هوا فى ايييه
لا بجد افهم
هوا فى ايه بقى
هه؟
ايه كميه البشر دى
دى زى ماتكون الحنفيه كانت مقفوله واتفتحت لما الدراسه بدأت والحنفيه من غير جلده كمان
الشوارع الساعه 7 ونص بتبقى ولا يوم القيامه
ووصولى للشغل بقى mission impossible الجزء الاخير
طيب بلاش دى
الحمد لله ربنا قدرنا واتحشرنا فى اى عربيه ومواصله تشيلنى ومواصله تحطنى لححححد مالمهمه تمت ووصلت بنجاح ولسه جزمتى وشنطتى وكل هدومى عليا هما صحيح بقو متوسخين شويه ومكسرين تلات شويات وصوابعى اتفرمت بس مااااعلينا
يابت طنشى خاااالص
لسه داخله وبقول يافتاح ياعليم يارزاق ياكريم الاقيهم مشطبين عليا يومين ومتحوله للشئون القانونيه
ممممممم
طيب معلش متعمليش عقلك بعقل الكاتب انتى الكبيره بردو ومش مهم الكام يوم جزا دول فدااااكى
يابت كبرى دماغك
شويه وتلاقى المدير اللى ربنا هينتقم منه ان شاء الله وهشوف فيه يوم شبه وشه جاى يصبح كدا بخناقه وقدام العيانين كمان بصوته اللى زى مايكون بالع ضفدعه دا
اسكتله
لالالالا طبعا
رديت عليه ماهو انا بقى مش الملطشه بتاعتكم بقى
وساكته من الصبح وبكبر دماغى
قام لما لقانى برد عليه كش كدا وسكت واخد جنب هههههه عالم تخاف متختشيش صحيح
بس هوا شكله كدا مرقدلى وناويلى نيه مش ولابد وربنا يستر
طيب اليوم الظريف اللطيف دا يخلص على كدا
لا طبعا
ازاى
ميصحش
تلاقيهم خاصمين منك نص المرتب اللى هوا اساسا مفيهوش انصاص بحجه انك كنتى فتدريب واخده فيه مبلغ وقدره
المبلغ وقدره اللى بيقولو عليه دا 850 جنيه اول عن اخر
مبلغ بردو ياناس
والحكومه ميصحش تسكت عليه لازم اللى تديهولك باليمين تاخد اده مرتين تلاته بالشمال
دمى اتحرق والله العظيم
هوا مفيش غيرى فالبلد دى انهارده ولا ايه
ولففونى على 6 مدارس فصل فصل وعيل عيل وياسبحان الله العيال كلها عيانه وبتكح متفهمش ليه
وناظر المدرسه عاوز دكتور مخصوص كل يوم يقعد مع العيال من الساعه 7 لوقت الانصراف طيب مش عاوزو يشرحلهم وينضفلك الحمامات ويفلى العيال بالمره
وانا اعيييييييط
واقول يارب اليوم دا يخلص بقى والنبى
انا تعبببت
الاقيلكم الجزمه بتاعتى تتقطع فالمدرسه
وشويه وشريحه الموبيل تختفى فى ظروف غامضه
وانا مذبهله ومتنحه
وكل اللى طالع عليا
كفايا كدا انهارده
طيب خلى شويه لبكره والنبى
اومال هنعمل ايه بكره ماكل المصايب حصلت انهارده خلاص هنسيبه فاضى يعنى ولا ايه
ميصحش كدا
والله انا ليا الجنه
):
17 التعليقات:
هههههه
هم يضحك و هم يبكي بجد
ده اللي كان ناقص
الجزمة كمان ضدك
طيب هتعملي ايه يعني
الصبر مفتاح الفرج
رغم اني لو مكانك
وفي ظل اليوم المشحون بالمصايب ده
معرفش كنت عهمل ايه بجد
وفقك الله
يااااي
اول تعليق
هيييييه
هههههههه
تقبلي مروري
كوكي
هذا ما يطلق عليه اليوم المتلغم
<<
هى دى الايام اللى نقعد باصين فى ساعاتنا مستنيين انها تخلص دقيقه بعد دقيقه
النهاردة 14 أكتوبر وما فيش حاجة جديدة حصلت .. ايه؟ خلصتي كل الحاجات الوحشة امبارح والا ايه؟
:-)
ههههههههه
احسن حاجة انك تحاولى تفرفشي
وماتركزيش كتير في اللي بيحصل
ربنا يعينك
بوست لذيذ
تسلم ايدك
السلام عليكم
إن شاء الله لينا الجنة
بس انت الغلطانة
لاقيتي اليوم كده
خد إذن إنصراف أو أجازة و روحي نامي علي طول
:)))
بعد اليوم العاصف ده هقلك برضه ابتسمى كل ايام ربنا خير
يوم من ايام " نحس " ممكن تعدي علي البني آدم ..
يارب ميتكررش معاكي تاني :)
تحياتي
دا كتير والله اللي بيحصل ده
لاااااااااازم ترفعي قضية في مجلس الأمن
ههههههههههههه
بس حتة الزحمة اللي شوفتيها الصبح ممكن
نوصفها برضه بماسورة ناس ضاربه
هههههههههههه
ان شاء الله هم ويعدي
وتتحل كل العقبات
سعدت بأول زيارة لمدونة حضرتك
دمتي على خير
قلم رصاص
ازيك يادكتوره يارب تكوني بخير
اصلك فعلا وحشتينا
ست الضاكطووووووووووورة
وحشاني من كل حتة في جسمي.. لا تكوي ممارس عام ولا حاجة ^_^
واضح ان مش انا بس اللي تعبانة من الزحمة والمديرين والشغل.. نفسي اعرف احنا مش بنقعد في البيت ليه؟؟ ليه يا ربي؟؟
انا عارفة الاجابة بس مش هقول عشان الفقرة دياتصورت
تحبي نذيع؟؟
^_^
مها ميهوووو
ياتري مختفيه ليه ؟؟
يارب تكوني بخير .. انا مستنيه بوست جديد :)
تحياتي
اخبارك ايه وحشتيني جدا
اراضيكى وصلت لحد فين
و مختفية ليه دا كله
وحشتينى اوى
المشكله مش بس فى زحمه المواصلات دى كمان ازدحام السيارات والاشارات
انا بدخل فى تلت او اربع محاور علشان اقدر اوصل للشغل
اهرب من اشاره ادخل فى اختناق اخرج منه ادخل فى غيره اكنه جيمز استراتجى وعليا المرمر من كل المستويات
البوست رائع
تحياتى
بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير
عيد سعيد على كل الناس الطيبين
إرسال تعليق