يارب

فى انتظار الفرح

يارب

إليك

السنه خلصت خلاص

كنت انت احلى حاجه فيها

صحيح مفرحتنيش ولا كنت عند مستوى احلامى اللى عشت استناها طول عمرى

بس أهو غصب عنى بقى

اتعودتك وعشمت نفسى بالفرح فى يوم

استنيته معاك ومجاش

انت اللى روحت

واخدت معاك عشمى واحلامى وقلبى

وسبتنى بضحك بصوت عالى عشان ادارى وراه دموعى وكسرة قلبى وخاطرى

بس عارف انا لما بدخل انام بفتكرك وبحن ليك اوى

بمسك موبيلى عشان اكتبلك رساله فى نص الليل اقولك وحشتنى

أقولك محتاجاك

بكتب كلام كتير وفالاخر بعيط وامسحه

عارفه انك مش هترد عليا ولا هتحس بيا

ماانا بعتلك كتير قبل كدا والرد .........

ولا حاجه

هو انت ليه عمرك مارديت عليا

طب هو انت ليه عمرك ماافتكرتنى

هو انت ليه اصلا سبتنى

هه

ليه

عشان كنت طيبه معاك زياده عن اللزوم؟!

عشان كنت بقعد اسمعك وانت بتحكى مواقف وكلام تحرق دمى واعصابى وانا محتفظه بابتسامه على وشى وجوا منى نار قايده؟؟!!

ولا علشان انت اصلا مكونتش لايق عليا

كلهم قالو كدا بعد ماانت مشيت

انا الوحيده اللى كنت فرحانه بيك

انا الوحيده اللى حبيتك

انا الوحيده اللى عايشه بيك وليك

وانا الوحيده اللى بدفع تمن قراراتكم 

........

حسيت إنى لقيت حلم السنين

 

وصحيت فجأه بقيت من المجروحين

..

وحين كنت أتمزق عليك غيرة منهن.. لم اكن امرأة قبيحة..
لكني كنت أميرة تأبى ان تشاركها جواريها بك!
وحين كنت اوصيك ان لا تعشق بعدي امرأة اعرفها.. لم اكن انانية!
لكني كنت اجنب نفسي لذغة العقارب وحدة الخناجر
وحين كنت استتر عند محادثتك.. واغلق الابواب.. واختفي عن الانظار!
لم اكن امرأة (لعوب) .. لكني كنت امارس حقي كانسانة في الفرح!
وحين كنت ارسل رسائلي في ليالي الحنين اليك. لم اكن امرأة بلا ثمن..
لكني كنت افضل الفرار اليك منك.. على الفرار منك لسواك
وحين كنت اجادلك في الحب واماطلك في اللقاء.. لم اكن امرأة عابثة..
لكن فقدانك كان يرعبني..
فكنت احاول الاحتفاظ بك في حياتي أطول فترة من العمر(*)

(*)منقول !

:)

30_6_2012

..

أحـــــــــــــــبــــــــــــــــــــــك ربـــــــــــــــــــــــــــــى

...

,,

.

انت اصلا مجرد فرصه

وفرصه خايبه كمان

حاجه كدا بعتبرها اضافه جديده لخيباتى وهبلى

بس اهو قولت اجرب يمكن تصيب المره دى

بس صابتنى انا للاسف وكنت انت النهايه

النهايه اللى كنت مفكراها مش هتيجى

نسيت واتماديت وجيت انت حطيتها

وعليا بقى انى احصد زرع السنين

ولوحدى

بطوووولى

حتى مكسوفه اقول يارب خليك جنبى

والله مكسوفه

وخايفه

يمكن انسى هواك

وقلت أعيش من غير ذكرى تخلى قلبى يحن إليك

مفضلش عندى ولا فكره غير إنى أنسى أفكر فيك

...............


أنا بعشق الست دى

:)

خوف ..وجع..شهيد..شيخ..دكتور..طفل شوارع..حريق..بلطجيه..فلول..أوساخ..بعد..النت..غباوه..حق..تواطؤ..الماجيستير..أمل..وصف مصر..سحل..كذب..تعريه..ضمير..العياده..تاريخ..متكتفه..دموع..أمى..برد..اعلام ..مصر..دماغى..روحى

رسايل سريه

فيس بوكى..

انت جايبلى وجع الدماغ والقلب

بفكر اقفلك خالص وأريح نفسى

........

انت يا انت..

لما شفت الكلام المكتوب استغربت نفسى.. بدل ماازعل لقيتنى ابتسمت وافتكرت كل اللى حصل زمان

قولت لنفسى ياشييييخه اللى خدته القرعه تاخده ام الشعور بقى

........

عفريتى العزيز ..

انت متعبتش!! مش عاوز تاخد اجازه انشالله اسبوع واحد!!

روح شتى فى اسوان وتعالى تانى ربنا ياخدك

........

صحبتى الانتيم..

شكراا ليكى يامونسااانى

.......

صديقى العزيز....

قلبى بيقولى انه حصل خلاص

الف مبروك ياباشا وربنا يرجعك بالسلامه

......

لنفسى...

خليها على الله

.

.

.....

الظاهر ان انا حسدت نفسى

قعدت اقول مبقتش بحس... مبقتش بتوجع

طيب ياستى اتفضلى احساس ووجع لحد لما تشبعى ولا تزعلى روحك

........

يامسهل يارب

ادينا قاعدين

لما نشوف اخرتها

ورانا ايه ..ورانا اييه

سؤال

صحيح هو انت ليه يوم مااختارتلى شكل المدونه دى وافقتنى عاللون الاسود فالخلفيه

بتسمع كلامى لـــيــه؟!!

ومازال الانتظار مستمرا

نفس الحكايه .. كلاكيت عــــــاشـــــــر مره

:)

.....

قـتـل مـع سـبـق الاصرار والتـرصـد