اعرفنى الاول قبل اسمى
اصل محدش بيشيل حد
فابتسامتى ودمعتى ملكى
أيوه العالم دا ملكى
والناس عليا ضيوف
.........
انا مجرد انسانه
ليها مالبنى أدم وعليها ماعليهم
بفرح .. وبحزن
مش ملاك ولا شيطان
بحب الناس وأطلب ودهم
وساعات كتير بتخنق منهم وابقى عاوزه الدنيا حواليا فاضيه
مين فينا على حال واحد
مين فينا مش بيمثل السعاده ويضحك فى وش الناس وهوا عنده مليون سبب يخليه يبكى من جواه
مين فينا مش بيزعل على حلم عمره لما ميعرفش يطوله
أظن الحزن او الشجن او أيا كان المسمى مش جريمه
ولو كان حتى أقرب الناس ليك عاوزك تتزوق قدامه وتمثل عليه زى مابتمثل على غيره
يبقى قلته أحسن ووجوده زى عدمه
لكن هنا مساحتى
بتاعتى انا
وانا حره فيها
افرح
أحزن
أكلم نفسى
اعيط
اضحك
أصرخ
أهييس حتى
أنا حره
14 التعليقات:
وااااااااااااااااو
أول تعليق لشيمو القمر
والتانى كمان
كلامك ده جامد جدا
وجوه كل واحد فينا
وساعات بنحب نتجنن ونعمل حاجات مش متوقع مننا نعملها وده مش عارفة تفسيره
تحياتى يا حرة
شيمو القمر
مفيش مانع بس من غير زق :)
أكيد كل واحد جواه كل الأحاسيس دي ... ولكن احنا كبشر لما بنتعامل مع بعض لازم كل واحد فينا يحاول يخرج أجمل ما في الآخر .... حتى يستطيع هو أن يخرج أجمل ما في نفسه ..
تحياتي وتقديري
عزيزتى
انتى اكيد حره
بس اكيد فى اللى بيشاركك ابتساماتك ودمعاتك
وكلنا بنخبى احزانا وبنجهر بافرحانا
لاكننا بننكسف من احزانا
عيطى اوعى تحوشى دموعك يوم
تحياتى
سلام
خلاص ياستي
حره حره
هو في حد يقدر يقول حاجه
من غير شخط بس
(:
ايوه طول عمرك حره
خليكى انتى نفسك
خليكى ولا يهمك
من الناس ولا الكلام
ماشي انت حرة انتيييييييي حرررررررررة
عرررررفنااااااااااااااا
ههههههههههههه بهنزر نتكلم جد بقي
مين منا مش فيه كل المشاعر دي مين مننا مش عاملة مدونتة علشان يبقي فيها نفسة أو زي ما يحب انه يكون
احنا بشر
اعترافات قلب
اول رد لشيمو القمر
اعترافات قلب
شفتينى وانا متنرفزه
تامر على
هههههههه معلش بقى جت فيكو بس كنت على وشك الانفجار ففرقعت هنا
احساس لسه حى
يعنى اعيط براحتى
اغرق الدنيا وتستحملونى ومش هترجعو تزعلو؟
انت اللى جبته لنفسك بقى وانت حررر
اسراء
ايوه كدا
لازم نزعق يعنى ونحمر عنينا ولا ايه
رومانسى
ايوه المدونه دى حره وهتفضل طول عمرها حره
هههههههه
منورنى دايما
وومن
انا عارفه يااختى ماهو دا اللى بقولو وصوتى راح فيه من الصبح
إرسال تعليق