سامحينى
والله دا انتى أغلى الناس عندى
نصى التانى
توأمى وحته منى
والله ماقصدى ولاعشت ولا كنت يوم مااكون سبب للحظه وجع او حزن ليكى
بس كان لازم تفهى
وتفوقى
يمكن ربنا اختار ان ايدى هيا اللى تجرحك لانها اكيد هتكون أحن وأرحم من اى أيد تانيه
ويارب يجى اليوم اللى تقدرى فيه دا ومتزعليش منى
63 التعليقات:
اكيد مكنش قصدك تجرحيها
لازم يبقى هناك سوء تفاهم مادام
هى نصك التانى
حاولى تصلحى الامور
اعتقد وعلى حد علمى جرح الاخوات ده او النص التانى بيشفى بسرعه
لان كل واحد بيبقى على استعداد انه يقول اسف عشان يفضلوا مع بعض
ان شاء الله تتصالحوا تانى..:)
ربنا يصلح لكم الحال ويفتح قلوبكم لبعض
الاخوات عمرهم ما يزعلوا لانهم متأكدين ان كل واحد عاوز مصلحة التاني
ربنا يباركلكم فى بعض
:)
عارفه بعد فتره اكيد هتحس ان ده كان فى مصلحتها بس حاولى تفوقى بعدين من غير جرح يا حبيبتى
بعد فترة....والكلام دة بشكل عام طبعا بما اني مش ارف ايه الحكاية
بعد فترة ومضي وقت طويل
كل بني ادم بيحكم عقله وبيدرس احداث وقرارات قديمة وبيعرف قد ايه هي كانت صح او كانت غلط
الزمن كفيل بكل شيء
تحياااااااااااتي
هوا احنا لازم ننجرح علشان نحس ؟؟
ربنا ميجبشجرح ولازعل انشاءالله هي حتعرف انك خايفة عليها
اكيد هتبقى احن ايد
واكيد هتحس بكده
طالما انتى بتحبيها وخايفه عليها
ملكومش الا بعض
يا ترى زعلتي مين؟
ربنا يصلح ذات البين وترجعوا انت وأختك أو صاحبتك صافي يا لبن
كل عام وأنت بخير
عاوز الحقيقة
مفيش حد في رايي نص حد التاني
ويمكن الواحد لو مر بتجربة واتعلم منها هيتسفيد اكتر من انه يمنع عن المرور في التجربة دي بايد حد تاني
بعد شوية وقت بيبقي فيه تمرد
يمكن
ويمكن لا
بس بتحصل
تحياتي
الخطة لازم تتنفذ بس لينا فيها نصيب و هو ده اللي بدور عليه
إيه نصيبنا في الخطة لغاية دلوقتي
فهمة حاجة
أوامر السماء لازم تمشي
جميله أوووووووووووى
وواضح انك بتحبيها أوووووووووى
وهو كده اللى بيحب بجد لما بيجرح بيجرح برده بجد
صدقينى مانا مجرب
احيان كتير بيكون الجرح ضرورة لابد منها لاقرب الناس لينا ممكن نكون ف نفس الوقت بنموت واحنا شايفين نفسنا سبب الم ليهم
بس الواقع بيفرض نفسة وحبنا كمان بيفرض نفسه
اكيد هيجى يوم وتفهمك
==================
انا متابعة مدونتك من فترة
بس يمكن اول مرة اعلق
مدونة بجد متميزة ..
سلف ميننج
وقت مايحصل مواجهه بينا اكيد هحاول افهمها واصالحها
سفاح كرموز
انا عارفه انها وقت ماتعرف حتى لو خاصمتنى خصامنا مش هيعدى كام ساعه او يوم بالكتير بس انا بفكر فيها هيا من جوه هل هتبقى شايفه انى كنت سبب فى وجعها ومتقدرش ولا تفهم قصدى
اخر العنقود
يارب يسمع منك
ميرسى اوى
ابى
للاسف يارحاب والله لو كان فى طريقه تانيه مكونتش اتاخرت
احمد سمير
كلامك صح طبعا وياريت هيا تفهمه وتحكم عقلها
محمد عتلم
احيانا كتير بتحصل لان الانسان بيبقى لاغى عقله ومش بيفكر صح ولاشايف الحقايق الواضحه فلازم حد يفوقه ويمكن لازم يوجعه كمان
حروف
يارب
نورتينى
رومانسى
ربنا وحده اللى عالم بحبها اد ايه
شارم
اكيد طبعا
ام البنين
دى اختى
وربنا يستجيب منك يارب
كل سنه وانتى بالصحه والسلامه
عاشقه وغلبانه
انا عارفه انى مقصره فالتعليق عندك بس متابعاكى كويس
ربنا يسمع منك
كوشيا
ازاى بس ؟
اختك مش نصك التانى؟؟؟؟؟؟
متخافيش عليها من وجع التجربه ومش هتحاولى تساعديها بدرى بدل ماتوصل لنهايتها
مش معقول طبعا
لو حد غريب كنت قلتلك ماشى لكن اختك او حد من اهلك اكيد لا
سحساوى
والله مافاهمه حاجه
محمد الحداد
ايوه فعلا انا بحبها اوى
ميرسى ليك
دعاء مواجهات
كلامك بيعبر عن كل اللى جوايا والله يادودو وربنا عالم بحالى
انا كمان متابعه مدونتك وزيارتك ليا شرفتنى
عزيزتى
كل سنه وانتى طيبه
ممكن تكون ايديكى احن وارحم من اى ايد تانيه لما توجعيها
بس اكيد جرحك الحنين ده
مؤلم وبيوجع اكتر من اكبر جرح ممكن تاخده من اى ايد تانيه
لان جرح القريب والحبيب بيوجع اضعاف البعيد
وبدل مايجى منك الجرح ممكن تحوشى عنها اى جرح ولو جرح مقدرتيش تحوشيه
بحبك ليها تشفيه
لاكن جرحك مين هيشفيه
تحياتى
سلااااام
من غير ما تستنى مواجهة
اتصلى بيها انتى عالطول
و وجهى الامور عشان ميبقاش
فى بعاد اكتر من كده
اكيد هايجى يوم وهتفهم وهتعرف الحقيقة
عليكى بالدعاء
نقدر نداوى .. من غير مانجرح ..
وان اضطرينا .. هيسامح .. لآننا بنحبه
هذه أقرب ما يكون
لقسوة الأب
وفي مثل مصري قدييييم بيقول
"يا بخت من بكاني وبكى الناس عليا
ولا من ضحكني وضحك الناس عليا"
تحياتي لكما
وليد
عزيزتي
هوني عليكي من ملامة نفسك احيانا يشق الطبيب الصدر بالمنشار لإنقاذ مريضة
رغم قسوة الأداة الا انه لو ساوره شك في كونها قاسية ام وتردد لاضاع حياة من الممكن انقاذها
ربما كانت بحاجة لهذه الجراحة القاسية فلو كنتي متأكدة مما تفعلين فستشكرك لاحقاً
فالجرح الذي ينقذنا احب إلينا من ذلك الذي ينقذنا
عسي الله ان يوفق بينكما وان يعيد إلتئام ما تصدع
تحياتي
إنشاء الله هي حتقدر ..أنا حسب ما فهمت إنها أختك ده صح ؟ أكيد أنت مكنش قصدك تجرحيها و أكيد طالما بتحبيها الحب ده كله يبقى في بنكوا حاجات حلوة كتيرة
انتى رقيقة اوى
ايه ده
ايه حصل
بقه اغيب شوية اجي الاقي ده كله حصل
طب اقول ايه
بس بيتهيقلي الصديق الصدوق هو اللى ميخدعش صديقه ويفوقه
اكيد هي مش زعلانة منك
طالما كان نيتك خير
وهي اكيد عارفة كده
ربنا يخليكوا لبعض
كل سنة وانتي طيبة
اهاااا
.
.
اكيد اكيد الوضع هيبقي مختلف لو كانت المجروحة تعرف عنوان البلوج دا وقرات الكلام الجميل دا عن لو ماكنتش تعرف
.
.
ف الحالة الاولي انها ما تعرفش عنوان البلوج مثلا
.
هنقول دا معناه رقة وطيبة وحنية منك متدارين دايما ورا حزم وشده لوزم السيطرة علي الامور
.
.
.
لكن لو هي تعرف وقرات الكلام دا .. يبقي معناه
انه كان عقاب اسي حبتين وانتي حاسة انك جيتي عليها شوية وبتحاولي تطيبي بخاطرها ودا برده يدل علي رقة وطيبة
.
.
سبحان الله كدا رقة وكدا رقة نعمل ايه معاكي بقي
اكيد فعلا طالما
بتحبيها كده هيا
هاتقدر ده
وبعدين المثل بيقول يابخت من بكاني ومش عارفه ايه ولاضحك الناس عليا
ربنا يصلح الحال مابينكم :))
هى اكيد جواها عارفة ان اكتر حد يخاف عليها لأنك منها وهى منك
ربنا يخليكوا لبعض
عودة جميلة وحمد الله على سلامتك
تحياتى
ان شاء الله هتعرف انك بتحبيها وخايفه عليها
احساس لسه حى
اتضح ان جرحى طلع صعب اوى ونتيجته كانت زى الزفت
بس اللى حصل حصل ومش عارفه اصلحه ازاى
سلف ميننج
المواجهه خلاص حصلت
بوسبوس
يارب ان شاء الله
اتمنى كدا
شريف
كنت فاكره انى بعمل لمصلحتها بس اتضح انى بتدخل فاللى مليش فيه اساسا على رايها
عارفه مش عارف ليه
اب بقى ولا ام انا طلعت مش بحس ولا بخاف عليها وقاسيه وكلام كتير كدا وفالاخر شتيمه كمان
وومن
قولولها الكلام دا عشان انا تعبت والموقف زى الزفت بجد
زنوبه
للاسف هيا بتتهمنى انى نسيت كل حاجه واتعمدت اجرحها عشان انا تقريبا يعنى بحقد عليها او حاجه كدا
يمكن بردو
صحفيه روشه
اشكرك بس هيا رايها غير كدا
مها زين
مش زعلانه ايه بس دى حريقه قادت فالبيت وخصام ولوى بوز وكره وبلاوى سوده حصلت
ادم المصرى
هيا مكانتش تعرف حاجه واكتشفت المدونه بالصدفه وعرفت منها كل حاجه
حكايه رقيقه بقى وكدا بقى مشكوك فيها لانه اتضح ان انا وحشه
ميويا
ياريت يجى اليوم دا
انا من اهوى ومن اهوى انا
ياريتنى كنت رحت فيها وخلصت وريحتها بنت امى وابويا
كيارا
ان شاء الله
طب معرفته للمدونة بالصدفة دا ماغيرش عندها اي حاجة؟
.
.
الصورة لسه عندها مش واضحة برده ولا ايه ؟؟
.
.
لو فرق السن بينكم صغير قوي خلي حد من الصحاب الشتركين بينكم يتدخل .. لكن لو افرق كبير مثلا بقدر يسمح لك بقدر من السلط خليكي حازمة والوقت قادر علي تصفية الامور
مش عارفة ليه ما بنفوقش غير بجرح
ليه لازم بجرح
الكلام و الحوار والمناقشات العادية دايما بتتبخر مع الهوى
ومابينفعش غير الجرح هو اللي يصحيناوأما نصحى و نفوق و نفلت من اللي اكيد كان حايضرنا
أول حاجة نعملها نحط ميت حاجز بينا و بين اللي فوقنا
يارب ييجي اليوم اللي حاتقدر فيه بسرعة من غير ما الزمن يطول و يطوي معاه حاجات صعبة
الصورة حلوة قوي
ومعبرة قوي قوي
هي دي الحياة ....بنجرح وبننجرج
وياريت كل اللي بيجرحوا يكونوا زيك ..يعترفوا بغلطهم ويعتذروا...
أنا آسف ما بتعالجش الجرح ..لكن بتهديه
ادم المصرى
سيبك بقى انا زهقت خلاص
هنودا
لما لقيت الصوره دى بجد سرحت فيها وكنت هعيط عشان انا وهيا كنا كدا فعلا بس للاسف هيا متاثرتش ولا حست وباعتنى واشترت غيرى
محدش عارف بكره فيه ايه
ربنا يصلح الحال
هيومان
ولابتهديه ولا بتاع دى بتشعلله اكتر وتمسك فيها بقى وتفضل تحسسك بالذنب وتبستف فيك طول الوقت
كل سنة وانت لأحلامك أقرب
ربنا يحقق لك كل احلامك على قد قلبك الطيب
إرسال تعليق