لعبه بازل
تستمتع وانت بترص قطعها جنب بعض
مستنى لوحه حلوه صنعتها ب ايديك
وفجاه
تكتشف ان اهم قطعه مش موجوده
ضايعه
وان لوحتك خلاص ملهاش قيمه ولا لازمه
هكذا هي أحلامها دائما
ولكن لابد لها ان تبتسم وتمضى فى طريقها
الاشتراك في:
تعليقات الرسالة (Atom)
لعبه بازل
تستمتع وانت بترص قطعها جنب بعض
مستنى لوحه حلوه صنعتها ب ايديك
وفجاه
تكتشف ان اهم قطعه مش موجوده
ضايعه
وان لوحتك خلاص ملهاش قيمه ولا لازمه
هكذا هي أحلامها دائما
ولكن لابد لها ان تبتسم وتمضى فى طريقها
49 التعليقات:
كتر الابتسام بيولد بلادة عند الانسان
الناس مش ناقصه ولا ليهم ذنب يحملو همك
يبقى لازم تبتسم
WISH U R OK NOW
ياربناااا
والله انا مدب فكلامى
انا طبعا كتبت الكومنت اللى فوق دا على لسانى انا ياسفاح انى انا اللى بحس ان الناس مش ناقصه همى ومش ليهم ذنب ادايقهم وانكد عليهم
لكن والله بجد انا زعلانه جدا لزعلك والظروف الصعبه اللى انت بتمر بيها
سامحنى ان كنت فهمت ان كلامى ليك
لا انا مش مع انها تبتسم و تمضي في طريقها
لازم تدور علي الجزء الناقص و توصل لحلمها
تحياتي
أنا شايف إن ده شئ يدعو للاسف والحزن .. ولكن علينا الحرص إننا مانقعشى فى دايرة الإحباط ، ونحاول نبدأ من جديد
دمتى بكل الود .. تحياتى
بوست جميل ومركز
بس مش شايفة انك ظلمتيه بالإسم ده ؟؟؟
" تخـــاريف "
حاسس ان الإسم مالوش أي علاقة بالمضمون
أما عن رأيي
فأنا شايف ان ده بيحصل معانا كلنا
مين فينا بيقدر يحقق كل أحلامه ؟؟؟
وكمان بصورة مكتملة
وبكافة تفاصيلها
أعتقد ان ده مابيحصلش
وإ لا هنكون عايشين في الجنة
أخوكي/ إحســــان
تمضى وتبتسم ماشى
بس لازم تلاقى الجزء اللى ضايع
دا اهم جزء فى اللوحه بتاعتها
يعنى متبقاش لوحه الا لما يكمل الجزء ده
صباح الخير
اولا - ياانتي حره انا معجبه قوي بتعليقاتك علي مدونه طياره ورق - كل مااخش الاقيك معلقه تعليق جميل يشير لاحاسيس ذكيه وده خلاني بعد اذنك طبعا احط المدونه بتاعتك عندي علشان كل ماتكتبي حاجه تطلع لي واشاكسك واتواصل معاكي - ثانيا دورت ازاي اكتب لك مالقيتش اي حاجه تخليني اعرف اكلمك الا اني اخش اعلق علي رساله في المدونه - ماتخليك حلوه وتخلي فيه وسيله تتواصلي فيها مع الناس - ثالثا نرجع بقي للرساله اللي باعلق عليها - فعلا دايما نوضب البازل ودايما نلاقي اهم حته ضايعه ٠ ليه ؟؟؟؟؟ انت ماقلتيش ليه دايما اهم حته ضايعه وبما انك اللي فتحتي الموضوع ده -اشرحي ليه اهم حته دايما ضايعه مننا كلنا - ومساء فل - بالمناسبه انت حره وانا كمان دايما احس اني حره - لكن تفتكري احنا احرار فعلا ؟؟؟؟؟
ايمى
اوقات كتيره بيبقى الجزء الناقص عباره عن اراده ربنا
ربنا مبيبقاش كاتب للحلم انه يكمل او يتحقق
تمضى وقت كبير فى نسج الحلم وصناعته ولما يبقى خلاص قرب يكمل ربنا ميكتبش انه يتحقق
واظن ان دى حاجه مش هنقدر ندور عليها
ولازم نكمل الطريق مش هنقف مكانا
ولا ايه ياقمر
منورانى دايما
د رامى شهاب
بالظبط كدا دا اللى اقصده لازم نكمل والا هنموت بقى لو فى حلم متحققش
اسعدتنى زيارتك
شفقه هانم واحسان بيه
هوا العنوان ملوش دعوه صحيح بس حسيت ان احساسى دا مجرد تخاريف وبلاش اكبر المواضيع وكدا
كنت عاوزه اكتبله عنوان الحلم ايضا يموت بس اللى حصل بقى
نورتنى يااحسان باشا وكل سنه وانت طيب
منى واسر
الجزء اللى ناقص اكيد دورت عليه وملقتوش او لقته بعييييد اوى صعب جدا انها توصله والاسهل انها تهد اللوحه كلها
تحياتى
اميره
اولا منورانى ياست ميرو ويشرفنى متابعتك طبعا وتشاكسينى وتناكفينى زى ماتحبى دى حاجه تسعدنى
ثانيا مالمدونه اهى وسيله للتواصل مع الناس ولو تقصدى ايميل حاضر ياستى هفكر
ثالثا المنحوس منحوس يااختى بس ادينا بنتسلى وبنصنع احلام يمكن وبقول يممممممكن تظبط مره وحلم منهم يتحقق مين عارف
بالنسبه لحكايه احرار كويس انك فتحتى الموضوع دا انا اللى اقصده من حكايه حره انى انا هنا فمدونتى حره اكتب اللى احبه من غير قيود عليا
ولا حد يقولى ليه قلتى ولا ليه عملتى لانها ببساطه مدونتى ودا رايى وانا حره فيه
لكن فالحقيقه انا طبعا مش حره ولا حاجه لان فى قيود مجتمع وناس بتراقب واهل بيتحكمو زيى زى كل الناس مش حره اعمل اى فكره مجنونه ف اى وقت مدام عاوزه اعملها يعنى
وبس خلاص
حلم لم يكتمل ... ما اكثر احلامنا التى لم تكتمل!!
ولكن البعض منها قد يتحقق .. فلماذا هى دائما واحلامها لاتتحقق ...
اتمنى ان تجد قطعة البازل الناقصة ..
بنخطط وندبر ونحلم
ونعيش احلام يقظه
ونفوق على الم الواقع
بس ساعتها عيوننا بيملاها دموع الحسرة
وبردة بنمشى فى طرقينا
بس من غير تخطيط
حزينه
احلام كتير مش بنعرف نحققها
لكن مش معنى كده انها تزعل
بالعكس لازم تستمر و تصر على تنفيذ
احلام تانية و ربنا الموفق
احساس مؤلم
عندما نبل كل ما لدينا لنكون أحلامنا خطوة خطوة
ثم لا تكتمل و نرى الهوة التي بيننا و بينها
لكن لو اقنعنا نفسنا ان القطعة الناقصة حاتيجي بمجهود اكبر حتى لو مش بجد
بس بنفرح اننا بنتعب علشان خاطر حلمنا
ساعتها يمكن الابتسامة يكون لها جذر جوانا مش مجرد رسمة بنرسمها على ملامحنا
تكتشف ان اهم قطعه مش موجوده
ضايعه
-----
مش عارفه اقول ايه
بحس انك مساني اوي
عزيزتى
الابتسام ممكن يكون هو الحل فى بعض الاحيان لانه بيخلى الانسان بيفكر بهدوء شويه هيعمل ايه فى المشكله اللى قابلته
المهم انها تبتسم وهي راضيه
والقطعه الناقصه مسيرها هتيجي لوحدها
طيب ما تدور عليها
و تكمل الصورة
مش احسن ما تستسلم!
اوروفوار
وماذا تفعل عندما تفتقد لوحة حياتك لأهم شىء؟
لازم تبتسم لان ده اليى اسمه الرضا بالقسمه والنصيب
والحلو فى الحياه والوحش
........
موضوعك لما قريته لقيت له صدي عندي
لان عندي موضوع يتحدث عن نفس هذا الموضوع لكن
باسهاب اكتر
حتي بالبازل
وادعوكِ لقراءته
اسمه
حبيبي لوحة بازل
تحياتي
لا بد ان نبتسم
هنعمل ايه يعني ولازم بردو نكمل الطريق
بس لو حولنا ندور عليها يعني نوع من المحاوله مش يمكن بكتر المحاولات نلاقيها
بس عندك حق
ديما القطعه المهمه مش بنلاقيها فعلا والله
بس بتبقي اسمه ونصيب وده حال الدنيا
ايه التخريف اللي بقوله ده
ما علينا
مدونتك جميله بجد وكلامك اجمل
واكيد شخصيه اجمل واجمل
دمتي بكل ود
سمكه
أوقات كتير بيبقى الجزء اللى ناقص ده اٍجنا اللى مخبيينه باٍرادتنا و ساعات من غير ما نشغر
الحب يا انا حره دايما دايما مش بييجى فى الميعاد الصح .. دايما بييجى قبل أو بعد الوقت المناسب له
تعرفي لو لقيت الجزء الناقص كمان
اللعبة هتنتهي وتنتهي معاها لذة البحث والمغامرة
يمكن الحاجة الناقصة بتخلي لحياتنا طعم
وحاجة بندور عليها ونفضل نجري وراها
ولما نتعب نلاقي ركن نرتاح فية وننسي اصلا التعب
ربنا يريح قلبك وتلاقي الي ناقص منك
ولو حزنك ملى قلبك
وغمى عنيك بالوانه
وسمعت روحك الدنيا
كما الصحرا
مفيش فيها حياه تاني
وشفت الدنيا بعيونك
حزينه وناسيه ايامك
وقبل ما ترمي بالأمال
وياسك يبقى سجانك
بايدك مد روحك فوق
وشب على صوابعك وطراطيفك
وبص هناك كده قدام
في لمحه سريعه عن بكره
انا بقولك
انا مش حاوي او عراف
لكني لمحت في حنانك
وايمانك
بأنك بكره راح تبقى
حياتك احلى من غيرك
حنانك بكره هيكون ليه
وعمره هو يصبح ليك
ودنيا جميله واقفالك
بتتزين علشانك
فأمسح دموعك يا بجم
وافرح
وانطر على كتفك شال الهم
يالا استعد
-------------------------------
اوعي تزعلي يا بنتي انا بهزر معاكي
ربنا يسعد ايامك
سلاااااااااااااااااااااام
اخوكي ايهاب
من غير تزويق ولا أى حاجه لأنى مش متعهد حفلات من الآخر يعنى
كلماتك بسيطه معناها كبيييير
تخيــــــــــاتى
المصــــــــــــرى
فلتسمحى لى بهذه المساحة الإعلانية
اذا أردت ان تكتشف من وراء مقتل سعاد حسنى ، فالاجابة لدى فى المدونة
سري للغاية
www.toptop-secret.blogspot.com
تخاريفك جميله
وقريبه من القلب
تقبلي مروري
وميض ابتسامه
نصيبها كدا
يمكن عشا هيا مركزه اوى مع حلم واحد مش شايفه اى حلم بيتحقق ولا حاجه حلوه
حزينه
من غير تخطيط ولا امل واى احساس اصلا
سلف ميننج
مش هتعرف تعمل كدا
هنوده
الاسف ان احلامها قدريه بتعمل الجزء اللى تقدر عليها وبيجى القدر يهدم كل حاجه بعند
مفيش ف اديها حاجه تعملها
كيارا
انا كمان بحس انك قريبه من احساسى وتفكيرى ياكيكى
رومنسى
الابتسام هوا الخيار الوحيد الموجود عشان بس خاطر الناس مش اكتر
اسراء
الرضا نعمه مش كل الناس ربنا بينعم عليهم بيها
طهقانه
مفتكرش انها حتى لو تعبت ودورت هتلاقيها لانها مش ب اديها اصلا
منورانى للاول مره
جود مان
ولا حاجه هتكمل ايامك برده بس وانت فاضى من جواك وموجوع اوى
محاسن صابر
الحمد لله على كل حال
كوشيا
رايحه اقراه اهو
سمكه واحده
كلامك الجميل اسعدنى ومرورك اسعدنى اكتر
تحياتى
عمرو
ودا اللى انا خايفه منه انه يجى بعد ماخلاص يكون القلب مات
كراكيب عادل
ياسيدى خلينا نلاقيها فى حلم واحد ونستمتع بلذه البحث فى باقى الاحلام
ولا ايه
الشنكوتى الكبير
اعمل فيك ايه بس انت بتجيب الكلام دا منين
بتوجعنى ياايهاب وخليتنى اعيط
انا الايامدى بجد زى مااكون هشه اوى اى كلمه مش بقدر امسك دموعى
بجم دى بقى لما اشوفك هعرف جبتها منين الله يحرقك
قول امين
المصرى
ودا اللى انا عاوزاه مش محتاجه تزويق ولا نفاق ولا غش
شبعانه منه
اشكرك على رايك
اقصوصه
اشكرك بجد واشكر متابعتك دايما واعذرينى لتقصيرى بس مش قادره اتابع حد الايامدى
ياريت التخارف كلها كده
تحباااتى
إرسال تعليق