الخميس، 26 فبراير 2009

رساله الى أدم


ساعدنى واساعدك

..

ومتخلفش وعدك

..

عديلى وعدينى وفقلبك خبينى وابقى حلم سنينى ابقى انا جنه سعدك

..

ساعدنى على ليلها وخليها لتساهيلها وان مكتوبلى قليلها حبك هيكفينى

..

اوعدنى بنهارها بنسيمها وازهارها وان تعبك مشوارها حبيبى اسكن قلبى وعيننى

..

اسعدنى فى ايامها هبقالك احلامها حوش عن قلبى الامها حبيبى وان جرحتنى داوينى

.....

فقط هذا مااحتاجه منك

حواء

.........

الاغنيه

لأنغام

الأربعاء، 25 فبراير 2009

هذا انا


اعرفنى الاول قبل اسمى

اصل محدش بيشيل حد

فابتسامتى  ودمعتى ملكى

أيوه العالم دا ملكى

والناس عليا ضيوف

.........

 انا مجرد انسانه

ليها مالبنى أدم وعليها ماعليهم

 

بفرح .. وبحزن

مش ملاك ولا شيطان

بحب الناس وأطلب ودهم

وساعات كتير بتخنق منهم وابقى عاوزه الدنيا حواليا فاضيه

مين فينا على حال واحد

مين فينا مش بيمثل السعاده ويضحك فى وش الناس وهوا عنده مليون سبب يخليه يبكى من جواه

مين فينا مش بيزعل على حلم عمره لما ميعرفش يطوله

أظن الحزن او الشجن او أيا كان المسمى مش جريمه

ولو كان حتى أقرب الناس ليك عاوزك تتزوق قدامه وتمثل عليه زى مابتمثل على غيره

يبقى قلته أحسن ووجوده زى عدمه

لكن هنا مساحتى

بتاعتى انا 

وانا حره فيها 

افرح 

أحزن 

أكلم نفسى

اعيط

اضحك

أصرخ

أهييس حتى

أنا حره

 

الاثنين، 16 فبراير 2009

a new start



سبع سنين
محاضرات
مذاكره
امتحانات
تعب
وسهر
واخيرااااا
جه اليوم اللى وقفت فيه اقول القسم
قسم أبو قراط
انهارده كان يوم تخرجى

الجمعة، 6 فبراير 2009

مركب ورق قلبى


مركب ورق فالبحر ... والبحر قلبه كبير

.

مركب ورق قلبى بتعاند المجادير

.

موج ياخدها لفووووق ... وموج يطوحها

.

شطوط بتحضنها ... وشطوط بتجرحها

.

والبحر بجلاله كتير مبيسعهاش

.

مركب ورق قلبى

أوان فرحها مجاش

الخميس، 5 فبراير 2009

بينى وبينك 2


اللهم لك الحمد حمدا كثيرا

حمدا يليق بجلال وجهك وعظيم سلطانك

اللهم أجبر كسرى

وارحم ضعفى

واغننى بفضلك عمن سواك

ولا تكلنى الى نفسى طرفه عين

ولاتكلنى الى نفسى طرفه عين

ولاتكلنى الى نفسى طرفه عين

ياكريم

الثلاثاء، 3 فبراير 2009

دا القلب تعبان ياخال.. القلب تعبان ياعم


سايق عليكو الهوى يامدوبنى حنين

من شوقى قلبى انكوى واشكى ألامى لمين

دا البعد عنكم نار

والقرب منكم نار

والعشق والله مرار

وانا بردو لحم ودم

 
template by suckmylolly.com flower brushes by gvalkyrie.deviantart.com