

فى

سيادتك

:)

لخابيط

• هو ممكن فالاخر الكل يتساوى ويبقى اللى فرح زى اللى مفرحش واللى اتعذب زى اللى متعذبش ويبقى الغلبان المسكين دا أخد اكبر مقلب فحياته ومش بمزاجه كمان!!
• مبقتش بتابع أى اخبار ولابسمع برامج التوك شو .. كله كلام كلام كلام وفالاخر مفيش فعل يبقى ملوش لزوم وجع الدماغ
• انا نفسى أرجع أحس زى زمان بس خايفه ومش عارفه
• لما يكون وزنك مثالى ورغم كدا بتعمل دايت وبترخم على روحك .. غلاسه
• فرحت عشانك أوى لانك تستاهلى كل خير
• أتعودت خلاص
• مفلسه ومش عارفه اشد الحزام ولا ألحم ايدى المخرومه دى
• سكه غلط اخرتها معروفه
• متسألنيش عن اى حاجه لو سمحت
• هو فى مساحه لانى اعمل اللى عاوزاه وأروح ألعب بعيد شويه وأوسخ هدومى وروحى وارجع انضفهم تانى ولا ممنوع ولازم اكون نضيفه وببرق طول الوقت؟!
• بيتهيالى ممكن يكون مبرر كافى ولا ايه..!!

....

كـيـف السـبـيـل الـى وصـالـك....

.

.

دلــنــى

!!!!!!!!

يارب

 فَصَبْرٌ جَمِيلٌ وَاللّهُ الْمُسْتَعَانُ

.

.

قلت لأ

يابـــــــــــــــــــــلادى عيشى حـــــــــــره ....

واسلــــــــمــى رغــم الاعــــــــــــادى  ...

..........

بينى وبينك أحزان ... ويعدو

بينى وبينك أيام ... وينقضو

.

.

.

بحلم ويحلالى..

بس امتى ليالينا عالحلم ترسينا ...؟؟!!

.

.

...........

فى حاجات تتحس ... ومتتقالش

توجع فى القلب ... ومبتبانش

:

:

؟؟؟؟؟

هوا فى ايييه

لا بجد افهم 

هوا فى ايه بقى 

هه؟

ايه كميه البشر دى

دى زى ماتكون الحنفيه كانت مقفوله واتفتحت لما الدراسه بدأت والحنفيه من غير جلده كمان

الشوارع الساعه 7 ونص بتبقى ولا يوم القيامه

ووصولى للشغل بقى mission impossible الجزء الاخير

طيب بلاش دى 

الحمد لله ربنا قدرنا واتحشرنا فى اى عربيه ومواصله تشيلنى ومواصله تحطنى لححححد مالمهمه تمت ووصلت بنجاح ولسه جزمتى وشنطتى وكل هدومى عليا هما صحيح بقو متوسخين شويه ومكسرين تلات شويات وصوابعى اتفرمت بس مااااعلينا

يابت طنشى خاااالص

لسه داخله وبقول يافتاح ياعليم يارزاق ياكريم الاقيهم مشطبين عليا يومين ومتحوله للشئون القانونيه

ممممممم

طيب معلش متعمليش عقلك بعقل الكاتب انتى الكبيره بردو ومش مهم الكام يوم جزا دول فدااااكى

يابت كبرى دماغك

شويه وتلاقى المدير اللى ربنا هينتقم منه ان شاء الله وهشوف فيه يوم شبه وشه جاى يصبح كدا بخناقه وقدام العيانين كمان بصوته اللى زى مايكون بالع ضفدعه دا 

اسكتله

لالالالا  طبعا 

رديت عليه ماهو انا بقى مش الملطشه بتاعتكم بقى

وساكته من الصبح وبكبر دماغى

قام لما لقانى برد عليه كش كدا وسكت واخد جنب هههههه عالم تخاف متختشيش صحيح

بس هوا شكله كدا مرقدلى وناويلى نيه مش ولابد وربنا يستر

طيب اليوم الظريف اللطيف دا يخلص على كدا

لا طبعا 

ازاى

ميصحش

تلاقيهم خاصمين منك نص المرتب اللى هوا اساسا مفيهوش انصاص بحجه انك كنتى فتدريب واخده فيه مبلغ وقدره

المبلغ وقدره اللى بيقولو عليه دا 850 جنيه اول عن اخر

مبلغ بردو ياناس

والحكومه ميصحش تسكت عليه لازم اللى تديهولك باليمين تاخد اده مرتين تلاته بالشمال

دمى اتحرق والله العظيم

هوا مفيش غيرى فالبلد دى انهارده ولا ايه

ولففونى على 6 مدارس فصل فصل وعيل عيل وياسبحان الله العيال كلها عيانه وبتكح متفهمش ليه

وناظر المدرسه عاوز دكتور مخصوص كل يوم يقعد مع العيال من الساعه 7 لوقت الانصراف طيب مش عاوزو يشرحلهم وينضفلك الحمامات ويفلى العيال بالمره

وانا اعيييييييط

واقول يارب اليوم دا يخلص بقى والنبى 

انا تعبببت

الاقيلكم الجزمه بتاعتى تتقطع فالمدرسه

وشويه وشريحه الموبيل تختفى فى ظروف غامضه

وانا مذبهله ومتنحه

وكل اللى طالع عليا

كفايا كدا انهارده

طيب خلى شويه لبكره والنبى

اومال هنعمل ايه بكره ماكل المصايب حصلت انهارده خلاص هنسيبه فاضى يعنى ولا ايه

ميصحش كدا

والله انا ليا الجنه

):

.....

وكانت هى

امرأه تجلس على أرجوحه "ربما"

.

.

......

من آ منك لم تخونو ولو كنت خاين

.

.

....

مش مهم الجاى ايه

احنا نتعب روحنا من دلوقتى ليييييه

؟

؟ 

لو حد خانا .. او جرح طالنا

نفتح بيبانا منردهاش

جايز نجاحنا يكسر جروحنا

ونحب روحنا .. منظلمهاش

نلقى حياتنا حب وفرحه

ونكتر اعمالنا الصالحه

والدنيا حلوه

والله حلوه

مش ايام بتعدى ورايحه

.

.

انغام

بكلم روحى فيها حاجه دى؟؟

مممممممممم

طيب انتى دلوقتى نفسك فى اجازه كام يوم كدا

بس الاجازات ممنوعه

وحتى لو مش ممنوعه لو مروحتيش هتتغيبى وانتى معندكيش ايام اجازه اللى هيا اصلا لو كانت موجوده فهيا ممنوعه 

وهتتحولى شئون قانونيه

وتاخدى جزا

طب بس انتى نفسك فى اجازه

والدنيا حرررر

والجو بره وانتى راجعه بيبقى عامل زى الفرن

وانتى اتخنقتى اصلا من زمايلك والتمريض والعيانين

ونفسك موووت تقتلى المدير بتاعك 

او انه مثلا يكون اول واحد فى مصر ياخده الوبا ويروح عند هنادى

بس الاجازات ممنووووعه

اقولك 

قومى نامى بقى عشان عندك شغل بكره الصبح بدرى

.

.

على نار...

عم يخلص قلبى بغيابك

.

.