عمو
ياعمووو
انا عاوزه انام
ومش بعرف اصحى الصبح بدرى
ومش عاوزه اروح الشغل
ممكن؟؟
بس هوا فى مشكله صغنونه اااااد كدا
هما تقريبا قربو يرفدونى
او بيشاورو عقلهم عشان يخلونى اعيد السنه الامتياز دى تانى
ههههههههههههه
اصل بقالى 3 ايام مروحتش الشغل
بس اعملهم ايه انا
ماهو الجو الصبح بيبقى برد موووووت
49 التعليقات:
اول تعليق
ل
رومانسى
خلاص بلاش شغل وبلاش امتياز
الجو برد فعلا عليكى
قضيها نوم بقى
تصبحى على خير
ههههههههههههههههههههههههههههههههه
كانك بتتكلمي عني بالظبط الحمد لله انا فاكرة ان انا بس اللي بستهبل
طلعت مش لوحدي
بس امتيازي دي معناها انك دكتورة ولا ايه ؟
اااااااااااااه
جيتى على الوجيعه
بس انا بقوم بضرب ال..... غصب عنى يعنى وبروح الشغل برضه بنفس ضرب ال....عشان هنا الشغل بالساعه مش بالشهر او بالشويه او بالتقليه زى مصر .
انصحك لو كنتى بتشتغلى شغلانه كويسه وهتستقرى فى المجال ده متكسليش
انما لو شغلانه ملهاش لازمه وزى عدمها او عيوبها اكتر من مميزاتها يبقى النوم احلى وافيد
إيه الإستهبال اللي هما فيه ده؟
مش يحمدوا ربنا إنك عبرتيهم ووافقتي تروحي الإمتياز؟ كمان عايزينك تروحي كل يوم؟
لأ ده كتير قوي كده .. ههههههه
تصدقى فعلاً ان بقالى 3 ايام مروحتش الشغل بس مش من البرد .. البوست هايل .. ومدونتك دمها خفيف جدا .
تحياتى ،،
نفرتارى
عنوان مدونتك انا حره بس يا ترى ده صحيح مفيش حد حر كل واحد مستعبد لشىء ما فى كل مراحل حياته التعليم و لازم يروح المدرسه و هو صغير و بعدين الشغل بيشترى حريتك بالفلوس لو مرحتيش الشغل هناك خصم من المرتب و يمكن اكتر يبقى الانسان حر ازاى بقى ؟؟؟؟؟؟؟؟؟؟؟
لا عفوا
الاستهبال اتواع
كده هنظلم الاستهبال
الحمد لله انا في السودان والجو دافي جدا وزي العسل
مدونة ظريفه
ههههه
لو وارد الرفد فعلا اتغصبى على نفسك و روحى انما غير كده يبقوا هما اللى بيستهبلوا و أنت حرة , ان شاء الله يولعوا
تحياتى
رومانسى
اموت واعرف انت بتصطاد اول تعليق دا ازاى
رومانسى
انت تانى؟؟؟؟
ماانا بقول كدا بردو
يعنى بالذمه هستفيد ايه انا من انى اروح كل يوم امضى وارجع انام
ناس غريبه فعلا
وومن
لالا مش لوحدك فالاستهبال انا معاكى
بس بزمتك مش الجو البرد
يعنى احساسك ايه وانتى نايمه كامشانه كدا فالبطاطين ودفيانه وفجاه تلتقى هادم اللذات بيرن عشان تصحى تقومى فالبرد تلبسى وتخرجى طبعا لازم تقفليه وترميه وتكملى احلام
ايوه ياستى انا دكتوره
ودايما منورانى
محمد عتلم
انا كمان بقوم بضرب الجزم والشباشب والقباقيب كمان لو تحب بس هعمل ايه ماانا لازم اروح اوريهم وشى كل شويه بدل ماينسونى
شغل بالسااااااعه؟؟؟؟؟ لا ياعم مليش فيه الله يكون فى عونك
بس ان جيت للحق مدام بتشتغل وفى قصاد شغلك عائد مادى كويس لازم تشتغل
لكن احنا هنا بنشتغلهم على اد فلوسهم ههههههههه
انا اساسا لسه فى سنه الامتياز . تدريب يعنى . لسه مش مسؤله عن شغل عشان اهتم بيه بس لازم اروح بقى عشان التعيين اومال اضيع تعب السنين دى كلها عالفاضى عشان انام
يامراكبى
مش عارفه انا ايه الناس دى
مفيش دم خالص ولا احساس بالناس البردانه
عالم غريييييبه
نفرتارى
طب الحقى روحى بدل مايحولوكى الشئون القانونيه انتى كمان
مدونتى دمها خفيف؟؟؟؟؟؟؟
استحمال بردو
بس اصل انا قالباها نكد من فتره بصراحه
اوفر فورتى
مش بقولك ان انا بستهبل فيها
فهد
ههههههههههه مش عارفه ليه متخيله شكلك اول مانزلت من الطياره وفجاه لقيت نفسك فى مدينه الانتاج الاعلامى بيصورو الجزء العاشر من مسلسل بكار ههههههههههه
جو ايه اللى عسل بس دا انت الله يكون فعونك
ساره نجاتى
لا ياختى للاستهبال حدود
افرضى كبرت فدماغهم وخلونى اعيد كام شهر تانى هستفيد ايه انا
عالعموم كلها شهر وهصحى غصب عن عينى
جميل قوى البوست ده ودمه خفيف
بس أنا لسة ما اشتغلتش بس أنا حاسة إنى هكون مبسوطة
ومش هفوت يوم من غير ما أروح الشغل
وأنتى قلتى بتروحى تمضى وتيجى وده مش من الشغل ده من الروتين بتاع مصر
تحياتى
شيمو القمر
اعترافات قلب
هتروحى الشغل كل يوووووم؟
انتى كدا فى حاجه غلط فى جيناتك المصريه
بكره تجربى وتدووووووقى وتعرفى احساس الصحيان بدرى دا اعوذ بالله
انا بروح امضى واجى لان مش مطلوب منى شغل فالسنه دى مطلوب منى اتعلم بس
والحمد لله السنه خلصت ومتعلمتش حاجه بردو هههههههه
أنا لو مكان عمووووووو !!
معاكي حق يعني تسيبي السرير ازاي في البرد ده
انا مش بحب اصحي بدري خاااالص
ياسلام يااختي
شوفي الدلع ههههههههههه
هقولك الاسبوع اللي فات ده غبت
خمس ايام من الشغل ورا بعض
بسسب الصحيان بدري والبرد
المدير اول ماشاف وشي قال ليه دعيتي ليه
بقوله فين حضرتك قالي مش كنتي بتعملي عمره
ماهو الشتا ده برد لايقاوم
واضح من اللونها .. بس كتابتك المرة دى جميلة .. ومتخفيش لما اروح شئون قانونية .. اصلى انا محامية .. ومحامية شاطرة .
نفرتارى
والله انتى غلطانه انتى تشتغلتى وتتعبى نفسك ليه وانتى نايمه على السرير يتصلوا عليك وتمشى شغلك وانتى نايمه ولا اقلك تتعبى نفسك اصلا وتشتغلى ليه تعيشى برنيسيه كدا يلا ما استهبال بقى
هو أية أصله دا
:)
كل ما بشوف موظف بيعانى من الصحيان والنوم علشان يروح الشغل بقول الحمد لله على نعمة المكتب الخاص بيه كمحامى اغيب واروح واتاخر برحتى طول مش معايه شغل
ههههههههههههههههه
والله العظيم زى العسل بجد
بتفكرينى بيا وانا بصحى الصبح علشان انزل الشغل
باخد قرار ترك السرير فيما لايقل عن ساعن ويصل لساعتين
سلام ياقمر
فيه حل علي فكرة
.
.
.
نروح بالبطانية
ههههههههههههه
متروحيش بس خدي باه من الي هيحصل
اتشرفت بزيارتك قوي
مودتي
مدونتك عسولة اوى
قريتها كلها نقريبا
كلنا بنمر بالظروف دى
الموضوع بيزيد لما تبقى بتاخدى حاجة انتى مش ملزمة بيها اوى
انا باخد منحة وكل يوم باصحى الساعة 7
وكل يوم باقول خلاص دة اخر يوم
بس برضه باقوم
ربنا يوفقك فى حياتك يارب
وتنجحى دايما
والله عند حق الواحد بيصحى بالعافية وبيروح الشغل كل يوم متضرر وقرفان
بس شر لابد منه
تحياتى , عاشقة الورد
كازانوفا
هههههههههه
كان حصل ايه
ايمى
تيجى نعمل اضرتب فالشتا وخلاص
ميويا
والله مديرك دا ابن حلال
مش زى حالاتى يحولونى شئون قانونيه
ناس غرييييبه
نو فير
انا برررررردو؟
رئيس جمهوريه نفسى
عم يااااااعم
ماانت رئيس جمهوريه نفسك بقى مين ادك
دعاء مواجهات
لا بقى انى غيرك
انا لو فرصه انشالله واحد فالمليون انى مروحش مش هفكر اساسا
ببقى مقرره قبلها بكام يوم انى مش رايحه ههههههههه
انتى اللى شربات وعسل
ادم المصرى
لا مش هينفع
لاننا كدا لازم نصحى ونقوم من السرير ونغسل وشنا ونصلى ونلبس ونخرج نمشى فالشارع
كدا هنصحى بقى ولا ايييييييه
كاتب مصرى
ولابيهمنى اللى عندهم يعملوه
احنا مش بنتهدد اه
دراما كوين
ياقلبببببك
قدرتى تقرى كل كميه الاكتئاب دى لوحدك؟؟؟؟؟؟
صدى الصمت
مجبر اخاك لا بطل
تحياتى
مياده
معلش حصل لبس ههههههه او قلع على حسب بقى
فوت كومنتين
كنت بقولك ان مديرك دا رحمه بالنسبه للى عندى لانهم حولونى شئون قانونيه والحمد لله
نفرتارى
كنت هحتاجك بس جت سليمه
اه بجد
الدنيا فعلا برد اوىىىىى
هههههههههه
مدونه ظريفه
تقبلى مرورى
انتى بتصحى على تسعه كده ؟
انا بصحا سته الصبح تيجى تشتغلى معايا
الله حلوة قوى موضوع منرحش الشغل لما الدنيا تبقى برد دي يا أنا حرة، يا بختك يا ستي
هما اللي غلطانين.. المفروض يعرفوا ان المصريين بطبعهم متعودين على الحر.. لما درجة الحرارة تقل عن 12 مننزلش.. تبقى اجازة رسمية في البلد
D:D:D:D:D:
انا كنت بقو ل للدكاتره فى الكليه
سيبكوا منى نجحونى وانا اوعدكوا انى مش حشتغل..
وقد كان :O)
مهو الواحد لازم يكون قد استهباله ...
إرسال تعليق