الأربعاء، 3 ديسمبر 2008

عن العشق والهوى

طالما استوقفنى فيلم عن العشق والهوى انصت جيدا لكل جمله واتأمل تعبيرات وجوه الممثلين أحس وقع أوجاعهم على قلبى واشاركهم دموعهم جميعا يبدو ان الفراغ قد اتاح لى فرصه تأمل الاخرين ورصد انفعالاتهم والاحساس والتجاوب معها فأصبحت الى حد ما اجيد قرائتها..

يخبرنى احدهم عن عشقه الابدى لفتاه تبعد عنه الالاف الكيلو مترات تختلف عنه فالديانه وقضت من سنوات عمرها 17 سنه فقط لاغير .. فجأه انصب نفسى حاكما واقضى بالاعدام على هذا الهراء او عفوا كما يسمونه لعب عيال اقضى باستحاله اكمال الطريق سويا فحتما لابد لهذه العلاقه البريئه ان تنتهى وحتما سوف تنسى وتختار لك الايام من هى انسب واقرب .. ستحبها كثيرا وتتزوجا وتتقاسما الليالى والايام والاحزان والافراح ... يوم ما ستتذكر تلك المحبوبه وتبتسم ابتسامه ساخره وتاخذ نفسا عميقا ترحما على ايام البراءه والصبى....

هكذا علمتنا الايام وهكذا ألفنا افلامنا العربيه فلكل انسان حب اول برىء لقلب ابيض طفولى ولابد لهذا الحب ان ينتهى لسبب وحيد معروف للجميع انه ببساطه مش هينفع الموضوع دا يكمل . وقتها تذكرت الفيلم واخذت اسرد على المحب الصغير احداثه هل شاهدت بكاء البطل عندما كان يقوم بمسح صور محبوبته .. كان يعشقها ولكن كانت الايام كفيله بأن تقضى على وجودها بداخله فقط كل ماكان يحتاج اليه القليل من الاراده والرغبه فالنسيان لا اكثر

اسأل نفسى لماذا لم اقف الى جواره واتخذت نفس موقف الاخرين تجاه علاقته ؟؟؟ اجد الاجابه واضحه فقد تغيرت كثيرا كما اخبرنى صديقى العزيز فقدت ايمانى بالحب وبالمحبين وكيف لا وقد قضيت الليالى والشهور والسنين استجديه واستعطفه دون رد او تلويح بأمل الاقتراب ولكن لا بأس من يدرى ماتحمله الايام فى جعبتها ربما الاتى افضل ...

بعد الكثير والكثير من التفكير لم أصل لشيىء ولم استطع التكهن بما قد يحدث لعلاقته البريئه او لحالتى المستعصيه وجدتنى اردد بداخلى جمله البطل الشهيره ماهو كداب ابن كلب اللى يقولك انه فاهمه...

22 التعليقات:

romansy يقول...

اول تعليق

ل


رومانسى

romansy يقول...

انتى عارفه الفيلم دا من اجمل الافلام اللى بحبها برغم ان النهايه مش كنت احبها كده
الا انه يبقى من الافلام الجميله
بس الطفوله وحب الطفوله دول مش لعب عيال
دا اجمل حب الانسان بيعيشه
ومش وهم زى ما بيقولوا دا حقيقه والدليل انه بيعيش مع الانسان طول عمره

Kiara يقول...

عارفه الفيلم ده علي اد ماهو حلو علي اد ما اني كل اما اشوفه بتعب اووووووووووووووي

هبنولا يقول...

انا معاكي تماما في اخر سطر في التدوينة
عشان كده الواحد بيكتب براحته بعد الكلام ماعادش بيجيب نتيجة واتكتب على الواحد الخرس الى الابد

اما عن الافلام
فمش هاتكسف وهاقول انها دائي ودوائي
لان فيها الحياه اللي مابقيتش موجوده

يعني بالنسبة لي
هي الواقع اللي كنت اتمنى اعيشه
والواقع اللي احنا عايشينه هو اللي فيلم
وفيلم هابط كمان

واما عن الفيلم ده بالذات
فمشهد طارق لطفي اللي انا عنونته باسم " انت مش عارف يعني ايه ان قسمت تحبك"
هو احسن مشهد في الفيلم

هي كان اسمها قسمت مش كده؟

اما عن الحب
فاقول لكل المحبين
حبوا زي مانتو عايزين
وعلى قد ما تقدروا
بكرة تفوقو

تحياتي

حواء يقول...

انا شوفت الفيلم من قبل مشوفه
صحابي حكهولي بالتفصيل الممل
بس الفيلم مش عجبني بصراحه او بطله اللي مش عجبني
يحب ديه ويسيب ديه ويتجوز ديه
مش هو ده الحب
الحب اكبر من كده بكتير
وراي الحب الجميل اللي بيجي وقت الخطوبه وبيكبر مع الجواز والعشره الطيبه
عكس اللي بيقوله الفيلم أو الافلام بشكل عام
مثلا زي حب البنات برده كان بيتكلم عن حب بعد الجواز انه مش حب انه تعود وغالبا بيؤدي الي الطلاق مع انه عن تجارب كتير جدا في مجتمعنا الفكره ديه غلط غلط غلط

بس الغريب اني عندي فكره عن الحب وللأقدار كنت بتكلم انا وجوزي امبارح وقالي تصورك عن الحب اسمه هو ما يسمي " حب افلطوني "
مش عارفه بقي
كل سنه وانتي طيبه ياحره

غير معرف يقول...

مش عارف

مبقتش احب افكر فى حاجه :(

وميض ابتسامة يقول...

لعنة الحب الاول .....!!

هكذا احب ان اسميه ... فهو الاول فى كل شئ فى براءته.. فى جنونه... فى ليالي السهد واللوعة والاشتياق .. فى دقات القلب .. وضحكات اللقاء ..وسحر العيون .....
ثم تأتى الصدمة... صدمة الفراق وما يعقبها من آلام لا يحتملها بشر ..... والاستيقاظ على الواقع المرير ..

ولكننا وهذا ما يدهشنا .. لاننساه ابدا

ومع ذلك هناك الكثير من نوعية هذا الحب استطاعت ان تصمد وتكلل جهودها وصبرها بالنجاح .. فالكل قاعدة شواذ

تحياتى

غير معرف يقول...

السلام عليكم
بوست جميل اوى وتحليل رائع
و
==============
ماهو كداب ابن كلب اللى يقولك انه فاهمه...
==================
فعلا ......كلام ميه ميه

عيد سعيد عليكى وبعودة الايام ويلا سلام

انا حره يقول...

رومانسى

اه هات حق الانفراد بقى لو سمحت ههههههه

انا حره يقول...

رومانسى تانى

الفيلم تحفه بجد فيه كميه مشاعر ضخمه واحساسها عالى

حب الطفوله بيدوم لانه برىء اول مره بقى حد يدق عالباب وحركات بس فالاخر بيبقى وهم

وانا بتكلم عن حب المراهقين بتاع 15 او 18 كدا يعنى لحد مالانسان يبقى ناضج كفايا

بس ممكن واحد يبقى اول حب فحياته وهوا مثلا 25 سنه او ناضج كفايه انه نسميه حب بجد

حاسه انى قلبت على اسامه منير

نغير القناه بقى ونقول الو يووووه قصدى كل سنه وانت طيب

انا حره يقول...

مولان

هههههههههه يامحاسن الصدف لقيت الفيلم شغال انهارده على قناه الشاشه

بنت حلال مصفيه انا والله

مكشوف عنى الحجاب ههههههههه

ماقولتيليش بتتعبى ليه؟؟؟؟؟

انا حره يقول...

هبنولا

لا اله الا الله

بصى يابنتى انتى اخيرا اخيرا جيتى المكان الصح هنا مدونه الاكتئاب المزمن وترحب بجميع المكتئبين واللى شايفينها سوده وطريقك مسدود مسدود ياولدى

اهلا وسهلا بيكى

كنتى بتقولى ايه بقى افلام ايه اللى بتهربى ليه مااحنا عايشين فيلم اهو كوميديا اخر حاجه تقريبا انتاج السبكى عشان كدا فيلم هابط وسخيف وملوش طعم ولا ريحه بس عايشينه

اه كان اسمها قسمت وانا بصراحه لابطيق الاسم دا ولا بطيق اللى اسمها بشرى كان اوحش حاجه فالفيلم بس افتكرتك وانا بتفرج عليه

اخر سطرين دول هعتبر الرقابه هتحذفهم عشان لسه عندى امل نص فالميه انى هحب واتحب زى باقى خلق الله

كل سنه وانتى طيبه بس يعغنى ايه هبنولا

انا حره يقول...

زوجه

مش بقولك انتو الناس الخبره

قولى كمان ياقمر

الحب بيجى بعد الجواز مممممم انا فحالتى المستعصيه دى اشك اذا كان مجاش قبله تفتكرى هيجى بعده دا اذا كان فيها جواز من اصله

اقولك سيبك انتى كل سنه وانتى طيبه واتوصى ب استاذ احمد فالفته واللحمه بقى وهاتى عديتى لو سمحتى فالزياره اللى جايه انا الصغيره بقى ولازم تفرحونى ولا ايه

انا حره يقول...

سفاح كرموز

ليه بس كدا

ايه مود الاكتئاب اللى عايش فيه الايامدى يابنى ومالك قالب مدونتك صفحه وفيات كدا ليه بس

كل سنه وانت طيب وفكها كدا وارجع بسرعه لمشمش اللى نعرفه

انا حره يقول...

وميض ابتسامه

انا لسه فاكره لدلوقتى اول مره حسيت انى فرحانه وقلت او افتكرت انى بحب حد كنت ف اولى اعدادى ههههههههههههه وكنت افرح اوى لو اخد منى قلم ولا كتاب وافرح لما يجى معاد الدرس اللى بناخده سوا بس مش اكتر تفتكر دا اسمه حب ولا لعب عيال بس لذيذ

كل سنه وانت طيب

انا حره يقول...

جمعاوى

اشكرك اشكرك دايما الناس بتقول عنى كدا ههههههههههه منتهى التواضع

كل سنه وانت طيب ومتكترش فاللحمه

mahasen saber يقول...

انا جيت ااقول الاول يا قمره كل سنه وانتى بالف خير

وكل عيد وانتى واهلك واسرتك وكل من تحبين بالف خير وسلام

والفيلم عجبنى بس مش قوى يعنى

هبنولا يقول...

متشكرة قوي على الترحيب الكبير ده

انا كنت باقول عن مشهد واداء طارق لطفي في الفيلم مش قسمت ولا بشرى ولا الفيلم نفسه
دور طارق لطفي اكتر حاجة عجبتني

وربنا يا ستي يرزقك بابن الحلال اللي يحبك وتحبيه وتعيشو في تبات ونبات وتخلفوا صبيان وبنات

بس بضه هتفوقو في الاخر

وبقية خلق الله مش بتحب وتتحب ولا حاجة

بقية خلق الله يا اما مقضيانها

يا اما مسلمين ومستسلمين

يا اما بيناكفوا في بعض قدام الجيران او المحاكم

وقليل قوي اللي سعدا ومبسوطين

عارفة مسن دول؟

اللي بيتقوا ربنا في نفسهم وفي اللي معاهم

سلامات

انا حره يقول...

محاسن صابر

كل سنه وانتى طيبه وجميله كدا ياقمر

انا حره يقول...

هبنولا

ياستى خلينا عايشين على امل نبقى من الشويه الصغيرين دول

كل سنه وانت طيبه واهلا بيكى دايما

Beram ElMasry يقول...

انا حره
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

محمود محمد حسن يقول...

لازم اول مرة تكون غلط

مفيش حد بيعمل حاجة اول مرة وتطلع صح ،

حتى الحب ، لازم اول مرة يكون فيه حاجة غلط ،


ومفيش حد بيتعلم بالساهل

 
template by suckmylolly.com flower brushes by gvalkyrie.deviantart.com