كثيره هى المرات التى اقنعت نفسى ب أنى اصبحت الان ناضجه
ناضجه حد التخلص من رباطات الشعر الورديه التى ترسخ بداخلى ذاك الاحساس الطفولى الممتع
اجبرت نفسى مرات ومرات كى تستيقظ من احلام يقظتها التى تغط فيها تاركه ورائها واقع مؤلم بالانتظار
واخذت اكرر بداخلى انك لم تكن ولن تكون يوما سبيلى الوحيد للسعاده
وان شمس ايامى لابد لها ان تشرق بدونك ولابد للالوان ان تشق طريقها لقلبى
فلقد مللت الانتظار الذى اصبحت احترفه
مللت اللون الرمادى الذى يغلف قلبى ويحيطنى من كل جانب
مللت الابتسامه المصطنعه على شفاه بارده وقلب متعب
مللتك انت ايها الفارس الغائب صاحب القلب الميت والمشاعر المتحجره
ولكن فى لحظات ضعفى وانكسارى امام ايامى وامام نفسى
اجد ان كل قناعاتى كانت مجرد اوهام اسكن بها جرحى وامضى بها ساعاتى الطويله
واشعر بالحنين الجارف لتلك الطفله بكل ماتحمله من احلام ورباطات ورديه وضحكه صافيه
انزع عنى قناعاتى وارتمى بين ذراعى طيفك كى يخبئنى فى قلبك
اخبرك بانك مصدر الدفىء الوحيد فى حياتى
انت احلامى
وانت شمسى
42 التعليقات:
الله
حاله حلوه قوي وناعمه قوي
يشوبها بعض الحزن صحيح
بس مش حزن قد ماهو شجن
بجد .. عجبتني واستمتعت بقرايتها
هاروح اقراها مره كمان
سلاموووووووووووووووز
اشعر بالحنين الجارف لتلك الطفله بكل ماتحمله من احلام ورباطات ورديه وضحكه صافيه انزع عنى قناعاتى وارتمى بين ذراعى طيفك كى يخبئنى فى قلبك اخبرك بانك مصدر الدفىء الوحيد فى حياتى انت احلامى وانت شمسى
(:
عزيزتى
اوقات يكون مصدر الدفئ لينا نور
واوقات تانى يكون نار
فلابد ان نختار مصادر السعادة والدفئ لنا ولا نتمسك باى مصدر ممكن ان يزداد دفئه فيحرقنا
حتى لو احببنا هذا المصدر فاجعليه حلم لابد ان ينتهى وانتظرى حقيقه
حقيقه لا تؤلم بلون واضح وليس رماديا
تحياتى
سلام
هوا تقريبا انا بقيت مدمن مدونتك بجد
هنام واصحى بكرة كده ...مع اننا بقينا بكرة
بس عشان اابقى فايق وارد عالبوست الحلو ده
ماماليش فى الشعر والادب يا جميل
لكن ليا فى المعاني وانا قريت والمعاني حلوه اوي وقريبه من القلب فعلا
تحياتي لكى وشرفتينى بالزياره يا قمر
جميل قوى الإحساس ده
ربنا يسعدك دايما
تحياتى
خاطرة جميلة اوى
تعكس احساس صادق
ومشاعر حقيقية
تحياتى
واشعر بالحنين الجارف لتلك الطفله بكل ماتحمله من احلام ورباطات ورديه وضحكه صافيه
--------
الله يابسبس
رجعتي ليا ذكريات حوه بكلامك اللي يدخل القلب بدون اي استئذان
عاجبك كده بقي مش المفروض يخبط الاول :)
سوووو
انت رحت تقراها ياسى سوووو وسبتنى ونمت ولا ايه مااااااااشى بس لما اشوفك
الحمد لله انها عجبتك ياسيدى واشكر لك مرورك
سلامووووووووووووز
اسراء
هههههههههه ودى يبقى ردها ايه ياجميل
طب
(: برده هههههههه
احساس لسه حى
عجبنى اوى اوى الكومنت بتاعك بجد كلام صح ميه فالميه بشكرك عليه
تحياتى
سفاح كرموز
هوا انت لسه نايم لدلوقتى ياسى سفاح قوم اصحى بقى احنا قربنا ننام تانى
صبرنى يارب
ولا انا والله ليا فيهم ههههههههه انا بس بكتب احساسى مش اكتر لكن لا بطيق الشعر ولا الادب بيجى على هوايا
نورتينى وكل سنه وانتى طيبه ياقمرايه
محمد غاليا
اشكرك على رايك وعلى الدعوه الحلوه دى
تحياتى ليك
ابو شاهين
ميرسى ليك واسعدنى مرورك
كيارا
معرفتش اربيه قليل الادب دا ازاى يدخل كدا من غير مايخبط
حقك عليا ياام محمد والنبى للاعرفه شغله ابن الشياطين دا
ههههههههههههه
بحب تعليقاتك ياكيكى ومن زمان هههههههه بس مش هقولك من امتى اكتشفيها بنفسك
وحلو بسبس دا ياكيكايا
انت مصدر الدفء
انت احلامى
انت شمسى
يا من له تلك المشاعر
اذا كان هو شمسك
فانتى قمره تنيرى له الحياه
وتمتعيه بمنظركك الجذاب
الذى لو نظر اليه طول العمر لم يمل من هذا الجمال
الحب :
هو الذي ينقل الإنسان إلى تلك الواحات الضائعة ،، واحات الطهارة والنظارة والشعر والموسيقى لكي يستمتع بعذوبة تلك الذكريات الجميلة التائهة في بيداء الروتين اليومي الفضيع وكأنما هي جنات من الجمال والبراءة والصفاء في وسط صحراء الكذب والتصنع والكبرياء
تسلم ايدك بوست رائع
تحياتى
انزع عنى قناعاتى وارتمى بين ذراعى طيفك كى يخبئنى فى قلبك
اخبرك بانك مصدر الدفىء الوحيد فى حياتى
انت احلامى
عجباني :))
رومانسى
ههههههههه وانتى عرفت منين ان منظرى جذاب والكلام الجامد دا مش جايز اكون ولا زينات صدقى بكتاكيتها
عالعموم اشكرك عالمجامله الكبيره دى
ممكن
بس الحب الصادق مش مكتوب للكل زيه زى اى رزق فالدنيا وكل واحد بياخد نصيبه
ربنا يجعلنا نصيب منه بشرع ربنا
واشكرك على رايك فالبوست
مايويا
الحمد لله ان فى حتى ولو كلمه انا كتبتها وحسيتها وعجبتك
اسعدنى مرورك للاول مره
حلوه اوي اوي انا حاسه انك بتقولي كلام انا عايزه اقوله انا اول مره ادخل مدونتك بس انا مش عارفه اقولك ايه انتي كلامك حلو اوي
مولان
اشكرك ياقمرايه على رايك ونورتينى للاول مره وان شاء الله مش الاخيره
تحياتى
اولا بجد بتنورينى فى المدونة
وثانيا اسفة انى ضايقتك بسبب عدم ردى على التعليقات
بس عايزة اوضحلك حاجة
انا بدون اهو داخلة على سنتين ان شاء الله وكنت فى الاول برد على التعليقات عادى .. بس مع الوقت الموضوع ده بقا عبئ كبير اوى عليا .. ممكن يأجل مواعيد بوستات كتيرة جدا عقبال ما ارد .. ده غير انى كسولة اوى .. ده غير انى ممكن مالاقيش حاجة ارد اقولها اساسا
ببقى استنفذت كل اللى ممكن يتقال واللى عارفة اقوله وقادرة اقوله فى البوست نفسه
بس اقسم بالله ده مش تجاهل ابدا واعوذ بالله من كدة
هيا بتبقى طريقة تدوين .. فى ناس بتختار ترد وفى ناس بتسيب حرية التعليق لكل القراء يقولوا كل اللى نفسهم فيه
بس لو فى حاجة بتحتاج رد بروح لصاحب التعليق فى مدونته وازوره زى ماعملت معاكى كدة - فين الشاي صحيح؟؟!! - وارد عليه وناخد وندى فى الكلام
:D
اسفة انى ضايقتك وبالله عليكى ماتزعلي
:)
سلام عليكم
على فكرة انا ساعات بعمل اللى بتعمله انسانه والدليل انى عاوزو انزل بوستات كتييييييييييييييييييييييير ...بس مكسل ارد على 12 تعليق عندى :'(
--------------------------
البوست حلو برضه اوى لسه ..
بس انت شمسى دى ممكن استخدمها على حد اعرفه
عرفت وهوا او هى عرفوا يشيلوا اللون الرمادى عندى واستبدلناه بالوان الطيف كلها
مستنى البوست الجاى بفارغ الصبر ^_^
احنا عايشين فى الدنيا كل ما نكبر سنه يزداد معانا الحنين للسنه اليى قبلها
.......وفى الاخر العمر بيعدى واحنا برضه عايشينه فى لحظات حنين
.........
اسم مدونتك عزيز عليا قوى وبيحسسنى بحاله زمان مريت بيها وفتره من فترات حياتى عمرى ما انساها
.........
شاكره ليكى زيارتك الكريمه لمدونتى لانها عرفتنى بمدونتك الرقيقه دى....
اختك محاسن
بوست جميل جدا
واكيد مشاعر الطفولة جميلة جدا وهي اللي بتلون حياتنا
وبالنسبة لردك في مدونتي انتي متعرفيش اني بتكلم هيروليفي ولا ايه ههههههههه
الله فعلا رقيقة وناعمه ولغتك رومانسية حنونه، شكلى كده حا أبأي من صديقات المدونه لإنك بصراحه عجبتيني قوي
اسمية انهزام ولا نسمية لجوء عاطفي
حلو اوي الاعتراف الاخير
وحلوة روح الطفلة الي جواك
انسانه
اولا ياستى شرفتينى والله للاول مره عندى
ثانيا انا مش لاسمح الله بتهمك بحاجه انا زى ماقلتك انا بستفسر منك واحنا طبعا زى الاخوات عشان كدا العتب بيبقى على اد المحبه ولا ايه ياقمر
اتمنى من جوا قلبى انك دلوقتى تكونى مرتاحه اكتر والفتره اللى نفسيتك مكانتش مظبوطه فيها تكون عدت وبقيتى احسن
تحياتى ليكى ولكاميكاز ولروحك المرحه اللى انا نفسى افتقدتها فكتير من بوستاتك الاخيره
سفاح كرموز
صباح الخير ياباشا
بابا الماس ربنا يهده عامل ايه دلوقتى؟
12 كومنت مش عارف ترد عليهم؟ بص هقولك حاجه انا نفسى احيانا برد على كام كومنت فالاول وكلامى ورايى بيخلص خلاص ومش ببقى عاوزه اكرر كلامى بس لازم ارد على كل اللى اهتم انه يقولى رايه
بالنسبه للى غيرت اللون الرمادى فحياتك ايوه ياااااااعم حد قدك اللى اداك يدينا
دا مش حسد لاسمح الله انا بس بقر عليك ههههههههه
محاسن صابر
لا بقى اعررررررررف؟ ليه الاسم عزيز عليكى ههههههههه
انا كمان اخترته فلحظه من غير اى تفكير حاله كدا حسيتها
حسيت انى متراقبه ومتقيده والناس بتتحكم فيا بطريقه بشعه من غير اى وجه حق ليهم
نورتينى بزيارتك
ليدى اى
ربنا يخليكى ياقمر يابتاع الهيروغليفى انت
نورتينى
كباريه
اشكر رايك الجميل الرقيق وصداقتك اكيد شرف ليا
كراكيب عادل
سميه زى ماانت شايف بس دا مجرد احساس بالنسبه ليا لطيف مجهول لحد دلوقتى
مش هتقولى عالسر بتاع بوستك اللى قبل الاخير؟؟؟؟؟؟؟
مرورى الاول
لكم تأسرنا تلك اللحظات ونتوه معها
اسعدكِ الله
جميله كلماتك..
احترامى
اسكتى
اديها قلبت كحلى غامق..:(
السلام عليكم
حفظكى الله أختاه و أدام عليكى ذلك الحنين للطفولة..
فلكم أجهدنا طول البحث عن النضوج بداخلنا..وعندما وجدناه تمنينا لو لم نجده..
فذلك النضوج لم يعنى لنا إلا كثيرا من المسؤلية و كثيرا من الأعباء التى نختبئ منها داخل تلك الطفولة التى فقدناها رغما عنا حتى كدنا أن ننساها..
كلماتك حركت بداخلى مشاعرا شتى ..
كنت أحاول أن أبكى على قبرها بعد أن وأدها زمانى ربما فى مهدها..
دمتى بكل خير
أدام الله لكى تلك الطفلة..
فحافظى عليها
تقبلى مرورى
احلام اليقظه
اشكر لك مرورك الاول واتمنى انه ميكونش الاخير واشكر رايك كمان
تحياتى
سفاح كرموز
براكاااااااااتى
هههههههههههه انا والله عنيا مش مدوره
واحد من البلد دى
هوا دا الانسان دايما بيتمنى اللى مش فى ايده ويحن لللى راح خلاص رغم انه كان كاررهه
تحياتى ليك واشكرك على رايك
إرسال تعليق