تفاءلى بالخير تجديه
.
.
بعد ماكتبت البوست وخرجت اكتشفت انه اول بوست فشهر مارس
ايه دا هوا مارس ابتدى؟
مارس احلى شهر فالسنه كلها
الشمس دلوقتى طالعه ومنوره وسامعه صوت عصافير بره وعصافيرى كمان عاجبهم الجو واخر انبساط
سبحان الله انا كدا دايما مودى بيتغيرمع تغيير الفصول ببقى كئيبه وحزينه فالشتا اللى بكرهه دا اما الربيع والصيف ياسلام ياسلام بتبقى الحياه لونها بمبى هههههه حتى لو هوا مش جنبى عادى يعنى
27 التعليقات:
ربنا يجعله شهر سعيد عليكي
ويكرمك ويوفقك في كل السنين اللي جايه
منورانا دايما يا سكره
سلاااااااااااااااااااااااام
اخوكي ايهاب
الحياه بتبقي لونها بمبي وانا جمبك وانت جمبي ولا ايييييييه؟
كل سنه وانت طيبه يا جميله ويارب كل الفصول تبقي زي العسل عليكي
انا بحب كل الفصول حتي الشتا الكئيب عشان البرد والواحد بينكمش في نفسه ويشرأب كمان والمطر بيبقي جميل وجو لطيفو بحب اللون البني فأغلب لبسي في الشتي غوامق اصلي اموت في الغوامق(وش بيغمز)
كمان بحب الابيض في الصيف اصلي بردو اموت في الفواتح(وش بيستهبل)
والشمس والدنيا مصايف بقي
ربنا يجعل ايامك كلها حلوه
دمتي بود
يارب دايما يجعله تفاؤل فى تفاؤل ويبقى شهر سعيد عليكى
أقولك على حاجة يا حرة
بجد بجد أنا حاسة إن الشهر ده خيير على الناس كلها حلو على بعد حوالى سبع شهور نكد وحلو على أصحابى برده وحلو عليكى
متفائلة جدا أنا هذا الشهر
ربنا يسعدك ويسعدك كل الشهور عندك
تحياتى غليكى يا جميل
شيمو القمر
احلى حاجه فيكى انك ماشيه على نظام خير الكلام ماقل ودل.. هما بؤين وشكرا
بس بؤين فيهم المفيد وعلى رأى المثل
كلمتين ابرك من جرنان
انا بأه مش من النوع اللى بيتكلم من اساسه . الطع الصوره من هنا واخليها هيا اللى تتكلم
ويارب تكونى مبسوطه طول السنه مش فى شهر مارس بس
ايه دا..انتى مسمعتيش الفرجن الجديد من الاغنية! الحياة بقى لونها بمبى لما ريحتنى ومشيت من جمبى،،هههههههه
انا زيك كدا اكتأب فى جو الشتا وأنتعش فالصيف
مدونتك جميله اوى اول مره ادخلها
تحياتى
يا استفندى يابن عم البرتقاااااااااان
ان شاء الله يبقى شهر حلو عليكى ..
وتبقى فرحانه عالطووول
^_^
عشان كدة باحب علي الحجار لما بيقول
"وبكرة جي اخضر وانتي بتتبسمي"
:)
دي اول زيارة ليا
مدونتك رائعة و تدويناتك حلوة اووي
قرات معظمها
ربنا يجعله شهر سعيد عليكي
بالتوفيق يالغلا
يا ستي كل شهر وانتي طيبة انا كمان مبسوطة قوي وانا بقرا البوست ده في احلي يوم في الشهر يوووووووووم القبض
بالذمة في احلي من كدة
الحمد لله ان شهور الكآبة خلصت انا نشوف بقي إية أخبرا الربيه :))
كل سنة وانتى طيبه وبخير
انا كمان زيك تغيير الفصول بيعمل عندى حاله غريبه من الاكتئاب والتوهان والبحبقه والازبهلال وبقالى على الحال ده سنين اقعد شويع كل اول فصل على ماتعود
بس ان شاء الله الربيع يكون جميل وكله بمبى فى روز فى فوشيا وبينكى بينكى كمان
تحياتى
كل سنه وانتي طيبه يا حره وديما حره يا جميل
اللهم صلي علي سيدنا وحبيبنا محمد صلي الله عليه وسلم
بقلك ايه
انهارده طول اليوم نصلي علي سيدنا محمد دي اقل حاجه نعملها
اللهم ارزقنا حبه واتباعه
متجيبي اي حاجه حلوه بقي ياناس دوختنوني وياكم عماله الف وريقي نشف
تحياتي يا جميله
هو كدة الانسان طبيعة فية
انة يميل ناحية فصل معين
مع ان العلم اثبت ان تغير الفصول بيكون لية تأثير على نفسية الانسان
انا جاوبت على سؤالك فى اخر بوست
ربنا يكرمك
تحياتى
الشنكوتى الكبير
شهر جميل علينا كلنا ياهوبا
سلاموز
سمكه واحده
كل سنه وانتى طيبه ياسمكتى
انا كمان بحب الغوامق اكتر وبموت فالفواتح هاتيلى انتى بس لبس جديد ومش بقول لا
رومانسى
شكرا يارومانسى
اعترافات قلب
ولسسسسسه ابريل بقى وريحه الهوا بالليل يالهوىىىى بتبقى تحفه ولا الصيف والشمس طالعه كدا ونسمه الهوا بالليل
الايام الجايه جميله
محمد عتلم
ماهى قله الكلام دى حيله الضعفاء امثالى يامحمد بصراحه مش بعرف ابعبر عن مشاعيرى فبجيب حته من اغنيه مثلا تقول اللى انا عاوزاه او انجز واقول كلمتين والمعنى فبطن الشاعر بقى اللى هوا انا
اما انت بقى فنان ياعم صورتك احسن من ميت بوست كلام
سوما
تصدقى حلوه تحسيه كان كابس على قلبها كدا وخلصت منه هههههههههه
سفاح كرموز
واتدحرج واجرى يارمان هههههههه
كل سنه وانت طيب وخليك فاكر انك مجبتش حلاوه المولد وسبتها على باب المدونه
ابيتاف
وانا بتعلم التفاؤل دا منك على فكره واتعلمت اكتب وارسم عالحيطان
نواره
ويارب تكون مش اخر زياره ياجميل
نورتينى
وومن
ليه كدااااا
ليه تفكرينى بالقبض
هقعد شهر بحااله مش هقبض هعيش عاله على بابا وماما عاااا
الشموع البيضاء
كل سنه وانتى طيبه ياقمر
سمكه واحده
ماانا رحت لحد عندك ياقمر فمدونتك وجبنا غدا كمان
تامر نبيل
رحت وشوفت الاجابه ياتامر انا طبعا مكانش قصدى حاجه انا بس قلت اللى ملاحظاه
منورنى
هو فعلا أحلي شهر ف السنة... شكرا جزيلا.. دا شهر ميلادي
إرسال تعليق